خانه / حقوق بشر / بیریسی توتساق بیریسی سورگون؛ دوغوم گونلرینده وطنه حسرت قالان قهرمانلارینیز / بورلا توران

بیریسی توتساق بیریسی سورگون؛ دوغوم گونلرینده وطنه حسرت قالان قهرمانلارینیز / بورلا توران

(۸ بایرام کئچدی و سن ۸ ایل دیرندین،
هللیک بیر آرزوم وار ؛ او چیرکین قفس ده کرونایا یولوخما…)
دوکتور لطیف حسنی نین حیات یولداشی اعظم پیری نین ایل لردیر حسرت قالدیغی سئوگیلیسینین دوغوم گونونده یازدیغی درد دولو سطیرلردیر بونلار و
(زامان زامان داشیدیغیم تک بیر شی سنین وارلیغین ،دوغوم گونون قوتلو اولسون سئوگیلیم) سطیرلری مهندیس سیامک میرزایی نین حیات یولداشی وحیده خانیمین ایچینی داغلایان حسرتینین سورگونده بیتمه سیدیر…

اعظم خانیمین  یازدیغی کیمی یازدان اوچ گون کئچن ده گونش شاختا بیچنده بو ایکی بؤیوک اینسانین ،آذربایجانیمیزین گله جک ده یوخ بوگون وار اولان و دیم دیک آنلی آچیق بیری دوستاقدا بیری سورگونده دیره نن قهرمانلارینین دوغوم گوندور…

بوگون ۸ ایل وطن اوغرونرا ۴ دووار آراسیندا حاکیمیت قارشیسیندا و چوخ آجی کی بو گونلر اوسته لیک بولاشیجی خسته لیک لرله ده ساواشماق زوروندا قالان دوکتور لطیف حسنی و حیات یولداشینین حسرتینده ۸ ایل دیم دیک ائشیک توتساغیندا دیره نن اعظم پیری ویا ایل لر بویو گنجلیینین باهاریندا سئودییندن اوزاق حاقسیز یئره دوستاقدا قالیب سونرا سورگون حیاتینی یاشان مهندیس سیامک میرزایی نین و اونونولا بیرگه حیات یولداشینین حسرتینی سینه یه چکیب قایغیسیلا ائوینده توتساق کیمی یاشایان وحیده خانیم بوگون آذربایجانیمیزین جانلی قهرمانلاریدیرلار.

۸ایل کئچدی و۸ ایل دیرندی دوکتور بی، اعظم خانیمدا اونونلا بیرلیکته دیرنمه دی می؟ اوزگورلویونده توتساغی یاشامادیمی حیات یولداشینین حسرتینده؟
ویا وحیده خانیم سیامک بی له یاشامادی می سورگون حیاتینی؟ حیات یولداشی دوستاقدایکن قایغیسینی چکیب گؤزلری دولمادیمی گونلرجه؟ بو قهرمانلیق دئییل ده ندیر؟ اعظم خانیم و وحیده خانیم بوگون دیرنیش سیمگه لری دئییلده کیملردیرلر؟

میللی محبوس لارین حیات یولداشلارینین باشقا سوروملولوقلاری اولار، اونلار داریخارلار آما داریخدیقلاری بیلینمه ز . سیخینتیدان بوغازلاری دویونله نه ر هر گئجه، هر دوغوم گون لرینده هر سئوگیلی لر گونونده هر …

آما بوغولدوقلاری گؤرونمه ز ،هر دوشدوکلرینده یارالانماز، هر سیندیقلاریندا سینماز و هر یورولدوقلاریندا یورولمازلار اونلار …

بونلاری وحیده خانیمدان اعظم خانیمدان و رقیه خانیم و عطیه خانیم و… بیر چوخلو باشقا محبوسلاریمیزین حیات یولداشلاریندان بیلیرم اونلار بیر باشقا قهرمان اولارلار. اونلارین گوجو توکندییسه ده توکه نمه ز …

اصلینده اؤزگورلویونده توتساغی یاشایاراق ایچینین آغلادیغی زامان اوزونون گولمه سیدیر، حالینین ان پیس چاغیندا یاخشیام دئمکدیر.

بلکه ده سئودیینین حسرتیندن اؤلوب ده یاشاماقدیر، دوغوم گونلری ،سئوگیلی لر گونونو تک باشینا قوتلاماقدیر میللی محبوسون حیات یولداشی اولماق و ان اونملیسی دیرنیش سیمگه سینه چئوریلمه ک دیر.

دوکتور لطیف حسنی ایله مهندیس سیامک بی میرزایی نین دوغوم گونو بو ایکی قهرمانیمیزا و دیرنیش سیمگه سی اولان حایات یولداشلارینا قوتلو اولسون.

بیشتر بخوانید

سناریوی تکراری شکست تولید / علی شیرپور

داستان شکست تولید سناریویی تکراری برای تولید کنندگان علی‌الخصوص کشاورزان است که همیشه قربانی سیاستهای …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *