یکشنبه - ۱۰ فروردین ۱۳۹۹
خبر فوری
خانه / آذربایجان / قارا یانوار فاجعه‌سی اونودولماز ؛۲۰ ژانویه آزربایجانین حزن و غرور گونودور.

قارا یانوار فاجعه‌سی اونودولماز ؛۲۰ ژانویه آزربایجانین حزن و غرور گونودور.

 

اؤیرنجى: بوندان ۳۰ ایل اؤنجه، سووئت اوردوسونون ۲۰ ژانویه سحری سیویل و سلاح‌سیز ۱۳۰‌دان چوخ تورک آزربایجانلی‌نی قتل ائتمه‌سی هئچ اونودولمادی.

۱۹۹۰٫جی ایلین ۲۰ ژانویه سحری، ائرمنی چته لری آغیر سلاح‌لارلا تجهیز ائدیلمیش تانک‌لارلا دستک‌لنن سووئت اوردوسو باکی‌یا گیردی.

آماج، قاراباغ‌دا یاشانان ائرمنی ظولمونه قارشی چیخان و مستقیل‌لیک ایسته‌یی ایله میدان‌لاری دولدوران آزربایجان‌لی‌لاری سیندیرماغیدی .
عینی زاماندا سووئت‌لر بیرلییین ‌ده کی باشقا جمهوریتلره ده گؤز داغی وئرمک.

تپه دن دیرناغا سیلاحلی اولان سووئت اوردوسو او گون، گنج یاشلی ، قادین کیشی دئمه‌دن، اؤنونه چیخان هر کسی قتل ائتدی.

بیر نئچه ساعات ایچری‌سینده ۱۳۰دان چوخ آزربایجان‌لی شهید ائدیلدی، یوزلرجه ده یارالاندی.
قیرغین آزربایجان ملتینین مستقیل‌لیک عزمینی قیرا بیلمه‌دی.

آزربایجان‌لی‌لار شهیدلرینی قرنفیللرله بیرلیکده هئچ اونوتماماق اوزره اورک‌لرینه باسدیردی.
“بیر کره یوکسه‌لن بایراق، بیر داها ائنمز” سؤزو ایله باغیمسیزلیغا اولان اینانج داها دا آرتدی.
او گون‌دن سونرا سووئت‌لر بیرلییی‌نین ییخیلما پروسه‌سی سرعتلندی، آزربایجان ۱ ایل سونرا مستقیل‌لییینی قازاندی.

۲۰ ژانویه گونو آزربایجان‌لی‌لار اوچون هم حزون هم ده قورور گونو اولا‌راق هئچ بیر زامان اونودولمادی.

قارا یانوار فاجیعه سی ،اونولمادی-اونودولمایاجاق – اونوتدورولمایاجاق.

 

بیشتر بخوانید

وزیر امور خارجه آمریکا : رژیم ایران به بهانه مقابله با کرونا به دنبال لغو تحریم و پول نقد است!

اؤیرنجى : مایک پمپئو وزیر خارجه ایالات متحده می‌گوید رژیم جمهوری اسلامی به بهانه مقابله …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *