خانه / آذربایجان / آذربایجان اوسطوره‌لرینده، کوراوغلو یئنیجه دوغموش گونشین سیمگه‌سیدیر.

آذربایجان اوسطوره‌لرینده، کوراوغلو یئنیجه دوغموش گونشین سیمگه‌سیدیر.

آزربایجان اوسطوره‌لرینده، کوراوغلو یئنیجه دوغموش گونشین سیمگه‌سیدیر. او هر ایل کیچیک چیلله‌نین سون گئجه‌سینده دوغوب خالقی قیش و قارانلیقدان قورتاریر. ائله محض بونا گؤره، بایرام آیی یا همن بالیق آیی‌نین ایلک بئش گونونه، خالق آراسی، چیلله بئچه‌سی یا کوراوغلو چیلله‌سی دئییلیر.

آزربایجان تاریخینده، کوراوغلو خانلار و شاهلارین ظولمونه قارشی عیصیان ائدن قهرماندیر. خالق اینانیشلارینا گؤره، کوراوغلو ائلینی داردا گؤرنده، یئنیدن باش قالدیریب اؤز خالقینی قورویور.

یوز ایل اؤنجه، قوزئی آزربایجان تزارلارا قارشی عیصیان ائدنده، اوزئییر حاجی‌بیوف کوراوغلونو باکی شهرینه چاغیردی و کوراوغلو آلیجی قارتال کیمی داغلارین باشیندان قانادلانیب او شهره گلدی. گلدی و قالدی. بلکه ده، ساوئتلرین یئتمیش ایللیک دؤنمینده او خالقا اومود باغیشلایان ائله همن اوزئییرین کوراوغلوسو اولدو و نهایت همن اوپئرا او خالقی آزادلیغا دوغرو آپاردی.

کوراوغلو کیتابی سفر- سفردیر و هر بؤلومو بیر سفر آدلانیر؛ اؤرنک اولاراق کوراوغلونون همدان سفری، کوراوغلونون باغداد سفری و بوگوندن اعتبارن کوراوغلونون تبریز سفری باشلانیر. کوراوغلو بیر هفته تبریزه سفر ائدیبدیر. آما بو سفر باشقا سفردیر. او یوز ایل اؤنجه اوتای آذربایجانا گلیب قالدیغی کیمی بو سفرده تبریزده قالماغا گلیب. او تاریخین درینلریندن قالخیب، قالماغا و عیصیان بایراغینی قالدایرماغا گلیبدیر.

بیشتر بخوانید

ژاله تبریزلی ؛ عمر حکومت جمهوری اسلامی آنقدر نخواهد بود که عباس لسانی را در اسارت خود نگهدارد + ویدئو

  اؤیرنجى : ژاله تبریزلی رئیس حقوق بشر آزربایجان ( ارک) با انتشار ویدئویی ضمن …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *