سه شنبه - ۱ مرداد ۱۳۹۸
خانه / اخبار / اوستاد “حسن بی دمیرچی” نین ؛ بیرینجى ایل دؤنومو تؤره نی تبریزده کئچیریله جک دیر + بیلدیریش

اوستاد “حسن بی دمیرچی” نین ؛ بیرینجى ایل دؤنومو تؤره نی تبریزده کئچیریله جک دیر + بیلدیریش

اؤیرنجى : رحمتلیک اوستاد “حسن بی آزربایجان” ین بیرینجی ایل دؤنومو موناسیبتی ایله سوگونو (پنجشنبه) ۱۳۹۸.جی ایل خورداد آیینین ۳۰.جی گونو آزربایجان مدنیت اوجاغی نین پایلاشدیغی بیلدیریشه دایاناراق ساعات ۱۸:۳۰ دان ۲۰:۳۰ قده ر تبریزین نظیروندی مسچیدینده یاس تؤره نی کئچیریله جک دیر.

اؤیرنجى نین آلدیغی بیلگی لر اساسیندا؛ رحمتلیک حسن دمیرچی‌نین بیرینجی ایل دونومو موناسیبتیله مزارینین زیارتی ده سوگونو(پنج‌شنبه) ۱۳۹۸.جی ایل خورداد آینین ۳۰.جی گونو اورتادان سونرا سات ۴ده ، تبریز وادی رحمت مزارلیغی ، هنرمندلر قطعه‌سینده مزاری باشیندا مراسیم کئچیریله‌جک دیر.

خاطیرلاتماق لازیمدیر ؛ بؤیوک موسیقی عالیمی و آزربایجان تورک میللتینین اوره یینده ابدی یاشایان میللی موباریز “حسن بی دمیرچی” نین جیسمی ،اوره ک خسته لیی اساسیندا و تداوی دوسیاسیندا چوخلو شوبهه لی ال لرین اولدوغوندان دولایی بیر آی دان آرتیق خسته خانادا یاتیریلدیقدان سونرا ،۱۳۹۷ جی ایل تیر آیینین ۳ جی گونو تبریزین عالی نسب خسته خاناسیندا ابدی لشمیشدیر.

اوستاد دمیرچی ۱۳۲۰ جی ایل تبریز شهرینده دوغولوب ؛عؤمور بویو شعرلری،یازیلاری ،موسیقی بسته لری و زامانی گلدیینده قوللارینی چیمیرلاییب ورزقان دئپرمینده کی اینسانلارا اؤز اللری ایله ائو تیکیب ایستی چؤره ک یاپدیرماقلا ،هر زامان آزربایجان میللتینین شنینده و یاسیندا یانیندا اولموشدور، ائله بونا گؤره ده آزربایجان میللتی اؤز ائولادینی “حسن آزربایجان” آدلاندیریبدیر.

اوستاد حسن دمیرچی فارس شوونیزمینین گونئی آزربایجاندا تورک موسیقی سینی یاساقلاندیردیغی زامان میکائیل موشفیق دئمیشکه ن تارینی هر زامان اوخودوب و کولتوروموزو، موسیقیمیزله بیرگه بوتون یاساقلیقلارا باخمایاراق میللتیمیزین بوگونونه و گله جه یینه یاشادیب و تبریزین موسیقی مکتبی نی دیری ساخلامیشدیر.

اوستاد دمیرچی ،آزربایجانین میللی حؤکومتی و پیشه وری یادگاری اولان و آزربایجانین گرچک تاریخینی یئنی دن قلمه آلان رحمتلیک “پروفسور زهتابی ” ایله بیرلیکده ،۱۳۶۵ جی ایل تبریز شهرینده “آزربایجان مدنیت اوجاغی “آدلی درنه یی قوروب و موسیقی قولونون سوروملوسو اولاراق ،”حسن سلیمی “کیمی آزربایجانیمیزین موسیقی فخری اولان عالیم لری بو درنه یه توپلاییب ،آزربایجان موسیقی مکتبلرینی یئنی دن قوروب  ،عؤمورونون سونونا سیلاحی اولان تارینی یئره قویمادی.

“حسن بی آزربایجان” ،عؤمور بویو آزربایجانین حاق سسی اولوب ،میللی حاقلاریمیز اوغروندا مدنی موباریزه آپاراراق، ایللر بویو فارس شوونیزمینین توتساقلاریندا توتوقلو ساخلانیلیب، عؤمرونو و اؤزه ل وارلیقلارینی تورک میللتیمیزه فدا قیلمیشدیر.

آزربایجان تورک میللتی و گونئی آزربایجان اؤیرنجى حرکتی چالیشقانلاری ، بیر ایل یوخ یوز ایل لر کئچه ده اوستاد دمیرچی نین وطن یولوندا چکدیغی قایغیلاری اونوتماییب ،آدینی اؤزو تورک میللتینین تاریخینده یازدیردیغی کیمی یاشاداجاقدیر ، روحو شاد و یولو داواملی اولسون.

 

بیشتر بخوانید

جغرافیای زبانی تورکان یکی از بی‌نظیرترین و پهناورترین ها در جهان

تورکان از دیرباز تا کنون دارای تمدنی عظیم بوده‌اند به طوری که امروره پس از …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *