خانه / آذربایجان / حسرت کؤرپوسو- آرزیلار و اوُغورلار / اکبر آزاد

حسرت کؤرپوسو- آرزیلار و اوُغورلار / اکبر آزاد

پرئزیدئنت حیدر اوغلو الهام، دونن حیات یولداشی مئهربان خانیم ایله بیرلیکده آراز چایینی و حسرت کؤرپوسونو یاخیندان زیارت ائتدیلر! اونلار ال -اله آراز بویو قدم ووُردولار، حسرت کؤرپوسونون آیاغیندا اوتوروب شکیل چکدیلر و…

قوزئی آذربایجان شوروی روسیه سینین استعماری و استیلاسیندان قورتاریب استقلال قازاندیقدان سونرا او جمهور باشقانی اولموشدور:
۱- ابوالفضل ائلچی بَی
۲- حیدر علی یئو
۳- حیدر اوغلو الهام

ابوالفضل ائلچی بَی زامانی و حیدر علی یئو باشقانلیغی نین اوللرینده، داشناکسوتیونچو و جنایتچی ائرمنی اوردوسو آذربایجاندا آغیر و دهشتلی جنایتلر تؤره تدیلر. ۳۰ مین نفردن آرتیق گوناهسیز انسانی قتل ائتدیلر. بیرمیلیون نفردن آتیق آذربایجانلی تورکو اؤز آتا-آنا یوردلاریندان- تورپاقلاریندان دیدرگین سالدیرلار؛ خوجالی شهرینده سوی قیریم ائتدیلر. هیتلئر نازیستلریندن داها شدتلی سیلاحسیز انسانلارین دیری-دیری اودا چکدیلر؛ قولاق – بورنلارینی کسیب، گؤزلرینی قاشیقلا چیخاردیلار و… آذربایجان رسمی تانینمیش اراضی سینین یوزده ایگیرمیسینی اشغال ائتدیلر.

تئروریست ماهیتلی داشناکسوتیونچو ائرمنی اوردوسو نئجه کی انسانلاری قتل ائدیب سوی قیریمی یارادیردی.
شهرلرده و کندلرده ده بوتون بینالاری و تیکینتیلری تخریب و تئرور ائتمیشدیر.
مئشه لری اودا چکیب آغاجلار دا قتل و تئرور ائتمیشدیر.
جنایتچی ائرمنی اوردوسو ایگیرمی سکگیز ایل بو جنایتلرینه اصرار و داوام ائتمیشدیر.

سون آیلاردا ائرمنی جنایتچی اوردوسو کور غرور اساسیندا قوزئی آذربایجانین توووز بولگه سینده نفت کمرینه هجوم ائده رک ایسته ییردی آذربایجانی داها آرتیقراق سیخینتییا سالسین. بو تجاوزلارین داوامیندا بوتون جبهه لرده ساواش باشلاندی.

قیرخ دؤرد گون سوره ن بو ساواشدا آذربایجان مظفر اوردوسو باجاردی اشغال اولموش اراضیسی نین بیر حصه سینی دؤیوش میدانیندا اشغالدان آزاد و تجاوزچو ائرمنستانی تسلیمه مجبور ائتسین. بئله لیکله ده اشغال اولموش اراضی نین قالانی دا آتش کس قراری اساسیندا تدریج له آزاد اولاجاق!
آنجاق ائرمنی جنایتچی اوردوسو اشغال اولموش اراضیدن گئری چکیله رک هر نه یی تخریب و تالان ائدیر. ائولری مئشه لری اودا چکیر، مئشه آغاجلارینی کسیب آپاریرلار.

نه بین الخلق قوه لر، نه ایران و نه روسیه بو جنایتلره اؤزلریندن هیچ بیر رئاکسییا گؤسترمیرلر. حتی صلج سئوه رلیک ادعاسیندا اولان مدعیلر ده قارا قوپ توتوبلار، هئچ ساده بیر اعتراض دا ائتمیرلر.
هارادا قالیبلار یالانچی مدنی-کولتورل چالیشقانلار؟
هارادا قالیبلار یالانچی مدعی سولچولار ؟
هارادا قالیب فرانسه نین جمهور باشقانی ائمانوئل مکرون؟
هارادا قالیب ایران جمهور باشقانی حسن روحانی؟
و….

ائرمنستان-آذربایجان ساواشلارینین داوامیندا ایران ظاهرن تکفیری تئروریستلرین بؤلگه یه گلمه سیندن خطر دوُیموش و حربی قوه لرینین بؤیوک حصّه لرینی آذربایجان-ایران سرحدلرینده یئرلشدیرمیشدیر.
بو سفربرلیک ۳۰ ایل داشناکسوتیونچو و جنایتچی ائرمنی اوردوسونون اشغالی سوره جینده هئچ اولمامیشدیر. آنجاق آذربایجان اؤز اراضیسینی اشغالدان آزاد ائتدیکده اورتایا چیخمیشدیر. بونون آنلامی نه اولا بیه ر؟!

بئله بیر قدار دوشمنین یعنی داشناکسوتیونچو و جنایتچی ائرمنی اوردوسونون اؤنونده آذربایجانین مظفر اوردوسو پرئزیدئنت الهام ین باش کوماندانلیغی ایله وطن تورپاقلارینی اشغال دان آزاد ائدیر ….
… دونن پرئزیدئنت حیدر اوغلو الهام آزاد اولموش تورپاقلارین بعضی حصه لرینی و حسرت کورپوسونو زیارت ائده رک ابوالفضل ائلچی بَی و حیدر علی یئوین اورکلرینده قالان آریلارینی جانلاندیریب حیاتا گئچیرمیشدیر.

اگر ابوالفضل ائلچی بَی و حیدر علی یئو بو گون حیاتدا اولسایدیلار، پرئزیدئنت الهاما جدی و صمیمی تبریکلر دئیه ردیلر…

بیشتر بخوانید

استقرار ارتش آزربایجان در جاده قامیشلی کلبجر در مرز ارمنستان

اؤیرنجى : طبق تصاویر ویدئویی گرفته شده توسط سربازان ارتش آزربایجان در حال عبور از گردنه …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *