خانه / آذربایجان / آزربایجان تورک میللتی نین ۱۳۸۵ خورداد قیامی موناسیبتینه ؛ “اکبر بی آزاد” ین دئنه مه یازیسی

آزربایجان تورک میللتی نین ۱۳۸۵ خورداد قیامی موناسیبتینه ؛ “اکبر بی آزاد” ین دئنه مه یازیسی

۱۳۸۵-جی ایلین خورداد آیینا قدر، آذربایجان تورک ملتی نین گله جگی بارده همیشه بیر قورخو، بیر ایکی گؤیوللولوک اورییمده یاشاییردی!
ملتیمیزین گله جگیندن قورخوردوم ! قورخوردوم مدرن ادوات -آراجلار قارشیسیندا داوام گتیره بیلمه یه !
قورخوردوم مظلوم ملتیمیز آغیر سیخیتیلار- بوغونتولار قارشیسیندا داوام گتیرمه ییب دیزه چؤکه !
همیشه اورییمده ایکی گؤیوللو ایدیم، اؤزومدن سووروشوردوم:
آیا آذربایجاندا یاشایان تورک کوتله سی اؤزونو باشا دوشور؟
آذربایجان تورک ملتی ۱۳۸۵-جی ایلین خورداد آییندا ثبوت ائتدی اؤزونو باشا دوشور!!!
اؤزومدن سووروشوردوم:
آیا آذربایجاندا یاشایان تورک کوتله سی اؤزونو دوشونه رک کیملیگینی منیمسه ییر؟ قورویوریا بیلیر؟ ویا قورویا بیله جک؟
آیا کیم اولدوغونون فرقینده دیر؟ یوخسا تورکجه دانیشماسینا باخمایاراق ، تورکلویونو ایتیریبدیر؟! و….
آذربایجان تورک ملتی بوتون بوتردیدلره ۱۳۸۵-جی ایلین اوردیبئهیشت – خورداد آیی اولایلاریندا سون قویدو! منیم اورییمده بؤیوک بیر گوونج و اومود یاراتدی !!!
او زامان دوستلاریمین بیری ایله ساییردیق تخمینا ۵۵ بؤیوک- کیچیک شهرین خیابانلاریندا «ایران قزئتی»نین چیرکین و شنیع اهانتلرینه اعتراض اولوندو! دولتی اعتراضلار سرعتله ضدینه چئوریلدی و ملتیمیز بیرلشدی، بؤیوکلشدی !
بو اعتراضلارین ان تأثیرلیسی خوردادین بیرینده تبریزده اولدو!
تهراندا، قزئتلر یازدیلار بیر گونده ۴۵۰۰۰ سلاحلی قوه آذربایجانلیلارا قارشی میدانا گلمیشدیر!
آذربایجان تورک ملتی اؤز کیملیگی، دیلی و وطنی اوغروندا قان وئردی ! یوزلر نفر یارالاندی. بیرچوخ گنجلریمیز تبریزده، سولدوزدا، خییاودا و… شهید اولدولار!
شهیدلر آل قانلارینا بویاناراق هارای چکدیلر!
هارای – هارای من تورکم –
– دئدیلر و من کیمی ایکی گؤیوللو انسانلارا اومید بخش ائتدیلر!
بو « هارای – هارای من تورکم » شعاریندا غریبه بیر گوج، بیر ائنئدژی واردیر!
البته بو گوجو تخمینا بیر ایل اؤنجه، تهراندا، بؤیوک ملی سرداریمیز «ستارخان»ین مزاری اوزه رینده سینانمیشدیر! ائله او زامان دا دوشمنلرین اوریینه قورخو سالمیشدیر!
++
باخمایاراق کی ۱۳۸۵-جی ایلین خورداد آییندان سونرا گله جگه چوخ اومید باغلادیم، آنجاق باشقا بیر قورخو، باشقا بیر ایکی گؤیوللولوک اورییمین دیبینده یاشاماقدا دیر:
نه دنسه هله ملتیمیز باشی پوزوق دور!
هله دوشمن مختلف دونا بورونوب، راحتجه سینه ایچیمیزه گیریب! و ملتیمیزین مبارزه سینده اخلال ائده بیلیر!
سیزجه نه ائتمه لیییک؟؟؟!
«اکبر آزاد»

بیشتر بخوانید

عیادت اکبر آزاد و حسن راشدی از استاد حسین محمدزاده صدیق

اؤیرنجى: اکبر آزاد و حسن راشدی نویسنده و فعالین سرشناس آذربایجانی دیروز ۲ تیرماه ۱۴۰۱ با …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *