پنج شنبه - ۱۵ خرداد ۱۳۹۹
خانه / آذربایجان / ائلچی بی ایقتیداردا؛آزربایجان آلتی آی دا بودجه گلیرلرینی یوز قات آرتیریر / اویغونلاشدیران: ا.دیلمانلی

ائلچی بی ایقتیداردا؛آزربایجان آلتی آی دا بودجه گلیرلرینی یوز قات آرتیریر / اویغونلاشدیران: ا.دیلمانلی

۴-۶ آرالیق ١٩٩٢ ده، آزربایجان خالق جبهه سی نین ایکینجی فوق‌العاده قورولتایی اولدو. بو قورولتای دا دانیشان ائلچی بی ،”آزربایجان یوز میلیون دلار دوویز رزروی و دؤرد تن قیزیلی” اولدوغونو آچیقلادی. ائلچی بی آلتی آی ایچریسینده بیر میلیون دلار لا تسلیم آلدیغی دؤولت بودجه سینی، نفت و گازین داها اولوسلار آراسی بازاردا ساتیلمادیغی بیر دؤنم ده یوز میثلی آرتیرمیش، اوسته لیک دؤرد تن قیزیل دا توپلامیشدی.

بورایا بیرده ماآش لارین ١١۴ % آرتتیریلدیغینی، میللتین گلیرلرینده ٣،٩ دفعه آرتیش اولدوغونو اکلرسک، ائلچی بی یین نه دن دئوریلدیغینین سبب لری داها آیدین آچیقلانیر.

«خاویار اوره تیمی بیر ایلده ١۵ قات آرتتدی» 

جومهور باشقانلیغی گؤره وینه باشلادیغیمدا سوروشدوم کی، نه قدر خاویار اوره تیمیمیز وار؟ جواب وئردیلر کی، ٢ تن.

دئدیم کی ٢ تن ساده جه بیر بالیق چی الده ائدیر، سیز نه ایش له مشغول سوز؟ بیزیم بیر ایل لیک ایقتیداریمیز دؤنه مینده خاویار اوره تیمی ٣٠ تن چیخدی. بیزه قدر تالان ائدیلن ثروته ایزین وئرمه دیک. بالیق مافیاسی سووئت لرین ان قورخوسوز مافیالاریندان ساییلیردی.

اورادا بؤیوک پول لار چالینیردی. ائلچی بی ایقتیداری دؤنه مینده بو مافیانین دا الیندن جیددی بازار آلینماسیلا، ائلچی بی یه دوشمن اولدولار.

(ائلچی بی له ١٣ ساهات، باکی، ١٩٩٩)

 «جومهور باشقانی ائلچی بی یین ایمضالادیغی ایلک قانون» 

١٧ هازیران ١٩٩٢ ده گؤره وه باشلادیغی گون ،جومهور باشقانی ائلچی بی یین ایمضالادیغی ایلک قانون :

«آزربایجان جومهوریتی وطن داشلارینین پول گلیرلری و امانت لرینین ایندکس لشدیریلمه سینه ایلیشکین دی»

 «١٨ هازیران ١٩٩٢» 

ائلچی بی تورکیه یه اؤزل بیر محبت بسله دیغی هرکسه معلوم دور. بو سبب له جومهور باشقانلیغی مقامینا گئتدیینده حالیله ایلک قبول ائتدییی دیپلوماتیک میسیون تورکیه نین آزربایجان بؤیوک ائلچی لیینه آتانان “آلتان کارامان اوغلو”اولدو.

ائلچی بی ،ائرمنی – روس تجاووزونه قارشی تورکیه دن دستک گؤزله ییر و بو ایستک لرینی ده آلتان بی ه چاتدیریردی.

تورکیه دن سونرا ایکینجی اولاراق ایران بؤیوک ائلچی سی “علی اصغر نهاوندیان “ی قبول ائتدی. اصلینده جومهور باشقانی ائلچی بی، نه قدر ایده آلیست سه، عینی زامان دا سیاست ده نه یین نه جور ائدیله جه یی قونوسوندا دا ان آز او قدر رئالیست دی.

سیراسیلا تورکیه و ایران بؤیوک ائلچی لرینین قبولو دا بونو آنلامایا یئتر دی.

تورکیه بیزیم قانداشیمیز ،ایران دین داشیمیزدی. ایران گرچک ده بیزه دوشمن اولسا بئله، ائلچی بی قونشولوق و دین داشلیق اولایینی گؤز آردی ائتمه میشدی.

ائلچی بی یی تبریک اوچون گلنلر، ده یرلی هدیه لرده گتیریردیلر. ائلچی بی ١٩ هازیران دا، یعنی جومهورباشقانلیغی مقامینا اوتوردوغو گونون صاباحی ، «جومهورباشقانینا گتیریلن هدیه لرین دؤولت مالی ساییلاراق موزه یه وئریلمه سی حاققیندا»بیر یؤنتمه لیک(قورال) یایینلادی.

«جومهورباشقانی ائلچی بی ،١ ساییلی قانونو نه دن ایمضالامادی»؟ 

ائلچی بی یین جومهور باشقانلیغی دؤنه مینده دؤولت موستشاری ،ایندی لرده مساوات پارتیسی گئنل باشقانی اولان عاریف حاجیلی بیزه بونلاری آنلاتدی :

«جومهور باشقانی ائلچی بی گؤره وه باشلادیقدان سونرا ١ ساییلی قانونو ایمضالاماییب ،دوغوردان ٢ ساییلی قانونو ایمضالاماقلا باشلادی ایشه.

بونون سببی ایسه ؛ ائلچی بی داها موجادیله یه باشلادیغی ایلک زامانلاردان اعتبارن ، «بیرگون جومهورباشقانی اولورسام، ایلک ایمضالایاجاغیم قانون، گونئی – قوزئی آزربایجانین بیرلشمه سی اوزه رینه اولاجاق» دئییردی. طبیعی دیر کی او گونون شرط لرینده بو مومکون دئییلدی.

آما بیرگون بو قانونون ایمضالاناجاغینا اولان اینانجی سببی له ١ ساییلی قانون بوش بیراخیلمیش، داها دوغروسو سونرایا آلینمیشدی.

“دیره نیشدن باغیمسیزلیغا، ائلچی بی” کیتابیندان ؛ یازار: عاقیل صمد بیلی

بیشتر بخوانید

ترکی نویسی و توانمندسازی زنان در آذربایجان

  از زمانی که ترکی نویسی در آذربایجانِ ایران فراگیر شد، بستر برای فعالیت زنان …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *