خانه / آذربایجان / میللی ساواشیمیز توتساقلاردان دوام ائدیر ؛ ۱۹ اردیبهشت “گونئی آزربایجان اؤیرنجی گونو ” قوتلو اولسون

میللی ساواشیمیز توتساقلاردان دوام ائدیر ؛ ۱۹ اردیبهشت “گونئی آزربایجان اؤیرنجی گونو ” قوتلو اولسون

۱۳۷۴.جی ایلین اردیبهشت آیینین ۱۹.جو گونونده، ایران ایسلام جومهوریتی آدینا شوونیستی دوشونجه لری یایغینلاشدیران صدا و سیما نین آراشدیرما مرکزینین سورغولاما فرملاریندا ،تورک لره آپاریلان حقارته دایانا بیلمه یه ن گونئی آزربایجان اؤیرنجى لرى ،اعتراضى بیلدیریشلر یاییملایاراق پروتئستولارا و سلوقانلارا باشلامیشدیرلار.

گونئی آزربایجان اؤیرنجى لری او ظولوم گونلرینده،شوونیزمین باسقیلاری آلتیندا اولاراق ایشغالدا اولان وطنیمیز آزربایجانین حاق سسی اولوب بو سسی بوتون دونیایا چاتدیرماغا باغیردیلار.

او گون اؤیرنجی هارای هارای من تورکم شوعارلارین باغیراراق بوگونکو اؤیرنجی یه میللیتچیلیی و وطنیمیزین حاق سسی اولماغی میراث قویموشدور.

نئچه -نئچه وطنیمیزین ایگیدلری کی او پروتئستولاردا قوربان گئتمه دیلر، نئجه ایگیدلر کی دوستاقلانمادیلار، نئجه دوشونورلر کی آردیجا تحصیل آلماق ایمکانلاری بئله اللریندن آلینمادی و سونرالار اولدوزلو اؤیرنجی آدلاناراق داها هئچ بیر زامان تحصیل آلماقلا مشغول اولا بیلمه دیلر.

اوگون ایگید اؤیرنجیلریمیز بو حاق یولدا قوربان گئتمه سه یدیلر، بوگون آزربایجان میللی حرکتی بیلیم یوردلاریمیزدا بیرینجی سیاسی جریان اولاراق تانینمازدیر.
گونئی آزربایجان اؤیرنجی حرکتی ائله بو باشلانیشلا ،ایللر بویو سس سیزلیک دن سونرا یئنی دن ساواش آلانینا آیاق باسمیشدیر و تاریخیمیزین پارلاق صحیفه لرینده یئنی یازیلار پایلاشمیشدیر.

بوگون ایشغالچی فارس شوونیزمینین دورومونون آغیر اولماسی و اصلینده ایرانین سون نفس چیرپینتیلاریندا، گونئی آزربایجان اؤیرنجی سی داهادا آییق اولاراق میللی یولدا یورومه یه و آزربایجان میللی حرکتی ایله بیرگه میللی حاقلاریمیزین الده ائتمه سینه چالیشیر ،چالیشماقدادیر و چالیشاجاقدیر.

فارس شوونیزمی نه قده ر ده سیخینتیلار و باسقیلار آلتیندا اولسادا، ائله او قده ر ده ییرتیجی دیشلریله وطنیمیزه تاماهلیدیر و باشاردیقجادا سون ضربه لرینی وورماغا چالیشاجاقدیر.
دوشمنیمیزین دیشلری نه قده ر ایتی اولسا دا گونئی آزربایجان اؤیرنجى سینین آییقلیغی اونون بیره ر بیره ر دیشلرینین آغرینتیسینا سبب اولوب و او تاماه دیشلرینی دیبدن چکیب آتاجاقدیر.

بونا اؤرنه ک اولان فارس شوونیزمینین توتساقلاریندا توتوقلو ساخلانان میللی _سیاسی اؤیرنجی لریمیزدیرلر. بو ایل فارس راسیزمی سیامک میرزائی لر ،ابراهیم نوری لر ،کیانوش اصلانی و … کیمی اؤیرنجی لری بیلیم یوردلاردان اوزاقلاردا ائوین توتساغی و اونا بنزه ر زیندانلاردا توتوقلاسادا ؛ گونئی آزربایجان میللی حرکتی و گنج قولو اولان اؤیرنجى حرکتی نین سسینی باتدیرا بیلمه میشدیر. ایگیدلریمیز توتساقدا اولدوقلاری و فارس شوونیزمی قوندارما محکمه لری وریندن آرتیق جزالاندیرمالاریندان قوخمایاراق، توتساقلاریدا موباریزه و میللی حاقلاریمیزی ساوونما آلانینا چئویرمیشلر.

هر بیر آی ایچینده توتساقدا اولان اؤیرنجی لریمیزدن یئنی یازیلار و یئنی سسلر شوونیزمین توتساق قالالارینی سیلکه له ییر، ایگیدلریمیز میللتیمیزی ساووناراق، اؤزلرینیدن سونرا توتساقلانان بوتون اینسانلاریندا حاقلارینی ساوونماغى یاخشی بیلیر و اونلارا بیر سندیکا آچماق طلبیده ده بولونموشلار.
آزربایجانلی بیر میللی _سیاسی موباریز و اؤزللیکله گنج اؤیرنجی لر هر هاردا اولورلارسادا ساواشیمیزین آردینی اورادان دوام ائتدیره جک دیرلر.

گونئی آزربایجان اؤیرنجی حرکتی ،”اؤیرنجى گونو”نو قوتلایاراق ،بوتون وطنیمیزین ایگید و آیدین اؤیرنجی لرینه قوتلو اولسون دئیه رک، بیز داهادا میللتیمیزین و وطنیمیزین حاقلاری اوغروندا اوسانمادان و دیم -دیک ،شوونیزمین و فاشیزمین ایشغال دیرناقلارینی وطنیمیزدن اوزه نه دک موباریزه میزه دوام ائتدیره جک دیر.

“گونئی آزربایجان اؤیرنجی حرکتی ”

بیشتر بخوانید

۸۰ درصد پذیرفته شدگان کنکور از ۶ استان!

اؤیرنجى: تنها پنج تا شش استان ۸۰ درصد قبولی‌های کنکور ۹۸ را به خود اختصاص …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *