خبر فوری
خانه / مقاله / دیل اؤیرتیمی ؛ نقطه اشاره‌لری (بیرینجی بولوم)

دیل اؤیرتیمی ؛ نقطه اشاره‌لری (بیرینجی بولوم)

دونیانین بیر چوخ دیللرینده بیر سیرا علامت یارانمیشدیر کی، جمله‌لرین معناسینی، آرتیق آیدینلاشدیریب، دئمک اوخوجو دوزگون اوخوسون دئیه اونلاردان استفاده ائدیرلر. اونلارین داها ایشلنمه‌سی باره‌ده لازیمی نکته‌لره اشاره ائدیریک:

 ویرگول « ٬ »

الف) بو علامت اوبیرلرینه باخدیقدا ان چوخ ایشله‌نن علامت‌دیر، بو علامتدن بیر جمله‌نین «فاعل»لرینی آییرماق اوچون «٬» دن استفاده ائدرلر.
ب) بیر جمله‌ده نئچه مبتدانی( مسند الیه) آییرماق اوچون اونلارین آراسیندا «٬» قویولور:
آی، اولدوز، الکتریک چیراقلاری شهری ایشیقلاندیریر.
پ) بیر جمله‌ده نئچه خبری آییرماق اوچون اونلارین آراسیندا «٬» قویولور.
مثلا: معلم صمیمی٬ مهربان و دوشونجه‌لی انسان‌دیر.
ج) یوخ و نه سؤزو جمله‌نی نفی ائتدیگی حالدا «٬» «نه» و «یوخ» دان سونرا «٬» قویولور.
چ) «همی» و «هم» سؤز و ایکی جمله‌نین بیر یئرده اثباتی اوچون اونلاردان سونرا «،» قویولور.
هم، یئییرسن، هم، گولورسن.
و یا:
همی، یئییرسن، همی، گولورسن.
خ) بیر جمله‌ده نئچه مخاطب اولارسا، اوندان سونرا «٬» قویورلار.
(گؤزوم، جانیم، عزیزیم، سئوگیلیم، دؤلتلی سلطانیم) «فضولی»
د) «یا» «گاه» ، «یوخ» و بعضا سؤزلردن سونرا «،» قویولور. مثال:
یا من اؤلدوررم بونو، یا، بو منی.
گاه گئدیر، گاه گلیر.

 نقطه ویرگول «؛»

بو علامت سوکوت یئتیریر و آشاغیداکی یئرلرده ایشله‌دیلیر:

الف) بیر بیرینین آردینجا گلیب معنالارینی تعقیب ائدن جمله‌لری آییرماق‌ اوچون ایشله‌نیر: عاغلین وار؛ نه‌یین یوخدور؛ عاغلین یوخسا؛ نه‌یین وار؟
ب) شرط جمله‌سی ایله، مشروط جمله‌ نین آراسیندا «؛» قویولور:
قالارسا ؛ قادان آللام گئدرسه؛ یولاساللام.
پ) ناقص جمله ایله ، اونون متممی آراسیندا «؛» قویولور.
مثال: مالیندان کئچن؛ جانیندان کئچر. (آتالار سؤزو)

 ایکی نقطه « : »

ایکی نقطه ، شرح و ایضاح اولونان سؤزلرین قاباغینا « : » علامتی قویولور.
دانیشماق و یا ببرینین دانیشماغینی بیلدیرنده « : » علامتی قویولور.
دئدیم: هر گون سرکویوندا دولانماقدیر ایشیم
دئدی: « واحد » نه گؤزل یئرده مکان ائیله میسین.

 سورغو علامتی « ؟ »

جمله‌نین و یا بیر سؤزون سؤال و یا سورغو حالتی اولارسا بو علامتدن «؟» استفاده ائدرلر.
مثال: گله‌جکدیر؟

تعجب علامتی « ! »

تعجب ، حیرت ، چاغیریش( ندا ) ، تأسف، دعا ، غم، سئوینجی بیلدیرن جمله لرین قاباغیندا «!» قویورلار.

قایناق: آنا دیلی درس لیگی – بهروز ایمانی

آردی وار…

بیشتر بخوانید

امروز ۲۴ ژوئن ؛ هشتاد و یکمین سال روز تولد ابوالفضل ائلچی بی می باشد

  بیست و چهارم ماه ژوئن تولد رهبر بزرگ آزربایجان “ابوالفضل ائلچی‌‌بَی” می باشد. “ابوالفضل …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *