خبر فوری
خانه / آذربایجان / قوزئی آزربایجانین گونئی آزربایجانا ائتکی لری / اویغونلاشدیران : ا.دیلمانلی 

قوزئی آزربایجانین گونئی آزربایجانا ائتکی لری / اویغونلاشدیران : ا.دیلمانلی 

 

ایران جغرافیاسیندا ۱۹۴۵ دن سونرا گئنل آنلام دا سیاسی لر اوچه بؤلونموش و گونئی آزربایجان لی لاردا گئنل ایران سیاستی ایچینده اوچ آیری فیکیر آخیمینا گیرمیشلر ،
داها دوغروسو بو اوچ آخیمین قوروجوسو و یؤنه تی جی سی اولموشدولار.
۱٫ پان ایرانیست و فارس چیلار
۲٫ دینچی لر
۳٫ سولچولار

قوزئی آزربایجانین باغیمسیزلیق موجادیله سی (داها دوغروسو ۲۰ اوجاق اولایلاریندان باشلایاراق) گونئی آزربایجان سیاسی لری طرفیندن جیددی اولاراق ایزله نیلیردی.
دینچی گروه لار (شیعی ایسلام چیلار)، یعنی باشلاریندا موسلمان بیر توپلومون روس ایشغالیندان قورتولارکن ،باغیمسیز بیر دؤولت اولماسینی ایسته مک له برابر، سیاسی ندنلر و ایرانین گئنل ضیدییتیندن دولایی،آزربایجانین باغیمسیزلیغینی ایسته میردیلر.
آنجاق بعضی گونئی لی دینچی لر ،گئنه ده عینی سوی و دیلی پایلاشدیقلاری اوچون، یوللارینی فارس دینچی لردن آییرمایا باشلامیشدیلار.

سولچولار ایسه گؤزلرینین اؤنونده ییخیلماقدا اولان کعبه نی (موسکونو) گؤرمک له برابر، گئنه ده موسکونون ضعیف له مه سینی ایسته میردیلر.
نه وار کی روس اوردوسونون آزربایجان دا تؤرتدییی قتل عام، اونلاری حیرت ده قویموشدو.
بو ندنله گونئی لی سولچولارین بیر چوخو اومودسوزلاشیب ،سول ایدئولوژی دن واز کئچمه مک له بیرلیکده ،گونئی آزربایجان میللی حرکتینه قاتیلدیقلاری کیمی ،بعضی لری بوتونلوکله تورکچو اولدولار.

آنجاق پان ایرانیست فارس چیلار اوچون دوروم و شرط لر نه اولورسا اولسون، تورک دوشمن لییینه دوام ائتدیلر.

قوزئی آزربایجانین باغیمسیزلیغینین گونئی آزربایجان دا ائتکی لری :
ائلچی بی، باکی دا میللی آزادلیق حرکتینین اؤنجوسو و لیدئری اولاراق، گونئی حاققیندا دانیشیغی، جومهور باشقانی صوفتیله، تورکچولوک و بوتؤو آزربایجانچیلیق سؤیله می، گونئی ده کی اینسانلاری اولدوقجا ائتکی لمیشدی. بو دؤنم ده ،گونئی آزربایجان دا حرکته لیدئر لری ائدن محمود علی چهره گانلی ایله دوغرودان تلفن گؤروشمه سی ائدن ائلچی بی ،باکو دا کی میتینگ ده میللته سسله نه رک، چهره گانی ایله گؤروشدویونو و گونئی مساله سینی دانیشدیغینی آنلاتماسی،گونئی ده هیجان لا ایزلنمک ده و میللی حرکته آرتیق بیرله شیک آزربایجان اساسینا کؤکلنمک ده یدی.

۱. ائلچی بی یین اؤنه ریسی (کلاووزو) سایه سینده، گونئی لی لر ،محمد امین رسول‌زاده نی تانیدیلار.
۲. اؤزل لیک له ائلچی بی یین دوشونجه لرینین ایزینده ،گؤزلر تورکیه یه چئوریله رک ،آزربایجان جومهوریتی گونئی له تورکیه نی بیر-بیرینه تانیتدی و ائلچی بی بو قونودا کؤرپو رولو اوینادی.
۳. آزربایجان داکی ادبی و رسمی دیلین تورکجه اولماسینین آردیندان ،لاتین آلفابئسینین ایشله دیلمه سی ،گونئی لی لری لاتین آلفابئسیله تانیشدیردی و گونئی لی لر تورکیه نی کشف ائتدیلر.
۴. آزربایجانین باغیمسیزلیغی، گونئیه اؤزگوون قازاندیرمیش و گونئیه ده باغیمسیز یاشاما ایمکانینی گؤرستمیشدیر.

۵. آزربایجانین میللت – دؤولت ماهیتینده، یورد آنلاییشی اولاراق آلغیلانماسیندا ائتکیلی اولدو.
۶. باکی مطبوعات یایینی، ساده جه آراز بویو سینیر شهرلرینی دئییل ،بوتون آزربایجانی کولتوره ل اولاراق ائتکی له مه یه و مرکزدن قاچیشا مئییللی سوره جینی گوجلنمه سینه یول آچدی.
۷. ایرانین موداخیله جی و دو‌شمن جه توتومو (باخیشی) İİC ترکیبینده یابانجی لیق دویغوسو و مرکز دن قاچیشا مئییللی سوره جینه نه دن اولدو.
۸. یازی دیلینین رسمی لشمه سی ایله ،تورکجه نین ایشلوسللییی اوزره بیر شعور اولوشتو.
۹. ایران رئژیمین جه حافیضه لردن و تاریخ دن سیلینمه یه چالیشیلان پیشه وری و باشقا میللی اؤندرلرین خاطیره سی یوخ اولموش کن، ائلچی بی بیر اولوسال لیدئر اؤزه للییی ایله میللی روحون یوکسه لیشینده کاتالیزور رولو اوینامیشدی.

۱۰. دئموکراتیک یؤنه تیم مدلی اولاراق، شرق ده باغیمسیز و دئموکرات بیر یورد قورولوشو اوچون، اؤزه ل بیر اوتوپیا(ایدئال توپلوم) اؤرنه یی بلیرتدی.
۱۱. داها باتی یا دوغرو بئیین گؤچو یولو تام آچیلمامیش کن، ایلک سیاسی گؤچ لره باکو طرفیندن قوجاق آچیلمیش و یورد ایچینده مومکون اولمایان ایلک اؤرگوتلنمه لر اولوشمایا باشلادی.
۱۲. آز دا اولسا گونئی لی لره ،قوزئی ده اؤز دیلینده ائییتیم ایمکانی ساغلاندی.
۱۳. اولوسال تاریخ، اولوسال موجادیله و تورکچولوک ایدئولوژی سی قونوسوندا تئوریک بوشلوقلار، بؤیوک اؤلچوده ثابت اولدو.

۱۴. قزئته یایین ایمکانیندان بؤیوک اؤلچوده یوخسول اولان گونئیه ،تورکجه اثرلر گیرمه یه باشلادی.
اؤزه للیکله دیل و تاریخ قونوسوندا بؤیوک بیر متن بوشلوغو اورتادان گؤتورولدو.
۱۵. میدان حرکتینین دوغودا (شرق) ایلک اؤرنه یی اولاراق ،میللتین توپلو شکیل ده توتالیتر سیستئم ده سیویل (مدنی) دیره نیش یولویلا حاقلارینی دیللندیرمه سی فیکری یاییلدی و باغیمسیز بیر حرکت اولاراق، ۱۹۹۹ دان سونرا یوزمینلرجه اینسان ،بابک قالاسی قورولتای لاری شکلین ده گلیشه رک ، ۲۰۰۰ لی ایللرده میدان حرکت لرینه- اؤزه للیکله ۲۰۰۶ (۱۳۸۵) داکی کاریکاتور اولایینداکی قالابالیق میتینگ لره یول آچمیش اولدو.

۱۶. مدرنیست آنلاییشین گلیشمه سی و چاغداش اویقارلیغا (معاصر تمدن) قاووشابیلمه اولکوسو (ایدآل) و ایراده سی یاراندی.
۱۷. اؤزللیکله قادین لارین اؤزگورلویو و کولتوره ل اولایلارین قونوسوندا ،سکولار آنلاییشی داها دا گوجلندی.
۱۸. ۹۰ لی ایللرده(۱۳۶۹ – ۱۳۷۰)، گونئی حرکتی مونزوی دوروم دا ایکن ،قوزئی قزئته لرینده تورک مساله سینین دیللندیریلمه سی بؤیوک بیر روحیه یاراتدی.
۱۹. سؤز خزینه سی اولاراق چوخ اولماسا دا ،گراماتیک اولاراق، اورتاق یازی دیلینین یایغینلاشماسیندا قایناق اولدو.
داها سونرا تورکیه قزئته لرینین ده گوجلنمه سیله ،سؤز خزینه سی اولاراق, آراشدیرما آخیمی گوجلندی.
۲۰. سون یوز ایل ایچینده ،ایران رئژیمینه گؤره، گونئی آزربایجان دان قوپاریلان ان گونئی بؤلگه لرده – ده، آزربایجانلی لیق یورد بیلینجی جانلانمایا باشلادی. بو ائتکی ،همدان و تهران یاخینلارینا قدر سوردو.

دیره نیشدن باغیمسیزلیغا، ائلچی بی» کیتابیندان ؛ یازار: عاقیل صمد بیلی

 

بیشتر بخوانید

بیکاری ، فقر و خودکشی ؛ چهره ای که حاکمان جغرافیای ایران نام کنونی ترسیم نموده اند!

آمار دقیقی از جمعیت زیر خط فقر ایران ارائه نمی‌شود. نهادهای دولتی همچنان بر نرخ …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *