خبر فوری
خانه / آذربایجان / آزربایجاندا تحصیل آلان گونئی آزربایجانلی اؤیرنجى لر مادی سیخینتیلارلا اوز-اوزه دیر

آزربایجاندا تحصیل آلان گونئی آزربایجانلی اؤیرنجى لر مادی سیخینتیلارلا اوز-اوزه دیر

اؤیرنجى : گونئی آزربایجاندان، قوزئی آزربایجانا موسیقی و باشقا ساحه لرده تحصیل آلماق اوچون گئده ن اؤیرنجى لر مادی سیخینتیلارلا اوزله شیب لر.

بو قونودا گونئی آزربایجانلی اؤیرنجى لر ، آزربایجانین مئدیا اورگانلاریلا آپاردیغی دانیشیقلاردا مادی سیخینتیلارینی آچیقلاییب ،ایران آدلانان جوغرافیادا اکونومینین چؤکمه سینی ،اونلارین بو پیس مادی دوروما گلدیکلرینین اساس ندنلریندن بیریسی اولدوغونو وورغولاییبلار.

ایراندا ایقتیصادی دورومون پیسلشمه سی و اؤلکه پولونون کسکین ده یردن دوشمه سی نده نیندن، اؤیرنجى لر ایسته ر ایللیک تحصیل حاقلارینی اؤده مک ده ؛ ایسته رسه ده باکی دا گونده لیک احتیاجلارینی قارشیلاماقدا چتینلیک چکیرلر. بو سیخینتیلاردان دولایی تحصیلینی یاریمچیلیق قویوب گونئی آزربایجانا قاییدان اؤیرنجى لرین ده ساییسی آز اولمامیشدیر.

موسیقی ساحه سینده تحصیل آلان اؤیرنجى لردن بیریسی “توحید نوروزی” سون دؤنم ده ایراندا یاشانان آغیر ایقتیصادی دورومون اونون تحصیل حایاتینا نئجه منفی تاثیر گؤستردییندن بحث ائدیب، او آرتیق اوزون موددت دیر تحصیل آلدیغینی ، آنجاق ایندیلیک مادی سیخینتیلارا گؤره یونیوئرسیته سینی یاریمچیلیق قویوب گئری قاییتماق مجبورییتینده اولدوغونو آچیقلاییبدیر.

توحید نوروزی بو مادی سیخینتیلاردان اوسته لیک ،ایران رئژیمینین باشقا آلانلاردادا گونئی آزربایجانلیلارا قارشی آیری سئچکیلیینه ده توخونوب و ایران رئژیمینین گونئی آزربایجانلیلارین اؤز آنا دیللرینده اوخودوغو موسیقی لردن دولایی سیخینتیلارلا قارشیلاشدیردیغینی دا وورغولاییبدیر.

آزربایجاندا موسیقی ساحه سینده تحصیل آلان گونئی آزربایجانلی اؤیرنجى ، آذر خانیم چلبیان دا سون دؤنملرده مادی سیخینتیلارلا قارشیلاشدیغینی بیلدیریب و ایران رئژیمینین قادین ایفاچیلارینا قارشی باسقیلاری و قادینلارا سولو ایفانی قاداغان ائتمه سی کیمی آددیملارینا توخونوب.

بیشتر بخوانید

اقرار وزارت کار رژیم ایران به بیکاری حداقل ۱.۵ میلیون نفر پس از بحران کرونا در جغرافیای ایران!

اؤیرنجى : چند مقام وزارت کار رژیم ایران از بیکاری دست کم یک میلیون و …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *