خانه / آذربایجان / آنا دیلی گونو اوغروندا / اکبر آزاد

آنا دیلی گونو اوغروندا / اکبر آزاد

 

بیرلشمیش ملتلر (دؤلتلر) تشکیلاتینا(BMT) باغلی اولان یونئسکو تشکیلاتی، قبول اولونموش بیر قراری اساسیندا، اسفند آیی نین ایکیسینی، دُنیا سویّه سینده آنا دیلی گونو اعلان ائتمیشدیر!

ایران اسلام جمهوریتی دؤلتی ده یونئسکو تشکیلاتی نین عضوی دیر و بو قراری قبول ائدیب اونا قول چکیب امضالامیشدیر!

بو قرار اساسیندا دؤلتلر صلح و باریش اوغروندا بوتون آنا دیللرینه سایغی ایله یاناشمالی و اؤز اؤلکلرینده رایج اولان دیللرین مکتب- مدرسه لرده و بیلیم یوردلاریندا تدریس اولوب اوخونولماسینا یاردیمچی اولمالیدیر! هابئله بو گونو و آنادیلینی عزیزلمه لیدیرلر و بو گونو اؤلکه ایچینده عزیز له ینلره ده یاردیمچی اولوب، اونلاردان هر طرفلی حمایه ائتمه لیدیرلر!

۱۳۹۲-جی ایلین اسفند آیی نین ایکیسینده تهرانین جنوبوندا یئرلشن اکبر آباد(نسیم شهر) شهرجیکینین وجی آباد محله سینده، یئرلی اهالی نین بیرنئچه سی آنا دیلی گونو ایله ایلگیلی اؤزحسابلارینا بیر شنلیک مراسیمی قوروموشدولار! مراسیمه دعوت عمومی ایدی. هرکس شنلیک مراسیمینه گئده بیلردی! من ده بو شنلیک مراسیمیندن فایدالانماق اوچون اورایا گئتمیشدیم!

۱۲۰- ۱۴۰ نفر اوشاق-بؤیوک، خانیم-آغا، قاری-قوجا و… مراسیمده اشتراکق ائتمیشدیلر. مراسیم شخصی، اوچ طبقه بیر ائوین آلت قاتیندا(زئر زمی سینده) قورولموشدور! مراسیم بیر ساعتدن آرتیق ایدی داوام ائدیردی! نئچه اوشاق، بیر- ایکی شاعر آنا دیلی وصفینده بیر شعرلر اوخودولار! بیر عاشیق ایکی-اوچ هاوا چالیب-اوخودو! بیر ایکی نفر قیسا اولاراق دانیشدی! بو آرادا هاردانسا بیر سیرا قارایاخا له شخصلرله پولیس پالتاریندا اولان قوه لر گلدیلر! بیر ایکیسی نین الینده دوربین(کامئرا) وار ایدی. بیربه بیر اوتوران قوناقلاردان و مراسیمی اداره ائدن شخصلرین هامیسی نین شکیلینی چکیب، فیلمینی ده گؤتوردولر. مراسیم بیر آز متشنج (گرگین)اولموشدور. بو آن گنج شخصین دانیشیق نوبتی اولدو! آنا دیلی حقینده کاغیذ اوزره بیر مقاله سی وار ایدی! حرارت و هیجان ایله اوخوماغا باشلادی! مأمورلار چوخو زیر زمی دن ائشیگه چیخیب، چکیب زئر زمی نین قاپیسینی باغلادیلار! بو ایش سبب اولدو عاییله لر، آرواد –اوشاقلار قورخویا دوشوب چیغیریشدیلار! بو چیغیریشمالار سبب اولدو وضعیّت شدتله قاریشسین! بعضی گنج آداملار قاپینی آچماغا، اونو چکیب دارتیردیلار! مأمورلار قویموردولار قاپی آچیلا! بو چکیش-برکیشده قاپینین شوشه سی سیندی! شوشه سینیغی نین جینگیلتی سی زئرزمی ده اولان آرواد- اوشاق، عاییله لری داها آرتیق قورخویا سالدی! داها شدتلی چیغیریشیردیلار! بو آرادا پولیسلرده قاپی شوشه سی نین سینماسی نین جینگیلدیسیندن، آرواد-اوشاغین چیغیریشماسیندان قورخوب، قاپینی بوراخدیلار! قاپی آچیلدی! زئر زمیده اولان و قورخموش آرواد-اوشاق دایانمادان بیر-بیرینی باسا-باسا دار قاپیدان چیخماغا باشلادیلار! بعضیلری قاپیدان چیخدیقدا ییخیلیردی، ییخیلدیقدا شوشه نین سینیقلاری اللرینه باتیب قانادیردی! آنجاق آیریدان دورماغا جهد ائدیب قاچیردیلار! قاپیدان ائشیکده اولان، اون-اون بئش نفر پولیس و قارا یاخا، قاپیدان چیخانی باتوملا، یوموروقلا، تپیکله ووُروُردو! هرکسی توتماغا چالیشیردی! بعضی گنجلر مأمورلارین تپیک-یوموروغو قارشیسیندا عصبیلشیردیلر! بئش اون نفرین باش-گؤزو قانا بویانمیشدیر! من تقریباً سون آدام ایدیم کی زئرزمیدن چیخدیم! بئش –اون آددیم دا اوزاقلاشمیشدیم. بیردن آرخادان منی یاخالاییب چکدیلر! ایکی-اوچ نفر ایدیلر. چکیب اؤزلری ایله آپاردیلار! توتوقلانانلار قیرخ -اللی نفر اولاردی! آرواد، اوشاق و گنجی باشی چووالدان یاخالامیشدیلار!….

۲۴ ساعته قدر توتولانلارین چونو بوراخدیلار نهایت! اوچ–دؤرد نفری ساخلادیلار! تخمیناً ۴۴ ساعتدن سونرا بیزی «ائوین» زیندانینا آپاردیلار! البته سونرادا بیر نئچه نفری ایش یئریندن ویا ائولریندن توتموشدولار! توتلانلارین سایی ۸-۹ نفر اولموشدور! بعضیلرینی بیرآی، آی یاریم ساخلاییب بوراخدیلار! آنجاق دؤرد نفریمیزی تخمیناً ایکی آی یاریم – اوچ آی ساخلادیلار:

علیرضا فرشی، بهنام شیخی، حمید منافی، من(اکبر آزاد)

من اول بیر آیدان آرتیق انفرادی سلول(بیرنفرلیک اوتاقچا)-دا ساخلادیلار، من تخمیناً اون ایکی جلسه استنطاق(بازجویی) اولدوم! هر دؤنه ۱۰-۱۲ ساعت بیرباشا استنطاق اولوردوم! سونرا اون بئش– اییرمی نفرلیک بیر اوتاغا وئردیلر! بورادا دا تخمیناَ بیر آی ساخلادیلار! داها سونرادا عمومی زیندانینا (۳۵۰-یه)وئردیلر! بونلارین هامیسی «ائوین» زیندانیندا ایدی!

اوست- اوسته اوچ آیدان سونرا؛ ۳۰۰ میلیون تومن وثیقه ایله موقت اولاراق آزاد بوراخدیلار! شریف و عزیر دوستلاریمین بیری نین ائوی، بئش ایل یاریمدان آرتیق دیر بو ۳۰۰ میلیون تومنه ضامین دیر!

بو آرادا بیزه آغیر بیر دوسییه(پرونده) قونداریب دوزلتمیشدیلر! منیم اؤزومون اللی ایل بوندان اؤنجه گؤروب –گؤرمه دییم ایشلری ده سوچلاندیرماق اوچون گتیرمیشدیلر! خلاصه سی بیزه آغیر بیر دوسییه قونداریب! محکمه عوضینده، یالنیز ابتدایی و ساده بیر سورغو-جاوابدان سونرا هر بیریمیزه اون (۱۰)ایل حبس و ایکی(۲) ایل تبعید(سورگون) حکمو وئردیلر! گویا بیز قانونسوز اولاراق بیر تشکیلات یاراتمیشیق! هانسی تشکیلات کیمسه بیلمیر!…. نه اؤزلری بیلیرلر، نه بیز بیلیریک! بو تشکیلات نه یئرده وار، نه گؤیده!…

ایندی تخمیناً بئش(۵) ایل اون(۱۰)آی دی، توتوقلاندیغیمیز آنا دیلی گونو شنلیک مراسیمیندن گئچیر! اوچ – دؤرد آی بوندان اؤنجه احظاریه گلدی و بیزی «تجدید نظر محکمه سینه = یئنیدن نظر وئرمه محکمه سینه» چاغیردیلار! تجدیدنظر محکمه سی «دی آیی»-نین ایکیسینده قورولاجاقدیر.

آنا دیلی گونون عزیزله مه سی اوغروندا، بیر ساعتلیک شنلیگین هقارشیسندا اون ایکی ایل عؤمور صرف ائتمه لیییک! هامیسینی بیر یئره توپلاساق اولار ۴۰ ایل حبس و سکگیز ایل سورگون! (۴۸ ایل) و…

بیشتر بخوانید

سفیر ایران در باکو همتای اسرائیلی خود را به مرگ تهدید کرد

اؤیرنجی: جورج دیک، سفیر اسرائیل در جمهوری آذربایجان در توییتی نوشت سفیر ایران در این …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *