خانه / اخبار / میصیرده نسیمى نین آزربایجان تورکجه سینده اولان الیازمالاری تاپیلدی 

میصیرده نسیمى نین آزربایجان تورکجه سینده اولان الیازمالاری تاپیلدی 

اؤیرنجى: میصیرین باشکندی قاهیره‌ده یئرلشن “میصیر کیتابلار ائوی”-نده (دار الکتب المصریه) آزربایجانین داهی شاعیری و دوشونورو عمادالدین نسیمی نین الیازمالاری اورتایا چیخاریلیب.

الیازمالار “وطنپرور” – آزربایجانین میصیرده دیاسپور تشکیلاتلاری بیرلیگی نین باشقانی، آراشدیرماجی-عالیم سئیمور نصیرووون آپاردیغی آراشدیرمالار اساسیندا اوزه چیخیب.آراشدیرماجی الیازمالارین آزربایجان تورکجه سینده اولدوغونو بیلدیریب.

آزربایجان تورکجه سینده اولان الیازمانین اوزرینده “نسیمی کولّیاتی” یازیلیب. بو کولّیات شعر و نثردن عیبارتدیر.

شعرلرین چوخو روباعی و مثنوی اوسلوبوندادیر. آراسیندا غزل ده وار. نثرلر ایسه، اساسن، اؤیود-نصیحت و پئیغمبرین اهلی بئیتیندن بحث ائدیر.

س.نصیرووون ان چوخ دیقّتینی چکن ایسه عرب الیفباسی نین سیراسینا اویغون اولاراق، آیری-آیری سونو عئینی حرفله بیتن شعرلرین اولماسی اولوب.

الیازما ۲۵۴ ورقدن عیبارتدیر. کیچیک حرفلرله نستعلیق خطی ایله یازیلیب. هیجری تاریخی ایله ۹۴۱-جی ایلده (میلادی ۱۵۳۵-جی ایل)، پیر احمد ایسکندر اوغلو طرفیندن یازیلیبدیر.

فارس دیلینده اولان الیازما ایسه نیسبتاً کیچیک حجمده‌دیر و ساده‌جه، شعرلردن عیبارتدیر. آدی “دیوان نسیمی”دیر. شیکسته خطینه بنزه‌ین نستعلیق خطی ایله یازیلیب. الیازمانین ورقلری نین ائنی ۱۱ س‌م، اوزونلوغو ۱۶ س‌م و سایی ۸۶-دیر.

سئیمور نصیروو ۲۰ ایلدن چوخدور کی، عرب منبعلرینده آزربایجانلا باغلی تدقیقاتلار آپاریر، ۲۵۰-دن چوخ آذربایجانلی عالیم حاقیندا ایکی کیتابین، میصیرله آزربایجان آراسیندا تاریخی و مدنی علاقه‌لرله باغلی اونلارلا مقاله‌نین مؤلیفیدیر. قئید ائدک کی، “میصیر کیتابلار ائوی” (دار الکتب مصریه) دونیانین ان مشهور کیتابخانالاریندان بیریدیر.

 

بیشتر بخوانید

آرژانتین ، حزب الله را گروه تروریستی شناخت

اؤیرنجى: آرژانتین حزب‌الله لبنان را در لیست گروه‌های تروریستی قرار داد. به گفته دولت آرژانتین …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *