خانه / مقاله / رژیمین مهران بهاری چئته سینین تبریزی قره لئمه شانتاژلاری حاقدا / اومود دوزگون

رژیمین مهران بهاری چئته سینین تبریزی قره لئمه شانتاژلاری حاقدا / اومود دوزگون

عزیز آزربایجان تورک ملتی ؛ پان فارس و پان ایرانیست قوه لری، گئچن یوز ایلده اوٌز ضد تورک و ضد آزربایجان سیاستلرینی مختلف شئکیل لرده اورتایا آتیبدیرلار. او جمله دن: ۱- تورکیه تورکلرینه نفرت ۲- دارالسلطنه اولان تبریز تورکلرینه نفرت ۳- شمالی آزربایجانا نفرت ۴- آزربایجان تورک دیلنه نفرت ۵- آزربایجان تورک کیملیک و هویتینه نفرت ۶- آزربایجان استقلالیتینه نفرت ۷-آزربایجان بوتولیکینه نفرت ۸- آزربایجانین هرجور اینکیشاف و آبادلیقینا نفرت و سایره.

بو یاخینلاردا ایران تورکلری آدینا پان ایرانیستلرین قوْللوْغوندا چابا گوستئرن مهران بهاری ماسکاسی آرخاسیندا، ساپی اوٌزوموزدن اولان امما وزارت اطلاعات و ساوامانین خطتینی گئدن بیر چئته، یوخاریدا آد آپاردیغیم نفرت سیراسینا ایکی نفرت کونوسیدا علاوه ادیب و مجازی دوٌنیادا تبلیغات آپارماقدادیرلار. ۱- وطنیمیزین آدی آزربایجانا نفرت ۲- اولکه میز أزربایجانین اوٌره گی اولان و تاریخی پایتاخاتیمیز تبریزه نفرت.

ملی حرکتیمیز گوجلندیکجه، فارس فاشیست رژیمینین خفییه اورگانلارینین چابالاریدا چوخالماقدادیر. بیر طرفدن اوٌز ایچیمیزدن پارالل قوه یاراتماق ایسته ییرلر و اوبیری طرفدن فارس رژیمینین آدی باتمیش ایمام زمان عسکرلریندن اولان «مهران بهاری چئته سی» اصلینده آزربایجان دوشمانی امما مجازی شبکه لرده حیله کارلیقلا اوٌزوٌنی داها تورکچو گوسترمک له، فارس شهرلرینده یاشایان آزربایجان تورکلری و گوٌنئی آزربایجاندا یاشایان تورک میلتمیزین آراسیندا نفاق سلاماقا چالیشیرلار. مهران بهاری ماسکاینین آلتیندا گزیله نن چئته، بیر اویدوروجو تفکر اولاراق، آزربا،یجان تورک مرکزلی دوشونجه نین قارشیسیندا، ایران تورکلری نامینه تهران مرکزلی پان ایرانیسم دوشونجه سینی اورتایا آتماقدادیرلار. ایران تورکلری آدینا امما تام پان فارسیسمین فاشیستی سیاستلرینی قاباقا آپاران بو چئته، ، توپراغمیزین، وطنیمیزین مقدس” آزربایجان ” آدینی سیلمه سیینه جهد گوستریب. پان ایرانیست شاه و مولا رژیمی، شهرلر آدینا (همدان، زنجان، اردبیل و قزوین…) اوستان یاردما بهانه سیله آزربایجانی پارامپارچا ائدمه پروژه سینی آشکار صورتده و اورمو گوٌلونی قورودماسینی و خریطه لردن سیلمه سینین آردیندان، نهایت خفییه اورگانلاری گوٌنئی آزربایجانین آدینین تام سیلینمه سی اوچون، شمالغرب و تورک ائلی منطقه سی آدلاندیرماقا چالیشرلار. هابئله، وطنیمیز آزربایجانین تاریخی پایتختی و باش شهری تبریزین آدینی لکه لمه سینی (تاوریژ) و اونون سیاسی گوج مرکز اولماسینی اعتباردان سالماق ایسته ییرلر.

رژیم  و انون اوزانتیلاری چیرکین حیله لرله مختلیف شهرلریمیزی قارشی قارشیا قویماق استه ییرلر. تبریزی ضعیف لندیرمک اوچون، تضادلی تعریف لمه لر و پیسلمه لر اورتایا آتیرلار.  بیر یاندان تبریزی بیرینجی لر شهری، مشروطه سنگری و قهرمان، غیور… آدلاندیریب عرش اعلایه چیخاردیرلار و او بیری یاندان، تبریزی آشاغالاماقینان اونون آزربایجانا سیاسی گوج مرکز اولماسیندا شوبهه یارادماق ایسته ییرلر.

ایران آدلی جغرافیادا، تبریزه نفرتین آزیی ۱۰۰ ایلیک تاریخی وار و مظفرالدین شاه زامانیندان بوگونه دک تهران نین هیجوم لارینا قارشی، تبریز اوز قیرمیزی خطتینی دفعه لرجه چئکیب دیر. مشروطه اینقلابی، خیابانی، ملی حکومت،۲۹ بهمن، خلق مسلمان، بیر خرداد قیامیندا، فارس یاشیل چیلار اویونوندا و نهایت ۱۳۹۶ دی حرکاتیندا، تبریز گینه ده چیخدی اوٌز سوزونو دئدی، فارس مرکزلی دوشونجه نی کوکوندن رد ایله دی وآییق ساییق اوز قیرمیزی خطتینی بیرداها جیزدی . اوٌز ملی شعارلارینی وئردی و فارس شهرلرینده رضاشاه شعارلارینی فاشیستی حساب ائدره ک اوٌز تپکیسینی گوٌستردی. بو گئلیشمه لر فارس فاشیسنلرینی عصب لندیریب وهماهنگ اولاراق پان ایرانیسمین اوٌزوٌ قره سی اولان – تورک قولو، جمکرانین غیبی چئته سی ده چابایا دوشموش و تبریزه نفرت هیجومینی آرتیریب دیر.  اول یوموشاق کلمه لرله باشالایب تبریزی قره لمه یه : تبریز نیه سوسوب، تبریز همان تبریز دئییر، سیاسی مغزلری کوچوب تهرانا، تبریزده تبریزلی قالمایب !!… و سونرا سوْیلئمی ده یشیب : تبریز نییه چیخمیر، ایران تورکلری تبریزی نئدن گوزله مه لیدیر. تبریز قورخاخدیر، بی عرضه، بی غیرت و …!!

بو یئخیجی سوزلر تام فارس رژیمینین مدیاسی ایله اوست اوسته دوٌشوٌر و تضادلی یازیمئددا« تبریز شهر اولین ها ، شهر ادب، حماسه، غیور، شهر بی گدا، تمیزترین شهر و تبریز ۲۰۱۸ پایتخت گردشگری، بهترین شهر ایران و گاهاّ جهان و…» گئچن آیلاردا تام تئرسینه فارس رژیمینین مئدیاسی خصوصیله تابناک و تسنیم قئزه ته لری بئله یازیرلار:« تبریز دیگر شهر بی گدا نیست، توفان نمک، هوای تبریر آلوده است، تا چند سال دیگر تبریز غیرقابل سکونت میشود. میلیونها نفر باید به فکر کوچ از تبریز باشند و تبریز در حال محو شدن است و…!! تبریز اهالیسینی روحدان سالما و اورومو گوٌولو محو اتمه،  سناریوسونی آینی شیکیلده بو دفعه تبریز شهرینده پیاده اتمک یوخوسو گوٌرولر. فارس اپوزوسیونی داها شیددتلی و توهین و تحقیرلره ال آتیر« تبریز قوم گرا، تجزیه طلب ، وحشی و…» حتتا تبریزه رژیمین عامیلی دامغاسینی دا ورورلار. امما  نئجه کی آزربایجان آدینی اوره کلردن سیله بیلمه دیرلر، همیشه تاریخلر یازان تبریزیمیزی ده ضعیف لندیره بیلمیه جئکلر. بونا ثیبوت فارس شهرلرینده یاشایان تورک لر استادیوملاردا هارای چئکیرلر ” آزربابجان بیر اولسون، مرکزی تبریز اولسون و آزربابجان واراولسون، ایسته میئن  کور اولسون”.

عزیز هموطنلر
آزربایجان ملی حرکتیتین بیرکیچیک فعاللی اولاراق، تامام میلتیمیزی و خصوصیله ملی فعاللاریمیزی بو شانتاژلارین و هیجوملارین قارشیسندا محکم دایانماقا چاغیریرام. اورمویا، اردبیله و تبریزه هیجوم، همئن آزربایجانا هیجوم اتمئکدیر. مهران بهاری چئته سینین آزربایجان و تبریز دشمانچیلیقینی هر یئرده ایفشا اتمه لییک و آزربایجانیمیزین گوٌج مرکزی اولان تبریزیمیزی قورویوب داهادا گوٌجلندیرمه لییک.

یاشاسین آییق آزربایجان تورک میلتی ؛ عشق اولسون آزربایجان مرکزلی دوشونن فعاللارا

 

بیشتر بخوانید

کتاب دَدَه‌قورقود دایره المعارفی از نظم و نثر و فرهنگ ترکان / دکتر توحید ملک زاده

دَدَه‌قورقود (به ترکی آذربایجانی:Dədə Qorqud به ترکی استانبولی:Dede Korkut ترکمنی:Gorkut-ata) نام یکی از قدیمی‌ترین داستانهای …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *