خبر فوری
خانه / آذربایجان / «ایران، آزربایجان سینیرلارینی ایحلال (نقض) ائدیر» / اویغونلاشدیران : ا.دیلمانلی

«ایران، آزربایجان سینیرلارینی ایحلال (نقض) ائدیر» / اویغونلاشدیران : ا.دیلمانلی

 

ابولفضل ائلچی بی حاققا قووشدوقدان قیسا سوره سونرا ،۲۳ تئموز ۲۰۰۱ ده، حیدر علی یئو جومهورباشقانی ایکن، ایرانین نیظامی اوچاقلاری خزر دنیزینین آزربایجانا عاید، آراز – آلئو – شرق موقعیتینده تحقیقات ایشلری آپاران «ژئوفیزیک -۳» گمی سینین اوزه رینده اوچوشلار گرچکلشدیرمیش ،همان گونون آخشامی ایرانین نیظامی گمی لری بؤلگه یه یاخینلاشاراق، آزربایجان گمی سینین بؤلگه یی ترک ائتمه سینی ایسته میشدیرلر.
آزربایجان گمی سی ده آراشتیرما ایشلرینی یاری دا بوراخاراق، گئری دؤنمک زوروندا قالمیشدیر.

بونون آردی سیرا بللی آرالیقلارلا، ایرانین بومباردیمان و کشفیات اوچاقلاری، آزربایجانین هاوا ساحاسینی آچیق شکیل ده دوققوز دفعه نفت یاتاقلاریمیز اوزه رینده اوچوشلار ائده رک ،ایحلال ائتمیش ،آزربایجان بو ایحلال لرله باغلی اولاراق وئردییی جواب دا، ایران اؤز حاقلی لیغینی دیله گتیرمیشدیر.

هر زامان اولدوغو کیمی، بو دفعه ده آزربایجانین ایمدادینا تورکیه یئتیشمیش ،اؤنجه آنکاراداکی ایران بؤیوک ائلچی سی حسین لواسانی، تورکیه دیش ایشلرینه (وزارت امور خارجه) چاغریلاراق، کسکین بیر دیل له نوتا(اعتراض) تقدیم ائدیلمیش، تهرانا گؤنده ریلن بو نوتا دا ،اولوسلار آراسی حقوق و بیرلشمیش میللت لرین اساس پرنسیبی اولان :
«گوج دن فایدالانما و – گوج دن فایدالانما تهدیدیندن ایستیفاده ائدیلمه مه سینی خاطیرلاتاراق ،بو حادثه ده، ایران آزربایجانا سالدیردیغی تقدیرده ،تورکیه نین ده آزربایجانا یاردیم ائده جه یی بیلدیریلمیشدیر.

آردیندان آمریکا دا آزربایجانا وئره جه یی دسته یی دیله گتیردی. بوتون بو خبردارلیق لاردان سونرا ،۲۳ آغوستوس ۲۰۰۱ ده« تورک اولدوزلارینین» باکو هاوا ساحه لرینده ۷ عدد F-16 اوچاغینین مؤحتشم بیر گؤستریه ایمضا آتمالارینین آردیندان ،میللتین روحیه سی یئرینه گلیرکن، ایران دا یئرینه اوتورتولموشدور.

ائلچی بی یین ساغلیغیندا ایرانین سینیرلاریمیزا بو شکیل ده موداخیله سی بیر دفعه ده اولمامیشدیر کی ،بودا تصادف دئییلدی.
ایران فارس ماللا رئژیمی بونو چوخ یاخجی بیلیردی کی، ائلچی بی گونئی آزربایجان دا یاشایان ۴۶ -۴۷ میلیون سویداشیمیزا بیر چاغریلا ایرانی ساللاردی.
۲۰۰۶ و ۲۰۱۵ ایللرینده گونئی آزربایجان دا باش وئرن اولای لار بونون ان یاخجی ایثباطی دیر.

گرچه یی، ۲۰۰۶ ایلینده ایرانین رسمی درگی سینده تورک لری حامام بؤجه یینه بنزتمه لری اوزه رینه، عینی گون ۲۱ شهرده میلیون لارجا تورک خیابان لارا تؤکولموش، اولای لارین داها دا بؤیومه سیندن قورخان ایران دینی لیدئری، عوثیان بئشییی اولان تبریزه گلیب ،تورک لرین اؤنونده زار – زار آغلاییب، بو دؤولت بیزیم دؤولت دیر، داغیتمایاق دئیه یالوارماق زوروندا قالمیشدیر.

۲۰۱۵ ایلینده ایسه ،گئنه ایران تلویزیونون دا تورک لرین دیشلرینی توالت فیرچاسیلا فیرچالادیقلاری ایفاده سی اوزه رینه آیاقلانان تورک لر، خیابان لارا تؤکولموش، تورکیه دن اولکواوجاقلاری منسوب لارینین دستک وئرمه سی اوزه رینه، ایران تلویزیون باشقانی جانلی یاییندا «آذری لردن اوزور ایسته ییریک» دئدیینده،
یئنی دن خیابان لارا تؤکولن تورک لر ،بیزه ایکینجی دفعه حقارت ائتدینیز، بیز آذری دئییل، تورکوک دئیه اعتراض ائتدیکلرینده، تلویزیون باشقانی یئنی دن جانلی یایینا باغلاناراق ؛ «بیز تورک لردن اوزور ایسته ییریک» دئدیکدن سونرا، پروگرامی حاظیرلایان ائکیبین ایشینه سون وئرمک زوروندا قالمیشدیر.

دیره نیشدن باغیمسیزلیغا، ائلچی بی» کیتابیندان ؛ یازار: عاقیل صمد بیلی

 

بیشتر بخوانید

بیکاری ، فقر و خودکشی ؛ چهره ای که حاکمان جغرافیای ایران نام کنونی ترسیم نموده اند!

آمار دقیقی از جمعیت زیر خط فقر ایران ارائه نمی‌شود. نهادهای دولتی همچنان بر نرخ …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *