خبر فوری
خانه / مقاله / بوگون ایسفند آیینین اوچو “ملانصرالدین” درگیسینین یارادیجیسی ؛میرزه جلیل محمد قولوزاده نین دوغوم گونودور

بوگون ایسفند آیینین اوچو “ملانصرالدین” درگیسینین یارادیجیسی ؛میرزه جلیل محمد قولوزاده نین دوغوم گونودور

میرزا جلیل محمد قلیزاده بایرام آیینین ۳-جو گونو حیاتا گؤز آچدی .
او ۱۸۶۶ دا نهرم آدیندا بیرکند ده ،نخجوان ولایتینده دونیایا گلدی. عاییله سی ایرانلی یدی و باباسی حسین علی خوی شهریندن نخجوانا کؤچموشدو .

میرزا جلیل محمدقلیزاده یازار و ادبیاتچی و آذربایجانین تانینمیش آدلاریندان بیری دیر .

یازیب -اوخوماغی نخجوان شهرینده اؤیره نیب ، گرجستان’دا دارالمعلمینه گئتدی.
ایللر بویو اوردا معللیم لیک ایشییله مشغول اولدو .
۱۹۰۴ ایلینده تفلیسه گئدیب اوردا شرق قزئتی نده یازارلیق ائتدی.
نئچه قیسا حیکایه و بیر نمایشنامه “اؤلولر “آدیندا یازدی کی چوخ سئویلیب ،آلقیشلاندی .

ملا نصرالدین یاییملانماسی ان اؤنملی ایشلریندن ایدی و اونا چوخلو دوشمنلر تؤرتدی.
میرزا جلیل دئمیشدی : اگر من بو قزئتی باکو یا ایروان دا یاییملاسایدیم منیم ایش یئریمی اوتا چکیب ، منی اؤلدورموشدولر.
ملانصرالدین قزئتی ، چاغداش هابئله اصلاحات ایسته کلریله یازیلدیغی اوچون ، بعضی موسلمانلار طرفیندن قزیته نین مودورو ، چالیشانلاری و حتی ساتیچیلاری تکفیر و تهدید اولونموشدولار .

جلیل محمدقلیزاده ۱۹۲۱ ایلینده ایرانا قاییدیب بیر ایللیک تبریز شهرینده اقامتی اولدو.
بو بیر ایل ایچینده شهرین چاغداش اینسانلاریلا بیرلیکده ملا نصرالدین قزئتی نی یاییملاییب ، اؤلولر نمایشی نی صحنه یه چیخارتدیلار.
بو بیر ایل اونون اوچون ان چوخ چالیشدیغی و یارارلی ایل اولموشدو .

ان تانینمیش کیتابینین شخصیتلریندن بیری نین آدی مئییت ایدی.
او سرخوش و آللاه تانیمایان بیری یدی و توپلومون گئری قالمیشلیغینی و گئرچکلرینی دیلینه گتیردییی اوچون ، دلی آدلانمیشدی ، بیر توپلوم کی ۹ یاشیندا قیز اوشاقلارینی ، ۵۰ -۶۰ یاشیندا کیشی یله ائوله ندیرمک یایقین بیر دب اولموشدو . .

حاضیرلایان : ویدا حشمتی

 

بیشتر بخوانید

خورداد اولای‌لاری، تورک اویانیش سوره‌جی باخیمیندان / محمد رحمانی فر

  ۱۳ ایل بوندان قاباق، ایران قزئته‌سینده یاییملانمیش بیر کاریکاتور بو اؤلکه‌ده یاشایان تورک‌لری خیاوان‌لارا …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *