پنج شنبه - ۳ خرداد ۱۳۹۷
خانه / مقاله / دوستاقلانان میللی مدنی فعال ؛ موسی سودی دن آچیق مکتوب

دوستاقلانان میللی مدنی فعال ؛ موسی سودی دن آچیق مکتوب

آزربایجانین میللی-مدنی فعالی “موسی سودی” پانفارسلارین تورک انتشاراتلارینا ائتدیکلری سایغی سیزلیغی آچیق مکتوبلا تبریز دوستاغیندان قیناییب.

اولو تانرینین آدی ایله

راسیستی و شوونیستی فارس سیستئمی ۱۳۰۴-جی ایلینده قورلان زاماندان بو چاغادک ایللر بویو یالان و قوندارما تاریخ لرینده، غیر فارس میللتلره غالیب اولما و تورک میللتین آسیمیله ائتمه آماجی ایله فارس اولمایان میللتلری تحقیر آلتیندا ساخلاییبلار ٬بو آرادا رسانه لر٬ روزنامه لر و …یاردیمیلا فارس میللتینی اوستون گؤسترمکله ، آنتی تورک و آنتی عرب پروسه سین داوام ائتدیریب لر .

تاسوفله آزربایجانین غنی تاریخی و ادبیاتینی گؤسترگه سی اولان سندلرین آرادان آپارماق و بایکوت ائتمک ایچین اللریندن گلنی اسیرگه مه ییبلر . بو آرادا آزربایجان تورک گنج لری گونو گونده ن علم ٬تکنولوژی٬ ورزش٬ ادبیات و… ساحه لرینده گلیشمه سی وایفتیخار یاراتماقلارینا شماتت ائدیب لر.

خاطیرلاتمالیام ۲۱ آذر ۱۳۲۵ فاجعه سینده میللتیمیزین بیر چوخ قهرمان اوغول-قیزلارین سوی قیریم ائده ندن سونرا جینایت لرینه دور دئمه دن آذرین ۲۶-ینجی گونو آزربایجان فرهنگینی ، دوشونجه و وارلیقلارینا تهلوکه سایاراق بوتون آزربایجان تورکجه سینده اولان کیتاب،مکاتبه و سند لری یاندیریب لار…

ایسلام دؤوروندن بویانا مین ایل تورک حکومت لری و مفاخیر لری ایش اوستونده اولوب و اونلارین حاکمیتده اولدوغو زامان هئچ بیر اقلیتده اولان میللت تحقیر اولونماییب و بو بیزیم غنی فرهنگیمزین گؤسترگه سیدیر . ایللر بویو ستارخانلار ٬باقرخان لار و خیابانی لر ایرانین تمامیت ارضی سین قورویوبلار وبؤیوک جوغرافیامیزدا اولان غنی معادین و ثروت لریمیز ایراندان یاشایان بوتون میللتلرین گلیشمه سی یولوندا استفاده اولونوبدور. آنجاق بونلارا رغمن تحقیر پروسه سی دایاندیریلماییب.

ایسلام اینقیلاب اولایلاریندا آزربایجان تورک اولوسونا برابرلیک و میللتلرین قارداشلیق وعده سیله یارانان فضادا آزربایجان میللتی یئنه اینسانی وظیفه سین یئرینه یئتیریب ،حق و باطل نبردینه گئتمکده تورک میللتی اؤنده اولاراق مین لر جه شهید ،جانباز،مفقودالاثر و آزاده بو توپراغا تقدیم ائله ییب واجانیب لری سینیرلاردان چیخاردیب ایفتیخارلار یارادیبلار .

ایندیسه بو گونلر تهران سرگیسینده بیر عده پان فارس ،نژادپرست و کلمه نین حقیقی معنی سینده لومپنلری ساپورت ائده نلر ، آزربایجانین فرهنگی ،اینسانی و قانونی ایستک لرینین سرگیله مه سی گوزلرینده تیکان گوروب ، آذر تورک غرفه سینه گیریب قاریشیقلیق سالیبلار.

ایللربویو میندار ایشلری بو قونونو یئنیده ن بوتون اینسانلارا خاطیرلادیر کی هر زامان آزربایجان تورک میللتی اوز تاریخ و فرهنگ و گوجونه اینانسا ، پانفارس لارین یالانلاری و بیزیم وارلیقلاریمیزا صاحیب چیخانلارین چیرکین اوزلری اوزه چیخاجاق و بواولایلار بونلارین سونودو…

من بیر میللی-مدنی فعال و آزربایجان میللتینین بیر اولادی اولاراق اوز نؤوبمده پانفارس لارین غیر فرهنگی و غیر اینسانی ایشلرین شیددتله قیناییب بو ایشلرینه دور دئییرم.

:موسی سودی”
۲۴ اردیبهشت ۱۳۹۷
تبریز مرکزی زیندانی

 

بیشتر بخوانید

“آزربایجان میللی حرکتی”نین یئنی دن دیریلیشی ، خورداد قیامیندان باشلامیشدیر / جواد رنجبر

  ۱۳۸۵ جی ایلین اردیبهشت آیینین ۲۳ جو گونونده، ایران ایسلام جومهوریتی ! نین رسمی …

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *