سه شنبه - ۲۸ آبان ۱۳۹۸
خانه / آذربایجان / ائلچی بی یین آدایلیغینا گئدن دؤنم ده یاشانانلار / اویغونلاشدیران : ا.دیلمانلی

ائلچی بی یین آدایلیغینا گئدن دؤنم ده یاشانانلار / اویغونلاشدیران : ا.دیلمانلی

 

٢۶ شوبات ١٩٩٢ ده، روس – ائرمنی بیرلیکلری طرفیندن ائدیلن خوجالی سویقیریمیندان سونرا ،۶ مارت ١٩٩٢ ده، آیاز موطللیبوو ایستعفا ائتمک زوروندا قالدی.

آزربایجان جومهور باشقانی آیاز موطللیبوو ، موسکونون ایزنی اولمادان ،هر هانسی بیر آتدیم آتمادیغی اوچون ،ائرمنی لر قاراباغ دا راحات حرکت ائدیردیلر.

بئله لیک له ١٩٩٢ ایلی ٨-٩ گونلرینده، روس لارین جیددی دستکی ایله ،ائرمنی لر شوشا شهرینی ایشغال ائتدیلر.

١۴ ماییس دا توپلانان میللی مجلیس ،آیاز موطللیبوون ۶ مارت تاریخلی ایستعفاسینین یاسال اولمادیغی حاققیندا قرار آلاراق، آیاز موطللیبووو یئنی دن جومهور باشقانلیغی مقامینا اوتورتدو.

بونون دا نه ده نی ۹ نیسان تاریخینده «آزربایجان خالق جبهه سی» لیدئری ائلچی بی یین گله جک ده اولونان جومهور باشقانلیغی سئچیم لرینده آدای اولونماسیدی.

موسکو ،ائلچی بی یین باشا گلمه سینی کسینلیک له ایسته میردی. بونون اوچون ،بوتون گوجونو ایشه سالمیشدی موطللیبووو یئنی دن آزربایجانین باشینا کئچیرمیشدی.

«آزربایجان خالق جبهه سی» AXC ایسه بو قرارین آنایاسال سوچ اولدوغونو آچیقلایاراق ،ایقتیدارین یاسالارا ترس اولاراق اله کئچیریلدیغینی دونیا ایجتیماعی رایینه بیلدیردی.

آزربایجان خالق جبهه سی (AXC) تئزلیکله بو قانونسوزلوقدان واز کئچمه سی، اؤزونه آیریلان اقامت گاها چکیلمه سینی، (آیاز موطللیبوو ۶ مارت تاریخینده ایستعفا ائتدییینده ،خالق جبهه سینین ده طلبیله اونا راحات یاشاماسی اوچون بیر ائو و قوروما دوزلدیلمیشدیر)،ترس حالت ده یاشاناجاق اولومسوزلوقلارین سورملوسونون اؤزو اولاجاغی قونوسوندا بیر بیلدیری یایینلادی.

بونون قاباغیندا ،١۴ ماییس ١٩٩٢ ده آزربایجان دؤولت تئلویزیونوندا AXC سینه گؤره ائتدییی تهدید دولو بیر دانیشما، میللتی AXC اطرافیندا داها دا توپلادی.

میللت ،باکی نین مرکزینده ساحیل مئتروسونون یانینداکی میدانا – خالق جبهه سی مرکز قرارگاهینین قاباغینا آخین ائتمه یه باشلادی. میللت اؤفکه لیدی. بیر آن اؤنجه میللی مجلیسه اعتراضی گئدیش قراری گؤزله ییردی.

میللت ،گئجه سحره قدر میدان دا آزربایجان خالق جبهه سی نین قرارینی گؤزله ییب ،داغیلمادی.

صاباح ساهات ١٠-١١ سیرالاریندا AXC لیدئری ائلچی بی ،بالکون دا گؤروندو.

میدان درین بیر سس سیزلییه بورونموش, هر کس بوتون دیققت له ائلچی بی یین نه دئیه جه یینی گؤزله ییردی.

ائلچی بی ،میللی مجلیسه گئدیش قراریلا ،گئدیله جک یولو آچیقلادی :

ر‌شید بهبودوو جادده سینده،اعتراضی گئدیشه قاتیلان قالابالیغا ،اینسانلار ائولرینین بالکونلاریندان دستک وئریر ،گول لر آتیر، گنج لر ائولردن چیخاراق اعتراضا قاتیلیردیلار.

میتینگه قاتیلانلار ،میللی مجلیسه یاخینلاشدیغیندا، کلاشینکف سیلاح لارلا، میللتین طرفینه گولله آتیلماغا باشلاندی.

آما بو گولله سس لری میللتی قورخودابیلمزدیر ، اعتراض ائدن لر، میللی مجلیس بیناسینین اطرافینی دوره له دیلر و بیر گروه بینایا گیره رک، اوراداکی لاری خلع سیلاح ائتدیلر.

بئله لیک له میللی مجلیس AXC نین کنترولونا کئچمیشدی.

١٨ مایس دا میللی مجلیس توپلاندیغیندا ،توپلانتی سونوجو AXC (آزربایجان خالق جبهه سی) یوخاری اویه سی”عیسی قنبر” میللی مجلیس باشقانی سئچیلدی.

دیره نیشدن باغیمسیزلیغا، ائلچی بی» کیتابیندان ؛ یازار: عاقیل صمد بیلی

بیشتر بخوانید

ما و اعتراضات بنزینی / محمد رحمانی فر

  همین چند روز پیش بود که رئیس‌جمهور تورکیه از تلاش عده‌ای برای تسری اعتراضات …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *