جمعه - ۱۵ فروردین ۱۳۹۹
خانه / آذربایجان / آنا دیلینده اؤیره تیم ،میللى دؤولتین قورولماسیندان آسیلیدیر / بورلا توران

آنا دیلینده اؤیره تیم ،میللى دؤولتین قورولماسیندان آسیلیدیر / بورلا توران

اینسانلار سوسیال دوغولارلار، بونا گؤره ده باشقالاریلا ایلگی قورماق اوچون ایسته ر – ایسته مه ز بیر دیل اؤیرنه رلر.

اصلینده دونیادا هر هانچی بیر توپلوم اولورسا اولسون، بوتون اینسانلار بئیینلرینده گیزلی اولان بیر دیل سیستئمی ایله دوغولارلار، بئله کی ایلک اؤنجه او دیل ایله ذیهین سه ل  و ایچ سه ل دانیشیب سونرا دانیشیرلار.
دیل عالیم لرین دئدیینه گؤره، دوشونجه دیلدن دوغولار و دیل دوشونجه دن .
بونا گؤره ده اوشاقلاردا بو دیل ایله عاییله و توپلوم طرفیندن ایله ری له یرلر، آنا و اوشاق آراسینداکی گوجلو باغ بدن دیلی ایله؛ کؤنول دیلی ایله، روح دیلی ایله و داها اؤنملیسی سؤزلو دیل ایله قورولور.

آنا دیلی بیر اینسانین ایچینده دوغولوب بؤیودویو، عاییله و یا توپلومون واسیطه سیله ایلک اولاراق اؤیرندییی دیل دئمک دیر.

آنا دیلی تاریخ بویو اؤله ن له اؤلمه ییب ، دوغولانلا بیرلیکده یاشایاندیر .
بئله کی دیل عالیم لرینین دئدیینه گؤره آنا دیلی کئچمیش و گله جه یی بیر بیرینه باغلایان کؤپرو کیمی دیر.
آنا دیلی بیر اولوس ایچینده یاشایان اینسانلارین آراسیندا اورتاق بیر دوشونجه و آلقیلاما سیستمی یارادیر، بودا عینی اولوس ایچینده یاشایان اینسانلارین آراسینداکی باغلیلیغی گوجلندیریر .
دونیادا اینسانلارین ایره لى له مه سى و توپلومسال گلیشمه نین اورتایا چیخماسی اوچون آنا دیلینین ائیتیمی اؤنملیدیر ، بونا گؤره ده چوخلو ایشلر گؤرولوب.

اؤرنه ک اولاراق ؛ ۱۹۹۹جو ایل فئورالین ۲۰ سی یونسکو طرفیندن آنا دیلی گونو اولاراق قبول ائدیلیب.
یونسکو بو قراریندا ۶۰۰۰ یاخین دیلین، یاریسینین یوخ اولماق تهلوکه سیله اوز – اوزه اولدوغونو و گله جک ایل لرده یئر اوزوندن سیلینن دیل لرین گئتدیکجه آرتدیغینی وورغولاییب . ائله بو اساسدا یونسکو توپلوملارداکی دیل چوخلوغونو دستک له ییب، آنا دیلینین اؤیرتیمینی هر توپلومدا گلیشدیریب و اینسانلارا دیل سه ل و کولتورسه ل ده یه رلری بیلدیرمه یی و بو قونونو اولدوقجا گوندم ده ساخلاماغی آماجلاییبدیر.

آیریجا آرتیرماق گره کیر ، بالاجا اوشاقلارین بیلینج آلتینین گلیشمه سی ، اؤزلری و چئوره لرینده کیلری آنلاییب یوروملاییب واویرنمه لری اوچون، سیستئمین آنا دیلی ائیتیمینی اویقولامالاری شرط دیر .ایندی ایسه چاغداش اؤلکه لرین اوشاقلارین ین بیلینج آلتینی گوجلندیرمه لری اوچون آنا دیلینین ائیتیم و اؤیرتیمینه اؤنم وئردیک لری آچیق آیدین گؤرونور.

میللی کیملیین آیریلماز بیر پارچاسی اولان آنا دیلین بیر اولکه ده  ائیتیلیب، اؤیرتیلمه مه سی ،میللی بوتونلویون یارانماسیندا بؤیوک بیر سیخنتی دیر و بو او اولوسون ایچینده کی اینسانلارین آراسیندا میللی کیملیک پروبلم لری یارادار بئله کی تورک دونیاسینین اؤندری مصطفی کمال آتاتورک میللی حیس و آنا دیلی آراسینداکی باغین نئجه گوجلو اولدوغونو دفعه لرجه وورغولاییبدیر.

بیر اینسانین اطرافینداکی اینسانلارلا ایلگی قورماسی، سوسیال بیر وارلیق کیمی توپلوم ایچینده اؤزونو گؤسته رمه سى و یاشام دا باشاریلی اولماسینین یولو آنا دیلینین ائیتیم و اؤیرتیمیندن کئچیر، آزربایجان تورک میللتینین ده تالانان اساس وارلیغی ائله آنادیلیدیر ،میللتیمیزین آنا دیلینی یاساقلایان و اونو آسمیلاسیون و ائلیناسیون سیاست لری ایله اؤز میللى وارلیقلاریندان اوزاقلاشدیریب مانقوردلاشدیرماغا چالیشان شوونیست لرین ده چیرکین نییتی ائله بوندان اوزاق دئییل .

بیر میللتین آنا دیلینین اؤیرتیمى ده میللى بیر دؤولتین وارلیغیندان آسیلیدیر ،میللتیمیز ایسه بونو بیلمه لی دیر میللی دؤولتین یارانماسی ،میللی ایراده دن و آردیجا موستقیللیک دن آسیلیدیر.

بیشتر بخوانید

نیایش چرنوبیل ، سوتلانا الکسیویچ ؛ در ایام قرنطینه کرونا زدگی کتاب بخوانیم. 

در روزهایی که ویروس کرونا جهان را درنوردیده و نگرانی‌های بسیاری رقم زده است، برخی …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *