خانه / گزارش / ١۵ تئمموز تورکیه نین دئموکراسی و ظفر بایرامی ؛فتو تئرور اؤرگوتو کودتاسینین اوچونجو ایل دؤنومو

١۵ تئمموز تورکیه نین دئموکراسی و ظفر بایرامی ؛فتو تئرور اؤرگوتو کودتاسینین اوچونجو ایل دؤنومو

اؤیرنجى: اوچ ایل اؤنجه بو گون تورک سیلاح‌لی گوجلرینه سیزمیش فتح الله‌چی ترور تشکیلاتی منسوب و بو تشکیلاتی فعالیتی دستکله‌ین ۸ مین‌دن چوخ نیظامی پرسونلین، ساواش اوچاق‌لاری دا داخیل ۳۵ اوچاق،۳ گمی، ۳۷ هلیکوپتر، ۷۴و تانک ۲۴۶ زیرئه‌لی ماشین و ۴ مینه یاخین یونگول سیلاحین تطبیق ائدیلدیگی کودتا گیریشیمی، تورکیه جمهوریتی تاریخینه قارا بیر لکه کیمی دوشدو.

تشببوسون ایداره ائتمه مرکزی آکینجی پایگاهی‌نین ده یئرلشدیگی باشکنده ۱۵ ژوئیه ۲۰۱۶دا “قارا” بیر گئجه یاشاندی.

دموکراتیک ایداره اتمه رافا قالدیرماغی هدفله‌ین و بو حیله‌گر عمل‌لرینی ۱۵ ژوئیه ۲۰۱۶داکی کودتا گیریشیمینده ۲۵۱ نفری شهید، شهید، ۲ مین ۱۹۴ نفری ده غازی ائده‌رک حیاتا کئچیرمک ایسته‌ین فتح الله‌چی ترور تشکیلاتینین خائین پلانیندا حادثه‌لرین مرکزی باشکند آنکارا اولدو.

حادثه‌نین باش وئردیگی تاریخده پرزیدنت باش کاتیبی اولان فخری قاسیرغا ایله باش قرارگاه باشقانلیغی ائدن ژنرال حولوصی آکار دا آرا‌لاریندا اولدوغو بیر چوخ سرکرده کودتاچیلارلا توتوخلانیلیب.

شهرین گؤکلرینده آلچاق اوچوش ائدن ساواش اوچاق‌لاری تورکیه بؤیوک میللت مجلیسی، پرزیدنت کومپلکسی، پولیس باش ایداره‌سی، میللی کشفیات تشکیلاتی و تورکسات بومبالادی.

شهرین موختلیف یئرلرین‌دکی بیر چوخ بیرلیک‌دکی تانک و زیرئه‌لی ماشین‌لار دا پایگاهدان ائشیکه چیخدی.

ایستانبولدا ایسه ایستراتژیک بؤلگه‌لری هدف آلان کودتاچیلار، اوّل شهرین ایکی یاخاسینی باغلایان بوغازیچی و فاتیح سولطان محمت کؤرپولرینی ساعت ۲۲٫۰۰ سیرا‌لاریندا تک طرف‌لی یولا باغلادی. کؤرپو اوزرینده توپ‌لانان خالقا آتش ائدیلیب.

قولله‌لی نیظامی مکتبینده ایسه هیجان سیگنا‌لی وئریلیب و نیظامی یوک ماشینی‌لار بوغازیچی کؤرپوسو، فاتیح سولطان محمت کؤرپوسو و قندیل‌لی-بئیکوز ایستیقامتینه حرکت ائدیب. مکتب قارشی‌سین‌داکی بعضی پیادا‌لار دا حبس ائدیلیب.

بیر قروپ کودتاچی ایستانبول والی بیناسینا گیررکن، باشقا بیر قروپ دا آتاتورک هاوا لیمانینی اله کئچیرمک ایسته‌دی.

اوچوش کونترول مرکزینی اله کئچیرن کودتاچیلار، بوتون اوچوش‌لاری دایاندیردی. اف-۱۶ ساواش اوچاق‌لاری ایله هاوا لیمانی اوزرینده آلچاق اوچوش آپاریلا‌راق یولجو اوچاق‌لاری‌نین ائنیش-قالخیش ائتمه‌لری انگللنیب.

هر کس نیظامی فعال‌لیغی آنلاماغا چالیشارکن دؤورون باش ناظیری بینا‌لی ییل‌دیریم، ساعات ۲۳٫۰۲ده تلویزیون کانال‌لارینا باغ‌لانا‌راق، بیر گیریشیم ائتمه احتیمالی اوزرینده دایاندیق‌لارینی دئییب. ییل‌دیریم، “بو قانون‌سوز حرکتین ایچری‌سینده اولان‌لار ان آغیر شکیلده بدلینی اؤده‌یه‌جک‌لر”. دئدی.

کودتاچیلارین اولدوغو هلیکوپترلر، میت منطقه‌سینه سالدیریکن جمهور باشقانلیغی محافیظ گوردانین‌دان ت.ر.ت-یه گئدن کودتاچیلار ساعات ۰۰٫۱۳ده جان‌لی یاییمدا زورلا کودتا بیلدیریسینی اوخوتدو.

جمهور باشقانی رجب طیب اردوغان ساعات ۰۰٫۲۴ده سی.ان.ان تورک کانالینا باغلانیب. گؤرونتولو تلفونلا باغلانتیدا اردوغان “بو حادثه حقیقتن تورک سیلاح‌لی گوجلریمیزین ایچین‌دکی بیر آزلیغین، تأسف کی، گیریشیم ائتمه حرکتی‌دیر و بو معلوم قورولوشا عایید پارالل تشکیلاتلانمانینین تشویق ائتدیگی اوستون عقل اولا‌راق اونلارین ایستیفاده ائتدیگی بیر حرکت‌دیر.” دئدی.

میللتی، کودتاچیلرا قارشی دایانماق اوچون میدان‌لارا چاغیران اردوغانین بو چاغیریشی خالق طرفیندن قبول گؤردو.

باشکند آنکارا و ایستانبول باشدا اولماقلا تورکیه‌نین دؤرد بیر طرفینده دموکراسی‌یه صاحب چیخماق اوچون میدان‌لارا چیخان وطنداش‌لار، جان‌لارینی هئچه سایا‌راق تانک‌لارین اوستونه چیخدی، لوله‌نین اؤنونه دایاندی و ساتقین کودتا گیریشیمینی دف ائتدی.

ارته‌سی گون گونورتا ساعات‌لارینا قدر داوام ائدن حادثه‌لرده وطنداش‌لار قهرمانجاسینا مقاومت گؤستردی.

کودتال گیریشیمی‌نین اوغورسوز اولاجاغینی باشا دوشن عسگرلر سحر ساعات‌لاریندا باش قرارگاه قرارگاهین‌دان چیخا‌راق پولیسه تسلیم اولماغا باشلاییب. قیسا مدت سونرا اؤزل حرکات پولیس‌لری ده باش قرارگاها گیردی.

باش ناظیر ییل‌دیریم، ارته‌سی گون ۱۲٫۵۷ده چانکایا کؤشکونده ائتدیگی آچیقلامادا، تشببوسون یاتیریلدیغینی رسمی اولا‌راق ائشیتدیردی.

کودتا تشببوسونه قارشی اؤلکه‌نین هر یئرینده تورک میللئتینجئ گؤستریلن مقاومت و قرارلی دوروش، “دئموکراتیانین قلبه‌سی، میللتین بؤیوک داستانی” اولا‌راق تاریخ‌دکی یئرینی آلدی.

بیشتر بخوانید

پسر محمدرضا عارف به عنوان ژن خوب ؛ پست جدید گرفت !

اؤیرنجى: حمیدرضا عارف فرزند محمدرضا عارف، رئیس فراکسیون امید به عنوان عضو شورای مشورتی در …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *