خانه / آذربایجان / ملت، وطن، کیملیک و شرف اوغروندا مبارزه داوام ائدیر! / اکبر آزاد

ملت، وطن، کیملیک و شرف اوغروندا مبارزه داوام ائدیر! / اکبر آزاد

ملتیمیز، وطنیمیز؛ کیملیگیمیز، و شرف اوغروندا مبارزه ائدن بیر ملی-مدنی چالیشقان دایاندیریلسا؛ چالیشقانلارین یوزو، مینی، مین بیری آیاغا قالخاجاق!

دایاندیریلمیش چالیشقانین یئرینی دولدوراجاق و مبارزه داوام ائده جک !!!

بو گون آذربایجان تورک ملتی اؤزونه دوشونور!
بو ملتی دایاندیرماق و سوسدورماق داها ممکن دئییل!
بو ملت اؤز مبارز قیزلارینی و دؤیوشکن اوغوللارینی اونودمایاجاق ! تک قویمایاجاق!

آذربایجان تورک ملتی نین ملی – مدنی مبارزی عباس بی لسانی ایندییه قدر دفعه لرله یاخالاییب و حاق سیز یئره اوزون مدتلی حبسه و زیندانا محکوم ائدیلمیشدیلر!

بو دؤنه جزالار داها شدتلی اولوبدور ! گئچن بیر ایل نئچه آی بویوندا اوچ مرحله ده یعنی بدوی، تجدیدنظر و عالی محکمه لرین واسطه سیله ۱۵ ایل حبسه محکوم ائدیلمیشدیر!

بئله بیر آغیر و حق سیز حکم و جزالاندیرمادان مقصد اودور کی، عباس بی لسانی نین حق سسینی سوسدورسونلار؛ مبارزه سینی دایاندیرسینلار !

آنجاق عباس بی نه سوساجاق نه ده دایاناجاق بلکه آؤز حق مبارزه سینه داوام ائتدیره جک! چونکو عباس بی ائنئرژی سینی، گوجونو آذربایجان تورک ملتیندن آلیر! بو ملته گووه نیر!

یوخاریدا اشاره ائتدیگیم کیمی :
بو گون آذربایجان تورک ملتی اؤزونه دوشونور!
بو ملتی دایاندیرماق و سوسدورماق داها ممکن دئییل!

عباس بی تجدید نظر محکمه سینده بئله بیر سؤز دئمیشدیر:
«محکمه نین حکمو هرنه اولور، اولسون!

حتی ابد(عؤمورسوره) حبس ویا اعدام اولور اولسون!

ذره جه گئری اوتورمایاجام؛

حق یولدا، ملت یولوندا و وطن یولوندا سونا قدر مبارزه ائده جگم !» (نقل مضمونجا دیر)

بو اراده آذربایجان تورک ملتی نین کولتور، عنعنه و روحیّاتیندان قایناقلانیر، سو ایچیر!
و من یقین ائدیرم مبارزه سونا قدر داوام ائده جک.

بیشتر بخوانید

بهنام شیخی و حمید منافی ؛ تمدید مرخصی دو فعال ملی آزربایجانی محبوس در اوین

اؤیرنجى : بنا بر اطلاع منابع آگاه در حرکت ملی آزربایجان جنوبی مرخصیِ بهنام شیخی …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *