پنج شنبه - ۲۸ تیر ۱۳۹۷
خانه / آذربایجان / آنا وطنیمیزه بورجوموزو اؤده مه لیییک

آنا وطنیمیزه بورجوموزو اؤده مه لیییک

یازار : م.کیانی

وطن قوتسالدیر، ساده جه اوزه رینده دوغوب بؤیویوب توپراغیندان ، سویوندان و هاواسیندان فایدالانیب، یاشام سوردویوموز توپراق پارچاسی دئییل!
وطن دئدیییمیز اوغروندا اؤلونن و اؤلونمه سی گره کن و اونا آند ایچیله بیلن قوتسال بیر سئوگیدیر.

وطن آنا قوجاغی کیمی بیر اولوسو باغرینا باسیب اونو حوضور و باریش ایچینده یاشاداندیر.
وطن سئوگیسی ایسه بیر آتانین عاییله یه اولان سئوگی سی کیمی دیر ،عاییله نی تهلوکه لردن نئجه قورویورسان سا وطنی نی ده ائله قورومالیسان.

وطن بیر میلتین ائوی و میلت سه او ائوده بیرلیک و برابرلیک ایچینده یاشاییب سئوگی باغی قوران عاییله دیر.
بونا گؤره ده نه وطن سیز میللت نه ده میللت سیز وطن اولا بیلر.

وطن آتالاریمیزین سون یاتاجاغی و ائولادلاریمیزین دونیایا گلیب کؤک سالدیغی یئردیر، بیر تورپاغی وطن ائدن بیر میللتین اونون اوزرینده یاشادیغی تاریخ و قوردوغو مدنیت دیر، او میللتین وطنی الیندن گئدرسه او میللته باغلی میللی معنوی ده یرلرده یوخ اولوب گئدر .

وطن بیر میللتین یوواسی اولدوغو سوره جه او وطن اوزرینده او میلتین بایراغی دالغالانمالیدیر، دالغالانان هر بایراق او وطنین صاحیبینین کیم اولدوغونون گؤسترگه سیدیر، ایشغلال آلتیندا اولان میللت لرین ده اؤزلرینه عایید بایراق لاری واردیر. بیز آزربایجان تورک میللتینین اوچ رنگلی آی اولدوزلا بزنمیش بایراغیمیزین اولدوغو کیمی.

اصلینده بیزیم کیمی چئشیت لی ژینوسایدلارا معروض قالمیش ایشغال آلتیندا اولان میلت لرین وطن سئوگیسی آشاغی سئویه یه دوشور،
چونکو ایشغال آلتیندا یاشایان اینسانلار اؤز وطن لرینده اوچونجو صینیف اینسان کیمی آلینیب آیری سئچکیلیک لره معروض قالاراق آشاغی سویه ده یاشام سوردورورلر،بونا گؤره ده بو اینسانلاردا وطن سئوگیسی ایکینجی و حتی اوچونجو پیلانا آتیلیر.

اصلینده آیری سئچکیلیغین باش رول اوینادیغی اؤلکه لرده عاغلا گلمه ین تک شی وطن دیر. بئله اولکه لر ده اینسانلار مادی ومعنوی اولاراق زنگینلشمه میش و تک آماجلاری ایلکین احتیاجلارینی قارشیلایب و ائوی عاییله نی اؤلمه دیریل وضعیت ده کئچیندیره جک بیر ایشه صاحیب اولماقدیر .
آنجاق وطنین بیزیم معنوی دسته ییمیزه احتیاج دویدوغو زامان ان چوخ بو زامانلاردیر .

بئله بیر زامانلاردا بیرلیک اولوب وطنی داها چوخ دوشونمه میز گره کیر.

بوگون وطنیمیزی تولکولر دیدیب پارچالانمیش حالا گتیرسه ده چاققاللار سونونا قده ر محو ائتمه سینه چالیشماقدادیرلار .
چاققاللار وطنیمیزین قورودولماسینا، تالانینا و بوتون دوغا وارلیقلارینی یوخ ائتمه یه ، وطن ایگیدلریمیزین گنجلیک گوجونو استثمارلا اؤزونه قوللانماسینا و … باخمایاراق، ایندی ایسه وطنیمیزین داها گؤزل و استراتژیک بؤلگه سی اولان آستارا و حئیران گدیینی پارچالاماغا چالیشماقدادیر.

بئله بیر زامانلاردا توم گوجوموزو توپلاییب آزربایجانی ایشغالچیلارین الیندن قورتارمامیز گره کیر.

بو توپراقلار آتالاریمیزین وجودلاریندا اولان قان دامجیلاریلا تاریخ بویو یوردوموز اولموش و هر قاریش تورپاغینا نئجه جانلار کی قوربان اولمامیشدیر. وطن ساده اله گلمه ییب دیر ساده ده الیمیزدن چیخسین، بو وطن بیزه آتالاریمیزین میراثی دیر.
دوغما وطنینی ایتیرن کیمسه دینینی ،تاریخینی،دیلینی،مدنیتینی و بوتون وارلیقلارینی ایتیرمه ک مجبوریتینه قالار .

بیشتر بخوانید

ناصرالدین شاه، آذربایجان و ترکان / دکتر توحید ملک زاده

سلطنت ناصر الدین شاه و صدارت امیر کبیر همزمان شروع شد. از همان اوان کار …

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *