چهارشنبه - ۲۸ آذر ۱۳۹۷
خبر فوری
خانه / آذربایجان / بوگون ۲۴ تیر۱۳۹۷؛ سیامک بی میرزایی نین،توتساقلاندیغینین اوچونچو ایلیدیر

بوگون ۲۴ تیر۱۳۹۷؛ سیامک بی میرزایی نین،توتساقلاندیغینین اوچونچو ایلیدیر

اؤیرنجى:۱۳۹۵ جی ایل تیر آیینین ۲۴ جو گونونده ،سیامک بی میرزایی ایش یئرینده ن ائوینه دؤنه رک ،موغانین امنیتی قووه لری طرفیندن توتوقلانیب و او گوندن ایسه تهرانین ائوین توتساغیندا عالتسیزجه سینه توتساقلانیبدیر. 

اؤیرنجى وئبسایتى ، مهندس میرزایی نین توتساقلاندیغینین اوچونجو ایلینه گیره رک ، گونئی آزربایجان اؤیرنجى حرکتی نین اؤنجوللریندن اولان ایگیدیمیزه اؤزگورلوک آرزولاییب ،حایات یولداشینین (وحیده خانیم کریمی) بو موناسیبته اینستاگرام صحیفه سینده پایلاشدیغی نیسگیل دولو یازیسینی بوتون اوخوجولاریمیز و اؤیرنجی چالیشقانلاریمیزلا پایلاشیر.

 

وحیده خانیم کریمی (سیامک بس میرزایی نین حایات یولداشی):

بوگون(تیر آیینین ۲۴)، ایکی ایل بوندان اؤنجه حایاتیمی دوردوردوغوم، دوندوردوغوم و ویرگول قویدوغوم گوندور.

بو گون حایاتدا دئییلده، یوخولاردا، خیاللاردا و آنیلاردا یاشاماغا باشلادیم.سنسیزلییی باغریما باساراق هر گونوز آنیلارینی اوخشادیم و هر گئجه، یاتمادان قاباق گلدییینده نه یاپیب و نه ائده جه یی می پلانلادیم ،یوخولاریما گلدیینده سحرله رین آچیلماسین ایسته مه دیم.

بو ایکی ایلده هئچ یورولمادان سنی سنسیز یاشادیم.
بیرلیکده آز یاشاساقدا یاشامین تام آنلامین یاشادیق. سنله یاشایارکن منده جمهوریت یاراندی. دئموکراسی،گؤزللیکلر،سئوینجلر، هیجانلار جانلاندى،یاشادى و دالغالاندی.
سنله برابر یاشایاجاغیمیز چوخ شئی لر وار. یاشایاجاغیمیز اؤزگور وطن، اؤزگور دیل، اؤزگور اینسان و اؤزگور دوشونجه وار. او یوزدن اینانیرام کى سنلى گونلریم هله دالدادیر.

یادیمدا هر دفعه اردبیله آیاق باساندا سن درین نفس آلاراق:
آه … وطن قوخوسو گلیر دییه دئییردین.
ایندی ایسه سنی وطن حسرتینده، وطن هاواسینا، سویونا حسرت دوشونه بیلمیرم.
داغا، داشا، چایا و دوغایا اولان دویغونو و دویان سئوگی نی بیله رک، ایندی ایسه آیا، اولدوزا حسرت قالدیغینی دوشونه بیلمیرم.

وحیده کریمی
۲۴ تیر ۱۳۹۷

بیشتر بخوانید

دادگاه فعالین ملی آزربایجانی آقایان “ابراهیم نوری” و “جعفر رستمی راد ؛ با تقدیم دفاعیات به زبان تورکی در دادسرای ائوین برگزار گردید

اؤیرنجى : دیروز دوشنبه ۲۵ آبان ۱۳۹۷ محاکمه ابراهیم نوری و جعفر رستمی دو فعال …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *