خبر فوری
خانه / حقوق بشر / آنا دیلیمیز – ملی وارلیغیمیز / اکبر آزاد

آنا دیلیمیز – ملی وارلیغیمیز / اکبر آزاد

 

سکسن(۸۰) میلیوندان آرتیق انسان ایراندا یاشاییر! بو سَکسَن(۸۰) میلیون انسان فرقلی قوملار ویا ملتلر تشکیل ائدیر. بو قوملار و ملتلر بیر سیراسی بونلاردان عبارت دیرلر: عرب، بلوچ، لور، گیلک، ائرمنی، کورد، فارس، تورک و….
البته تورک اؤز ایچینده بیر نئچه قوروپدان عبارت دیر: آذربایجان تورکو، قاشقای تورکو، تورکمن تورکو، خوراسان تورکو، خلج تورکو و…. بو تورکلر بیرلیکده ایران جمعیتی نین نسبی اکثریتی نی تشکیل ائدیرلر.
هابئله تهران شهری نین اهالیسی نین اکثریتینی ده تورکلر تشکیل ائدیرلر. حتی یوز ایل بوندان اؤنجه ده تهران اهالیسینین اکثریتینی تورکلر تشکیل ائدیرمیشلر. بونو آقا مسجد جامعی، تهران شهر شوراسی نین عضوو، تهرانین وحدت ساراییندا (تالار وحدت) سایین «علی بَی پولاد»_ین «شناسنامه تبریز و پیرامون» (تبریزین و چئوره سی نین کیملیگی) آدلی نفیس کتابی نین(بیرینجی چاپ ۱۳۹۲) پرده سالدیسیندا دئمیشدیر. آقای مسجد جامعی اوز دانیشیقلاریندا تأکید ائمیشدیر کی، بو باره ده مکتوب سند واردیر.
ایراندا و تهراندا بو نسبی اکثریتی تشکیل ائدن تورک لرین نه تهراندا، نه ایرانین سایر بؤلگه لرینده دیلی و کولتورو ایله ایلگیلی و دؤلت حمایت ائده ن بیر رسمی مؤسسه سی ده یوخودور! اگر هردن بیر اورادا – بورادا، داغینیق حالدا مدنی انسانلاریمیزین چالیشمالاری ایله بیر ایش گؤرولسه ده امنیتی – غیر امنیتی قوه لر اونا مانع تؤره دیرلر، انگل یارادیرلار و قارشیسینی آلیرلار. بیلمیرم نه دنسه بونلار بیزیم دیلیمیزه و کولتوروموزه امنیتی و تهلکه لی گؤزله باخیرلار. بیزیم دیلیمیزی، کولتوروموزو، موسیقیمیزی و… خطرلی بیر عنصرلر کیمی دیه رلندیریرلر. بونون هئچ بیر منطقلی سببی یوخدور و اولا بیلمز! الّا بوکی، ایراندا یاشایان تورکلرین علیهینه آچیق – آشکار بیر تبعیض واردیر. بو تبعیض بیرینجی نؤبه¬ده تورک دیلی و کولتورونون علیهینه اعمال اولور، تاریخی بنالار و آبیده لریمیزین علیهینه اولور یعنی یا اولاری تخریب ائدیرلر و هویتینی دَییشیب منیمسه ییرلر. تاریخیمیزی پوزورلار و یئنیدن بیزه جعلی تاریخ یازیرلار. بئله بیر داورانیشلار یوز ایلدن آرتیق دیر ایراندا اعمال اولور.
ایکینجی سی اقتصادیمیز کورلاماغی پلانلاشدیریر صنعی ایش سیزلیک تحمیل ائدیرلر. یئرلی تورک اهالیسی معیشتلری تأمین اولمادیغی اوچون مجبور اولورلار عاییله لری نین و اؤزلرینین معیشتینی تأمین ائتمک اوچون باشقا یئرلره مهاجرت ائتمگه مجبور اولورلار.
یعنی ایللیک بودجه ده نسبی اولاراق تورک بؤلگه لرینه، اؤزل لیک له آذربایجانا داها آز بودجه اختصاص وئریرلیر. ایش سیزلیک شدتی تأثیر آلتیندا، معیشتلرینی تأمین ائتمک اوچون ایسته نیلمه میش مهاجرتلره مجبور اولورلار. بو مهاجرتلرین داوامیندا آسیمیلا سون تحمیل ائدیرلر. البته آسیمیلاسیون پروسه¬سی نین یالنیز بیر یؤنو و جهتی یوخدور بلکه مختلف یوللار ایله آسیمیله اولمانی تحمیل ائدیرلر:
۱- ایران آنا یاساسیندا ضعیف ده اولسا آنا دیلیمیزه تحصیل حقی رسمیته تانینمیشدیر آنجاق ۴۰ ایل دیر دؤلت بو قانونا عمل ائتمه دن بویون قاچیدیر. و یالنیز فارس دیلینده تحصیل ائتمه¬نی ملتیمیزه تحمیل ائدیر. اؤز دیلیمیز قالیر، اؤزگه دیلده اوشاقلاریمیز تحصیل آلیر. بو آسیمیلاسیون خطی تمل جهتی دیر.
۲- محکمه¬لرده و سایر دؤلت اداره¬لرینده یالنیز فارسجا یازیشیب دانیشیلدیغی اوچون فارسجا ملتیمیزه تحمیل اولور. و آسیمیلاسیون داوام ائدیر.
۳- اجباری ایکی ایل لیک عسگرلیک دؤزه سینده ده بوتون اؤیرتیملر یالنیزفارسجا و فارسجا چرچیوه سینده اولور. یئنه اؤزگه دیلی و کولتورو تحمیل اولور و تحمیل اولموش آسیمیلاسیون داوام ائدیر.
۴- ایش سیزلیک اوجوباتیندان آذربایجانین تورک اهالیسی، فارس اوتوران منطقه لره مهاجرت ائدیرلر و مجبور اولاراق فارس دیلینی اؤیره نیرلر و اؤز تورکجه میزه یادیرغاییرلار و دیلیمیزی یاشام سوره جینده ثمره سیز بیر دیل کیمی بیزه تانیتدیریرلار. و اؤز کؤکوموزدن آیریلیب اوزاقلاشمانی بیزی تحمیل ائدیرلر.
۵- بوتون مطبوعات و معتبر گونده لیک¬لر دؤلتین حمایه سیندن عمومی بودجه دن؛ مالیاتلاردان و یئر آلتی قایناقلان الده ائدیلمیش ثروتلردن فایدالاناراق فارس دیلینده یاییلیر. و هرگون بیزیم دیلیمیزین، کیملیگیمیزین علیهینه تبلیغ ائدیرلر.
۶- بوتون رادیو – تلویزیون وئریلیشلری فارسجا دیر. حتی آذربایجاندا، تبریز، اورمیه، زنجان، همدان، اردبیل و… شهرلرینده اولان رادیو – تلویزیونلارین وئریلیشلری فارسجادیر آرا – سیرا ظاهرده تورکجه بیر پرقراملاردا اولسا مقصدی دیلیمیزین قایدالارینی پوزماق و تاریخیمیز انکار و جعل ائتمک و تام یالان آشیلاماق نیتی ایله اولور.
رادیو – تئلویزیونون عرقچی و راسیستی (نژادپرستی) تبلیغلری، عملده فارس اولمایان ملتلرین علیهینه تبلیغ اولور.
۷- و……
بیز بوگون کوبود بیر راسیسیم و کولتورل آپارتایدا و تبعیض له قارشی – قارشییاییق! بیزیم تورک ملتیمیزه هئچ طرفدن بیر یاردیم اولومور.یالنیز سیستئماتیک تاپدالانیر، ازیلیر. بیز مجبوروق یالنیز اؤز همتیمیزه، اؤز گوجوموزه و اؤز ملی مبارزه میزه اومید باغلاییب، گووه نک!!!
آذربایجان تورک ملتی نین ایگیت اوغوللاری، قهرمان قیزلار بو یولدا دسته – دسته زیندانا دوشورلر، آنجاق اؤز حق یوللاریندان دؤنمورلر، قاییتمیرلار!!!همان بو ملی مبارزه لرین داوامیندا بیر نئچه نفر زیندانا سالینمیش عزیز ایگیتلریمیز تصمیم توتوبلار اسفند ایکیسی(فوریه آیی نین ۲۱)، یعنی «دنیاسَل آنا دیل گونو» مناسبتینه و دیلیمیز تدریس و تحصیلی نین یاساق اولدوغو اوچون بیرلیکده مختلف زیندانلاردا آجلیق اعتصابینا باشلایالار. بو آجلیق اعتصابینا قوشولانلار بونلاردیلار:
امیر بَی ستاری- تبریز زیندانیندا
ابراهیم بَی نوری تهرانین ائوینِ زیندانی نین یئددینجی(۷-جی) بندینده
سیامک بَی میرزایی- تهرانین ائوینِ زیندانی نین سکگیزینجی(۸-جی) بندینده
لطیف بَی حسنی – کرج شهری نین رجایی شهر زیندانیندا
عباس بَی لسانی اردبیل زیندانیندا
+++
گلین آنا دیلمیزی – ملی وارلیغیمزی، انسان شرفیمیزی قورویاق
گلین آنا دیلیمیز اوغروندا تورکجه کتاب پای وئره ک، خصوصا اوشاقلارا تورکجه کتاب پای وئره ک!
گلین حبس ده اولان ملی- مدنی مبارزلریمیز حمایه ائده

بیشتر بخوانید

عباس لسانی ؛ در صورت عدم تحویل اوراق پرونده اش تا ۴۸ ساعت دیگر دست به اعتصاب غذا خواهد زد

اؤیرنجى: عباس لسانی فعال ملی و سیاسی سرشناس آزربایجانی محبوس در زندان اردبیل اعلام نمود …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *