خبر فوری
خانه / مقاله / «ائلچی بی، گونئی آزربایجانلی آیدین لارلا گؤروشور»

«ائلچی بی، گونئی آزربایجانلی آیدین لارلا گؤروشور»

 

داها سووئت لر بیرلیینین ان گوجلو اولدوغو دؤنم لرده عوصیان بایراغی قالدیرمیش ابولفضل ائلچی بی ،آزربایجانین باغیمسیزلیغینی ،بوتونلویو و میللتین هور یاشاماسینی ایسته دییی اوچون ۱ اوجاق ۱۹۷۵ ده ک. گ. ب طرفیندن توتوقلانمیشدی.

جومهور باشقانی اولمادان چوخ اؤنجه لر ،بیرگون جومهور باشقانی اولورسام ،ایلک وئره جه ییم قرار، آزربایجانین او طرفی ایله بو طرفینین بیرلشتیریلمه سی حاققیندا اولاجاقدیر دئیه ،اؤزونه سؤز وئرن ائلچی بی ،جومهور باشقانی اولدوقدان سونرا ،
وار اولان شرط لر آلتیندا بوجور بیر قرار وئرمه نین مومکون اولمادیغینی آنلایاراق ،بیر نومارالی امر یئرینه، ایشه ایکی ساییلی امر ایله باشلامیش،
یعنی بیر نومارالی امری، شرط لر گره یی گئجیکدیره رک ،ایندی لیک گؤرولمه یه نی بیر کنارا آییرمیشتیر .

۲ شوبات ۱۹۹۳ ده ائلچی بی، گونئی دن گلمیش اولان بیر گروه آیدینی قبول ائتدی و اونلارا
«منیم اوچون قوزئی – گونئی آیریمی یوخدور، بیز هامیمیز قوزئی لییک و هامیمیز گونئی لییک. گؤیچه دن ،خزره، دربند دن همدانا اوزانان سئوگیلی بیر یوردوموز وار » دئدی.
بوندان سونرا گونئی لی لرین دؤولت ارگان لاریندا گؤره و آپارمالاری اوچون، هئچ بیر کیسیتلاما(محدودیت) اولمایاجاق.

آزربایجان جومهوریتی وطن داشی اولماق ایسته ین لر ده ،هئچ بیر زورلوق ایله قارشیلاشمایاجاقدیر .
بوندان سونرا ائلچی بی ایقتیداری دؤنه مینده ،گونئی دن گلن چوخ سایی دا گنج، آزربایجان یونیوئرسیته لرینده اوجرتسیر تحصیل آلدیلار.
بوگون چئشیتلی اؤلکه لرده «بوتون آزربایجان» ساواشینین ان اؤنده گلن آدلاری، ائلچی بی سیاسی مکتبینین اؤیرنجی لری دیر.

«دیره نیشدن باغیمسیزلیغا، ائلچی بی» کیتابیندان ؛ یازار: عاقیل صمد بیلی

اویغونلاشدیران : ا.دیلمانلی

بیشتر بخوانید

خورداد اولای‌لاری، تورک اویانیش سوره‌جی باخیمیندان / محمد رحمانی فر

  ۱۳ ایل بوندان قاباق، ایران قزئته‌سینده یاییملانمیش بیر کاریکاتور بو اؤلکه‌ده یاشایان تورک‌لری خیاوان‌لارا …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *