خانه / مقاله / عثمان سمبن :اینگیلیس لر اللرینده گتیردییی اینجیلی بیزه وئره ره ک، تورپاقلاریمیز اللرینه آلدیلار!

عثمان سمبن :اینگیلیس لر اللرینده گتیردییی اینجیلی بیزه وئره ره ک، تورپاقلاریمیز اللرینه آلدیلار!

۱۹۲۳ دوغوملو سئنگال لی شاعیر، یازار ،یاپیمجی (تهیه کننده)یؤنتمن” عثمان سمبن “،۱۹۹۷ ایلینده، کرالیچه نین اؤزل اونور اؤدولونه لاییق گؤرولور.
اؤدولونو آلماق اوچون اینگیلیسه گئدر. تؤره نه قاتیلیر و تاریخه کئچه جک بو سؤزلری دانیشیر و اؤدولو آلمادان سالونو ترک ائدر.
سایین خانیم لار و آغالار ،دانیشماغیما اینگیلیس دیلینده دوام ائتمه یه جه ییم اوچون هامینیزدان اوزور ایسته ییرم.
سیزین تورپاقلارینیزدایام و سیزین صاحیبی اولدوغونوز سیستم ایچینده ،سیزین طرفینیزدن پایه لندیریلیرم.

آنجاق اصیل دانیشمام، اؤز دیلیمده اولاجاقدیر. مراک ائدنلر ،دانیشمامین اینگیلیس دیلینه ترجومه سینی ،صندل لرینده کی قولاقلیقدان ائشیده بیلرلر.
اینگیلیس لر گلدیکلرینده ،اللرینده اینجیل،بیزیم الیمیزده تورپاقلاریمیز واریدی. بیزه گؤزلریمیزی یوماراق دوعا ائتمه میزی اؤرگتدیلر. گؤزوموزو آچتیغیمیزدا ایسه، بیزیم الیمیزده اینجیل، اونلارین الینده تورپاقلاریمیز واریدی.

اینگیلیس لرین دینینی ،دیلینی اؤرگندیک. اوزاق دونیادان گلن یئنی دیل و دین ،بیزدن هرزامان چالیشماق زوروندا قالان ایطاعت کار کؤله لر یاراتدی .
اؤزگورلوک اوچون هر قارشی گلدیغیمیزده، بیزی بیربیریمیزله ساواشماق اوچون ایکنا ائتدیلر و سیلاح وئردیلر. اینگیلیس لر گلمه دن اؤنجه، تورپاقلاریمیزدا ساده جه ساواش واریدی.اینگیلیس لرین قوتسال دینی ،بیزیم ساواشیمیزدان سواستفاده ائدیب، ائولادلاریمیزی ساواشچی ائتدیلر.

هم ده ساده جه اؤز قارداشلاریلا ساواشان ،دونیانی اینگیلیس دیلیندن و اینجیل دن عیبارت سانان وحشی ساواشچیلار .
خسته لیک لر یایدیلار، نه اولدوغونو بیلمه دییمیز ایچه جک لرله ،بیزلری خسته و ضعیف ائتدیلر .آتالاریمیزی زینجیرله یه رک ،بؤیوک شهرلرینه کؤله اولاراق گؤتوردولر.
او بؤیوک بینالاری، جاده لری ،تونل لری و کیلیسالاری ،اینسان اتینین اوستونه تیکدیلر. اؤزلرینی تمیزله مک اوچون ،هنرمندلرینه ،فیکیر آداملارینا ،ساده جه اؤزلرینه شامیل اولان اینسان تعریف لرینی وئردیلر .

هر چئشیت ییه جکلرین بؤیودوغو تورپاقلاریمیزا ،زهرلی عیلاج لار( داوالار) تؤکدولر. تورپاغین آلتینداکی یانیجی قره جهنم قانی اوچون،بیزلری اؤلدوردولر .بؤیوک آجیلار و اؤلومجول شیکنجه لر وئردیلر. هر گلن گمی دن، کییی لاریمیزا(ساحیل )هر زامان ایکییه بؤلونموش تکنه لر(قاییق )یاناشدی.
ایلک گلنلر ظولم ائتدیلر، دالیجا گلن دوستلاری ،ظولمو دوردورما وعده سیله ،بیزلری اله کئچیردیلر. بوگون گلنلرده عینی سیستم له هله ده ایشغالی سوردورورلر.
یئنی عیلاج لاری ،بیولوژیک سیلاح لاری و خسته لیک لری دئنه ین کؤنوللو دوکتورلارینیزی ایسته میریک.امپریالیست سیستئمینیزده ,گئری دؤنوشوم (بازیافت )ائکونومی سیله ،اصلینده سؤمورو اولان ییه جک یاردیم لارینیزی ایسته میریک.

“اؤزگورلویوموزو اعلام ائدیریک و اوروپانی قوووروق “بیربیریمیزی آنلامامیزی زورلاشدیران،موسیقیمیزی و میف لریمیزی (افسانه )اونوتدوران یوخسول دیلینیری رد ائدیریک .
چاغداش دونیا دعوتی ایچینده کی ,بیزی زورلا شکیل لندیرن عوامانه هنری تئوری لریزه قارشی چیخیریق.

اؤزگورلویوموزو علان ائدیریک و آفریقالی اینسانلار اولاراق دوغدوغوموزو و آفریقالی اولماق اوچون ده بوتون اوروپانی تورپاقلاریمیزدان قوووروق.
بیربیریمیزی اؤلدوره لیم دئیه، بیزه اؤرگتدیینیز ایرقچیلیغی …فلسفه آدینا اؤنوموزه سوردوغونوز باتینین دایاز قافالی کلمه لرینی…
حقوق آدینا ائتدیغینیز بونون شوونیست لیک لرینیزی…و هنر دئیه دایاتدیغینیز بونون ایستاتیک اؤرگتدیکلرینیزی…آفریقا تورپاقلاریندان سیله قدر ،آفریقا سیزینله ساواشاجاقدیر.

سیز قبول ائتمه سز ده بیر آفریقالی ان آز دونیانین هر هانسی بیر یئرینده کی بیر باتیلی (غربلی) قدر اونورلودور .اینسان اونورلو دوغولار، و هئچ بیر اینسانین کرالیچه لرین وئره جه یی اونورا احتیاجی یوخدور.

قوزئی آزربایجانلی خانیم یازاریمیز، ائلوجا آتالی’نین فیسبوک صفحه سیندن بیر آلینتی

کؤچورمه: ا.دیلمانلی

 

بیشتر بخوانید

‍ مدیر مسئول گرامیِ خبرگزاری فارس؛ خطاب به پانتُرکیسم نوشته‌ای منتشر کرده‌ است.

  عارضیم خدمتتان، در ایران و جاییکه بالغ بر پنجاه میلیون نفر تُرک، عرب، کُرد، …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *