پنج شنبه - ۳ خرداد ۱۳۹۷
خانه / مقاله / باروت بوشقاسی پاتلاماق اوزره دیر / اوغوز گونئیلی

باروت بوشقاسی پاتلاماق اوزره دیر / اوغوز گونئیلی

 

بوگون اورتا دوغودا اؤزللیک له بیز یاشایان بولگه ده گونو گوندن، خوش اولمایان خبرلر قولاغا ده ییر.
بو گئدیش له هان – هان دی ، کور بیر ساواشین آلوولاری بؤلگه نی سارا.

ایران_عربستان، ایران_ایسرائیل ساواشی، تورکیه، یمن،عراق، کوردلر یئرلشن بؤلگه افغانستان، آزربایجان،ارمنستان و …

هر آن هر یئرده بیر ساواش چیخا بیله ر بو ساواشلارین طبیعی کی بو بؤلگه لرین میللتلرینه هئچ بیر یاراری یوخدور، آنجاق بوندان ائتگی لنمه ک ده مومکون دئییل.
هر ساواشین سونوندا دؤولت لر میلت لرینین یارالارینی سارماغا چالیشارلار، اوزامان دؤولتسیز میلت لرین یارالارى نه اولاجاقدیر؟
اونلارین یاراسین کیم ساراجاق؟ ایران_عراق ساواشی بیزیم یاخین تاریخیمیزده بونون اؤرنه ییدیر ،آزربایجان میللتی جانلا باشلا بو ساواشا قاتیلیب، هم عراق جبهه سینده همده عراغین بسله دییی کورد تروریسمی ایله ساواشدی، مینلرجه شهید وئردی ، ایران و اونون باشینداکی حؤکومتی ساخلاشدیردی،سونوج؟

بوگون کوردلر اینجیمه سین دئیه او شهیدلره سولدوزدا آغیرلاما مراسیمی یاساقلانیر، او شهیدلرین اوشاقلاری اؤز دوغما توپراقلاریندان حؤکومت دسته یی ایله کوردلر طرفیندن قووولور و شوونیستى سیاست لر سونوجوندا سولدوز بیر تورک شهری اولاراق کوردلشدیریلیر.

مشروطیت زامانی قاجار تورک حؤکومتی آزربایجان تورکلری طرفیندن یئنیلییه اوغرویور نهایت ییخیلیر. یئرینه رضا پالان حؤکومتی اینگیلیس الی ایله قویولور و ایلک ایشی همان مشروطه چی تورکلری باشدا ستارخانلا بیرلیکته قیلینج دان کئچیرمه ک اولور.

بونلاری آنلاتماقدان نظر بودور کی بؤلگه ده اولاسی بیر ساواشدا طرف توتمادان اؤنجه ساواشین سببین و ساواشان طرف لری اینجه له ییب تانیمالییق ،سونرا آزربایجان و اوردا یاشایان تورک میللتین چیخارلارین گؤز اؤنونه آلاراق ساواشا قاتیلیب یا قاتیلماماغیمیزا قرار وئرمه لییک.

یادیمیزدا اولسون کی اولاسی هر تورلو ساواشدا آزربایجانین کیملیک ساواشی ان اؤن سیرادا یئر آلیر ، بونون قاباغیندا دورانلار طبیعی کی بیزیم یانیمیزدا یوخ قارشیمیزدا اولاجاقلار.

آرتیق اؤزگه چیراغینا یاغ اولماق بسدیر .

ورزقان دئپرمینده ،صدا سیما دا خندوانه یه باخیب هلله نه نلر،کرمانشاه دئپرمینده قارا گئییب میلیاردلار پول آزربایجاندا یغیب اورا گوندردیلر.

البته کی بیز هئچ میللته بلا ایسته میریک ، آما بیزه اورکدن قارداش دئیه نلر، بیزیم سئوگیمیزدن پای آلا بیلرلر‌.

هله تحقیر و توهین لرینی سایمیریق ،هورومه ک هر ایتین پئشه سیدیر.

ساواش قونوسونا گلینجه ،ساواشین اصیل سببی هئچ واخت گؤستریلن و مئدییادا چیخان سبب لر دئییل .

اؤرنه یین ؛ گونوموزده سوریادا گئدن ساواشی هر کس بیر شیعه_سنی جنگی سانیر، حالبوکی دوشوندویومه اونون اصیل سببی قطرین آغ دنیزده گاز لوله سی چکمه سیله باغلی دیر کی عربستان ،اردین و سوریه دن کئچمه لی دیر.
او گاز یاتاغینا ایران لا قطر شریک دیرلر، هر هانکی چوخ پای گؤتورسه البته او بیرینین ضررینه دیر، اونا گؤره ایران بو لوله یه قارشیدیر.

ایکینجی روسیا اؤز گازی نین ساتیشیلا، اوروپانی گروگان ساخلاییب.

بیرینجی رییبی آزربایجان باکی _جیهان خطینی چکدی ،روسیادا بیر ایش گؤره بیلمه دی (ان آز بو گونه دک) آما عربلر گوجلو بیر رقیب دیلر، ایه ر سه او لوله آغ دنیزه اولاشیرسا روسیا نین بئلی بوکوله ر.
بو ایکی دؤولتین عربستانلا اردونا نفوذلاری یوخدور آما سوریه…؟
بوگونکو جبهه صف لری ده اونو گوستریر‌.
داعشین هاردان چیخماسی کوردلرین بولگه ده غاعله سی یا ایران_عراق ساواشی هامیسینین گیزلی سببلری واردیر.

بیز آزربایجانلی لار ۵۰۰ایلدن بری بوتون ساواشلاردا ایسته مدن اولموشوق و هر بیریمیزده بیر شئ لر الدن وئرمیشیک، آرتیق بونا بیر سون وئرمک لازیم دیر.
یا ساواشاجاییق ،ایه ر ساواشیرساق سا اؤز میللتیمیزین اؤزگورلویو اوچون ساواشاجاییق.

بیشتر بخوانید

“آزربایجان میللی حرکتی”نین یئنی دن دیریلیشی ، خورداد قیامیندان باشلامیشدیر / جواد رنجبر

  ۱۳۸۵ جی ایلین اردیبهشت آیینین ۲۳ جو گونونده، ایران ایسلام جومهوریتی ! نین رسمی …

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *