رئال بیر داستان ؛ پئدوفیلایا معروض قالان بیر اوشاق

بیر قیز اوشاغی تام مذهبی بیر عایله‌ده دونیایا گؤز آچیر. دوققوز-اون یاش قیزین اؤزوندن بؤیوک اولان محرمی، اوشاغا تجاوز ائدرکن، اونو اوینادیب و اؤزونون ارضاء ائتمه‌سینی اوشاق‌دان طلب ائدیر.

ایللر کئچیر، قیز اون دؤرد یاشینا دولدوق‌دا، او شخصه(قیزین محرمی) بئله سوال وئریر کی نییه منی اینجیدیردین؟! او کیشی ده «منی باغیشلا ایشتیباه ائدیردیم» دئیه قیزی جاواب‌لاییر.

اون سککیز یاشیندا همن تجاوز مسئله‌سینی آناسینا دئییر. آنا، سن نییه اونون یانینا گئدیردین کی اوجور اولسون دئیه، قیزی باشدان ائله‌ییر و دئییر سس ائله‌مه او سنین ….دیر!!

آتاسی دا قیزی‌ ایله دوست اولمادان و اونون یاش ایجابینی درک ائتمه‌‌دن اونونلا بیر دوست کیمی یاناشا بیلمیردی.

اوندان دولایی قیزین یاشی ایله اویغون اولان تفریح‌لر، دولانماق‌لار و رفتارلارا منفی تپکی گوستریردی(همن آتا، قیز اون یاشین بیتیررکن اونو اوغلانلارلا ال وئرمکدن منع ائدیب و چرشاب اؤتمه‌یی اونا تکلیف ائتمیشدیر).

بو رفتارلار عایله طرفیندن بیر حده چاتیر کی ۱۷ یاشیندا ائودن قاچیر و بیر نئچه گون دوستونا قوناق اولور. ائوه قاییداندان سونرا آتا-آناسینی بئله تهدید ائدیر کی، مندن ایشیز اولسا اؤزومو اؤلدوررم.

ایندی ایسه بو قیزین ۱۹ یاشی وار و اونا اولان تجاوز خاطیره‌سینی هی خاطیرلاییر. هابئله مختلف شخصیتی، رفتاری سورونلارا دا  معروض قالیب و عین حالدا جور‌به‌جور اوغلانلارلا رابطه قوروب و سئوگیلی کیمی یاناشماغی سئویر.

سعید چرندابی