خانه / مقاله / “الهی ایلدیریم گؤندر جهالت پرده‌سین یاندیر!” شبیسترلی مؤجوز / محمد رحمانی فر

“الهی ایلدیریم گؤندر جهالت پرده‌سین یاندیر!” شبیسترلی مؤجوز / محمد رحمانی فر

عؤمرونو اؤلکه‌میزین تام استقرارسیز چاغیندا بویا باشا چاتدیران، آذربایجان طنز شعرینین باجاریقلی تمثیلچی‌سی میرزا علی مؤجوز، ۱۲۵۲جی گونش ایلینده شبیسترده دونیایا گؤز آچمیش، ۱۶ یاشیندایکن آتاسینی الدن وئردیکدن سونرا استانبولا، قارداش‌لارینین یانینا گئتمیش، ۱۳ ایل اونلارین یانیندا هم ایشله‌میش هم ده اوخوموش، بیلگین بیر اینسان اولموشدور. استانبول کیمی گلیشمیش بیر شهردن دؤنوب شبیستره قاییتدیغیندا میللتین جهالت‌ده یاشاماسینا دؤزه بیلمه‌میش، اونلاری اویاندیرماق آماجی ایله طنز شعره اوز گتیرمیشدیر.

اصلینده، مؤجوزون یاشادیغی دؤورده مشروطه قیامی، بیرینجی دونیا ساواشی، گئنیش وبا نوخوشلوغو، اینگیلتره‌نین گیزلی ال‌لری ایله سوردورولموش اولان بؤیوک آجلیق (قحط‌لیک)، یئنه اینگیلتره‌نین گیزلی ال‌لری ایله سوردورولموش اولان قارا کودتا، جیلولوق فاجیعه‌لری، مشروطه‌نین سونوجو اولاراق مرکزی حؤکومتین استقرارسیزلیغی و اونون سونوجو اولاراق اؤلکه‌نین پول دَیرینین دوشمه‌سی، رضاخان-ین دیکتاتورلوغو… کیمی اولای‌لاردان دولایی اؤلکه تام فلاکت ایچینده ایدی.

دئمک، مؤجوز بئله بیر دورومدا شعر یازماغا باشلاییر و توپلومو قارا گونه سالان‌ ندن‌لرین و کیمسه‌لرین هامیسینی قیناماغا باشلاییر. اونون شعرلرینده، ساوادلانماغا، بیلگی‌لنمه‌یه ، خورافات‌دان اوزاق دورماغا، یوخسول‌لارین ال‌لریندن توتماغا چاغیریش واردیر. مؤجوز، توپلومون گؤزه گؤرونمز اینسان‌لارینی گؤزلریمیزین اؤنونه سرگیله‌ییر. اونون شعرلرینده، توپلومون دریسینین آلتیندا یاشایان یوخسول‌لار اوزه چیخیرلار.

مؤجوز، قادین حاق‌لارینین گور سسی و حتی بو یولون اؤنجول‌لریندن ساییلیر. تام سنتی هابئله تام باغلی بیر توپلومدا او هر زامان قادین حاق‌لاریندان دانیشیر. او قیزلارین درس اوخوماغینی داها آرتیق اؤنمسه‌ییر. دئمک، مؤجوزون فیکریجه، قادین‌لارین فلاکت‌دن قورتولماقلارینین یالنیز بیر یولو واردیر. او دا درس اوخوماق‌دیر!

 

بیشتر بخوانید

اسماعیل منصف ؛ اعتراض کارگردان تورک فیلم کؤمور به نژادپرستی در ایران

اؤیرنجى: اسماعیل منصف کارگردان نامی آزربایجانی که با فیلم کؤمور او را می شناسیم طی …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *