خانه / آذربایجان / ائلچی بی و ایران

ائلچی بی و ایران

(بیرینجی بؤلوم)

ابولفضل ائلچی بی ین ایقتیداری دؤنه مینده ،گونئی آزربایجانین باغیمسیزلیغی مسأله سینی دیله گتیرمه سی ان چوخ ائلئشتیریلن (اینتیقاد) مسأله لردن بیریسی اولموشدور. بس بو ائلئشتیری لرین حاقلی لیق پایی نه قدر دیر؟
دیققته آلماق گره کیر کی، آزربایجان بیر نئچه پارچایا بؤلونموش بیر اؤلکه دیر. ابولفضل ائلچی بی ده تاریخی چوخ یاخجی بیلن بیریسی اولاراق ،سووئت لرین ان گوجلو دؤنه مینده، بو حاقسیزلیغا و عدالت سیزلییه قارشی عوصیان بایراغی چکمیش بیر شخصیت ایدی.

هله ۸ یاشیندای کن، ایراندا سویداشلاریمیزا قارشی اولونان ظولم لری ،بو ظولم دن قاچانلارین آغزیندان اؤز قولاقلاریلا شخصا ائشیتمیش و حافظه سینه قازدیرمیشدی.
بو یاشلاردا اوشاقلارین ائشیتدییی و ‌‌شاهد اولدوغو هر اولایی، یاشامینین سونونا قدر اونوتمادیغی بیلینن بیر گرچک دیر. ائلچی بی داها دونیایا گلمه دن ۱۱۰ ایل اؤنجه، آزربایجان، گونئی و قوزئی اولماقلا ایکی یه بؤلونموشدور.

ایراندا، «شاه» دؤنه مینده تورکلره قارشی عقله – خیاله گلمه ین شیکنجه لر اویغولانمیش ،یوزمین لرجه تورک قتل ائدیلمیش، حبس خانالار تورکلرله دولوب داشمیشدیر.
بو ذهنیت، ایراندا بو گون ده دوام ائتمک ده دیر.
۲۰۰۶ ایلینین ۲۲ ماییسیندا، (۱۳۸۵ شمسی ایلینده) «ایران» آدلی دؤولت قزئته سینین جوما ائکینده «جوما بؤلومونده» بیر کاریکاتور یاینلاناراق، تورکلر حامام بؤجه یینه بنزه تیلمیش ،۲۰۱۲ ایلینده عینی ذهنیت، تورکلر حاققیندا دوشونجه لرینی حضرت محمد ده آتفن «تورک لر اینسان دئییل لر» شکلین ده یایماقلا گرچک نیت لرینی اورتایا قویموش لار.

۷ کاسیم ۲۰۱۵ ده ایرانین ۲ جی کانالیندا تکرار تورک لره حقارت ائدیلمیش (فیتیله اوشاق برنامه سینده تورکلرین دیشینی توالت فیرچاسیلا یوماق)، ایرانین اؤنده گلن دینی اتوریته لریندن (سیاسی قدرت) آیت الله مجتهدی، اؤلوموندن آز اؤنجه، جننت دیلینین فارسجا، جهننمین دیلینی تورکجه اولدوغونو دئمیشدی ،گئنه ایمام مهدی ظهور ائتدیینده فارسجا دانیشیب تورک لرله ساواشاجاغینی دئمیشدیر.

ایران نوفوذونون ۵۷ % اینی اولوشدوران تورک لرین ان طبیعی حاقلاری اولدوغو حالدا، «آنا دیلینده ائییتیم» حاققیندان محروم بوراخیلمالاری دا دونیادا بنزری اولمایان بیر دورومدور.
ساده جه بیر نئچه آی اؤنجه تبریز یونیوئرسیته سینده تورکجه نین تبریز لحجه سینده کیسیتلی (محدود) ائییتیم ایمکانی تانینماسی، گؤز بویاماقدان باشقا بیر شئی دئییل دیر.

ایران، شیعه لییی، فارس شوونیزمینه خیدمت آراجینا دؤنوشتورموش و مالئسف بو قونودا میللتیمیزین دینه اولان صمیمی اینانجینی، آجیماسیزجا ایستثمار ائتمیشدیر.
سون ایللرده سوریه و عراق دا، روسیه ایله چیین – چیینه تورکلره قارشی ساواشان ایرانین گرچک اوزو گؤرولموشدور. زور گونلرینده دونیانین آمبارقو اویغولادیغی (تحریم اولونموش) ایرانا نفس وئرن تورکیه یه وفا بورجونو روسیه ایله چیین- چیینه وئره رک اؤده مک ده دیر.

نه قدر چئلیشکیلی (متناقض) گؤرونسه ده، ائلچی بی جومهورباشقانیکن ،ایران، اونون تهرانی زیارت ائتمه سینی چوخ ایسته ییردی. ائلچی بی ده بیر شرط له (تورکجه اوخول لار آچیلدیغی و تبریزه ده گئده جه یی تقدیر ده) ایرانا گله بیله جه یینی دئمیشدی.
ایران بونو قبول ائتمه میش، آنجاق ائلچی بئیین دئوریلمه سی مساله یی گوندم دن دوشورموشدو.

بوگون بئله ایرانین بیرچوخ رسمی یئرلرینده ، رسمی کیتابلاریندا قوزئی آزربایجان هله ایرانین بیر پارچاسی اولاراق گؤرسه دیلمک ده دیر.
ایران بو بؤلگه ده وار اولدوغو سورج ده ،ایسلام بیرلییی گرچک لشدیرمک مومکون اولمایاجاقدیر. چونکو ،شیعه لیک فارسلار اوچون چؤرک آغاجی دیر ،سؤمورمه و واراولما سببی دیر.
بو اوزدن ده تام گوجو ایله شیعه لیک ائشیینده کی مذهب لری باطیل میش کیمی گؤرستمه یه چالیشماقدادیرلار.

قوزئی آزربایجان دا – دا، ایران مینلرجه اینسانیمیزین بئینینی زهرله مه یی باشارمیشدیر. بونون اساس سببی حیدر علیئو و ایلهام علیئو دؤنمینده ایدئولوژیک بیر بوشلوق اولوشماسی و ائکونومیک اولاراق خالقین دورومونون خاراب لاشماسی دیر.
بو دورومو یاخشی دیرلندیرن ایران، راحات بیر شکیل ده چالیشما فورصتی تاپمیشدیر.
زامان بوتون مساله لرده اولدوغو کیمی ،ایران قونوسوندا دا ائلچی بی یین حاقلی اولدوغونو اورتایا چیخارتمیشدیر.

«دیره نیشدن باغیمسیزلیغا، ائلچی بی» کیتابیندان ؛ یازار: عاقیل صمد بیلی

اویغونلاشدیران : ا.دیلمانلی

بیشتر بخوانید

قابلیت‌های شگفت‌انگیز زبان تُرکی و آرزوهای برباد رفته پان‌فارسیسم / محمد رحمانی فر

  قابلیت‌های شگفت‌انگیز زبان تُرکی و گستره فرامنطقه‌ای آن، چیزی نیست که به مذاق دشمنان …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *