چهارشنبه - ۲۸ آذر ۱۳۹۷
خانه / آذربایجان / بوتون ووجودوموزلا، وارلیغیمیز اولان آنادیلیمیزی یاشاداجاغیق / بورلا توران

بوتون ووجودوموزلا، وارلیغیمیز اولان آنادیلیمیزی یاشاداجاغیق / بورلا توران

سون زامانلاردا گونئی آزربایجاندا تورکجه کیتاب سرگیسی یاساقلاندی ،تورکجه کیتاب غورفه سینه سالدیردیلار و یا تورکجه کیتاب سرگیسی قالدیریلدی و یئرینه یئمه ک یاریشماسی باش وئردی کیمی باشلیقلی خبرلرله نه چوخ قارشیلاشمیشدیق.

بونلارین یانی سیرا، فارس شوونیستی حاکیمیتین قودوز ایتلرینین فعال لاریمیزین ائوینه یورویوش آپاریب کیتابلارینا ال قویوب آرادان قالدیرما لاری دا اولموشدور.

تورک اینتیشاراتچی (انتشارات اندیشه نو باشچیسی اولان آقای فرزانه نی سیخیشدیرمالاری)و یازیچیلاریمیزین(مهندس راشدی نی باشقا یانداشلاریلا بیرگه اوستاد حسن آزربایجانین توپراغا تاپشیرما مراسیمینه قاتیلماسینا انگل اولوب توتوقلامالاری) سبب سیز یئره توتوقلانمالاری ایللر بویو آنا دیلده اؤیرتیم کیمی ایلکین حاقلاری یاساقلانمیش آزربایجان میلتینین صبیر بارداغینی داشیران سون دامجیلارا اولوشموشدور.

بئله کی سوسیال شبکه لرین دسته یی ایله گونو گوندن دالدیغی درین یوخودان آیلیب فارس سؤمورگه چیلیینین و راسیستی  حاکمیتین آیری سئچگیلییندن توتدو ایستیعمار و ایستیثمارینین فرقینه واریب آیدینلاشان آزربایجان تورک میللتی بو ظولمه دایانماییب چئشیتلی کمپین لر یولا سالاراق مدنی بیر حالدا حاکمیتین قارشیسیندا دایانیب دور دئمه یی باشاریبدیر.

بونا سون گونلرده سوسیال شبکه لرده باش وئرمیش بیر چوخ کمپینین یانی سیرا #خرید_کتاب های_تورکی کمپینینی، تورکجه کیتابلاری آلیب اوخوماقلا آنا دیلیمیزه دستک اولاجاغیق پروژه سینی اؤرنک گتیرمه ک اولار.

بئله کی اؤنجول لریمیز بیرداها مدنی بیر حرکت له تاریخ بویو تورکجه میزین درینلیینی و زنگینلیینی قالدیرا بیلمه یه ن لرین قولاغینا ساری اییلیب بیز بو دیلی جانیمیز و مالیمیز باهاسینا هر قوشولدا یاشاداجاغیق سؤزونو باغیردیلار.

اصلینده بو کمپینین ان گؤزل یانلاریندان بیری ده بالاجا مکتب اوشاقلارینین عاییله لری طرفیندن تورکجه کیتابلا شکیل لری چکیله رک کمپینه قاتیلمالاریدیر.

،آزربایجانیمیزین گله جه یینی تمثیل ائده ن بو اوشاقلار فارس راسیستی حاکمیتینین آسیمیلاسیون و ائلیناسیون پیلانلارینی سورغویا چکیب آیاقلایاراق ال لرینده کی تورکجه کیتابلارلا فاشیست حاکیمیته آنا دیلیمیزین مکتبلرده یاساقلاندیغی حالدا بئله، بو دیل ائولریمیزده آیدین عاییله میز طرفیندن ائیتیلیب اؤیره دیلر دئیه ورغولادیلار‌.

بیشتر بخوانید

۲۷ آذر ؛ یکصدمین سالگرد جنگ بزرگ لکستان و مقاومت قهرمانانه مردم سلماس/ دکتر توحید ملک زاده

  از اوایل سال ۱۲۹۸ شمسی اکراد سیمیتقو حملات خود را شدت بخشیده و راه …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *