خانه / آذربایجان / اؤلکمین اوشاقلار، قادینلار وگنجلری اوچون …/ عالیه مطلب زاده-اوین

اؤلکمین اوشاقلار، قادینلار وگنجلری اوچون …/ عالیه مطلب زاده-اوین

اوین زیندانین دان عالیه خانیم مطلب زاده نین تورک دیلینده و بو دیلده ایلک اؤنجه نشر اولماسینی ایسته دیگی مکتوب: اؤلکمین اوشاقلار، قادینلار وگنجلری اوچون …

حیدر بابا گؤیلر بوتون دوماندی

گونلریمیز بیربیریندن یاماندی

بیربیریزدن آیریلمایین آماندی…

جمهوری ایسلامینین ۴۴. ایل حاکیمیتی سورسینجه بو اؤلکه نین میللتینه، قارانلیق و ویرانلیقدان سونرا باشقا بیر نائیلییتی اولماییب وبو فلاکتین تورک، کورد، لر، بلوچ، عرب و فارس خالقینا تکجه بیر نتیجه سی اولوب :دارما داغینلیق.

ایران خالقینین، گونوموزده کی عومومی عوصیان قارشیسیندا، حؤکومت طرفیندن حبسه آتیلما واؤلدورلمه سی دونیایا آشکار اولان بیر مسئله دی. آیلار حقی، تبریز اونیورسیته سینین طیب طلبه سی وگؤزل قیزیمیزین دفن گونونده ، بیر باش ساغلیقی مکتوبو یازماق ایستردیم، اما نه افسوس کی هانسی آئیله اوچون یازماغی بیلمه دیم .هانسی غیرتلی وشوجاعتلی بالالاریمیزا وقیزلاریمیزا؟ هانسی آئیله لره یاس ساخلیام وهانسی هم یئرلی لریمه باش ساغلیغی وئرم؟حدیث نجفی, یلدا آقا فضلی، اسرا پناهی و یا آیلارحقی اوچون یاس ساخلیام؟

سلام اولسون بومیللته، بوتون یاسلی آییله لره و صبیرلی وغیرتلی آزربایجان خالقینا. من بیر تورک قادینی کیمی ،آزربایجانین گنجلری وقادینلارینا فخرائلیرم.

بلوچستان،خوزستان تا کوردستان، خراسان، همدان، مازندران، گیلان، تهران تا اراک، اصفهان، بندرعباس و کرج…. خالقینین اؤنونده باش ائییرم کی بئله جانلا باشلا ظولم وظالم قارشیسیندا، مقاومت ایله دایانیبلار.

مهسا امینی کی “قادین.یاشام.اؤزگورلوک” سیمبولو تا “کیان پیرفلک” کی اوشاقلارین تارانمیش گوناهسیزلیغینین سیمبولو دور.

اوین حبس خاناسینین اوجا دووارلارنین آرخاسیندان، کدرلی اما چوخ اومودلو اورگیمله بوتون آزربایجانلی قادینلارا و گنج هم یئرلی لریمه سلام و سایقیلاریمی بیلدیریرم.

تاسوف کی بو چتین گونلرده بو تورپاقین ایگید باجیلارین،آنالارین وقیزلارین یانیندا اولا بیله مدیم. من، سیز قادین وگنجلریله غورور دویورام چونکو سیز بیزه اؤگرتدینیزکی ظولمه سون قویماق، عدالت وآزادلیق گونشینین دوغولماسینین یگانه یولو بو تورپاغین اینسانلارینین بیرلیگی دیر. آراز ساحیللریندن بوتون ایرانا، فارس کؤرفزینه قدر، آزادلیق بایراقینی دالغالاندرماق اومودو ایله. ..

۲۷/آبان/۱۴۰۱ تهران- اوین حبس خاناسی

عالیه مطلب زاده

ایران مطبوعات آزادلیغینین مودافع بیرلیگی نین صدر موعاوینی

بیشتر بخوانید

میلاد اشرفی آتباتان ؛ اعدام جوان معترض آزربایجانی در زندان رجایی شهر کرج!

اؤیرنجی : روز جمعه ۱۱ آذرماه، حکم اعدام میلاد اشرفی آتباتان جوان آزربایجانی اهل روستای آتباتان بستان …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *