چهارشنبه - ۲۸ آذر ۱۳۹۷
خانه / آذربایجان / میللی قهرمانلاریمیزین گؤزه آلدیقلاری بیر اؤلوم واردیر کی مین قارا_قورخویا بدل دیر / سئودا بایرامی

میللی قهرمانلاریمیزین گؤزه آلدیقلاری بیر اؤلوم واردیر کی مین قارا_قورخویا بدل دیر / سئودا بایرامی

 

بیر چوخ یئرله ر دوغال گؤزل لیک و یا سون درجه ده لوکس و مدرن اولدوقلاری اوچون اینسانلاری اؤزلرینه چکه رلر ،آنجاق بعضی یئرلرین هر ایل اینسانلاری اؤزلرینه چکمه لری اوچون دوغال گؤزل لیه و یا مدرن و لوکسلوغا احتیاجلاری یوخدور ،اونلار میلیونلارجا اینسانی تکجه سوندوقلاری معنویاتلا اؤزلرینه چکه بیلرلر.

تاریخ بویو فرقلی اینانجلارین ،فرقلی اؤلکه لرده و میللت لرده چئشیدلی قوتسالیغی اولان بیر چوخ یئرلر اولوب ،بو یئرلر اینسانلار طرفیندن تاپینیلان و یولوندا جان وئره جک قدر سئویله ن دوخونولماز، قارشی چیخیلماز اوزرینده حساس اولونان، تانری سال بیر یئرلردیر.

اؤرنه ک اوچون بعضی یئرلر دینی ائتکینلیک لر آچیسیندان اؤنملی یئرلر اولوبلار ؛اینسانلارین ایناندیغی و حتی تاپیندیغی دینی قوتسالیغی اولان بو یئرلر اینسانلاردا اولان بنزرسیز معنوی حیس لری جوشدورار و حضور وئره ر .
اینسانلار بئله بیر یئرلره سئوگی و سایغی دویارلار.
بونا بنزه یه ن بیر یئرلرده وار کی میللی قوتسالیقی وار اینسانلارین ایچینده میللت سئورلیک و وطن پرستلیک کیمی میللی حیس لری جوشدورار.
اینسانلار بو یئرلره سونسوز محبت و سایغی دویوب اوغروندا دستانلار و شعرلر یازیب ،وارلیقلاری اوچون غرورلانارلار.

بئله کی بو یئرلره اولان سایغی سیزلیق، اونو مقدس سایان اینسانلارا اولان سایغیسیزلیق میش کیمی آلغیلانار.
بو سایغی سیزلیق اینسانلارین غضبین اویاندیریب چئشیدلی اعتراض لارا و شیدت لره یول آچار.

بو دئدیکلریمه ،گونئی آزربایجان تورکلرینین آراسیندا میللی روحلو دوغولوب بؤیودوکلری یا قهرمانلیق ائتدیکلری آتا بابک کیمی آزربایجان تورکلرینه بیر پیغمبر کیمی ساییلان قهرمانین بذ قالاسی و کاظیم خان قوشچولو کیمی وطنیمیزه تاماه گؤزو اولانین گؤزونده بیر تیکان اولان کاظیم خان قالاسی کیمی و …میللی وارلیق ساییلان یئرلردن آد آپارماق اولار.

آتا بابکین قالاسی گونئی آزربایجان تورکلرینین کئچمیشینده دیرنیش قالاسی اولموشدور و ایندی ایسه ده فارس شوونیزمی و راسیزمینه قارشی اولان یئنیلمه زلیک، میللت سئورلیک و وطن سئورلیک سمبولودور .

میلتیمیز هر ایل میللی قهرمان ،آتامیز بابک خرمدینین دوغولدوغو گونو میللی قوتساللیغی اولان بو یئره توپلانیب، آزربایجانیمیزین و میللتیمیزین اؤزگورلویو اوغروندا، قدار فارس شوونیزمینه قارشی سلوقانلار سسلندیریب، اولکه ده اولان_ بیته ن بوتون آیری سئچگیلیکلره یوخ دئیه رک حاقلاری اولان و بوگونه کیمی قیسیتلانمیش و تاپدالانمیش بوتون میللی وارلیقلاریمیزین و اینسانی حاقلاریمیزین اوغروندا مدنی موباریزه آپاریب و آزربایجان تورک میللتینین موباریزه بایراغینی دالغالاندیریرلار.

بو ایل ۱۳۹۷ جی ایل تیر آینین ۱۴_۱۵ی بابک خرمدینین دوغوم گونو بهانه سی ایله میللی فعال لارین بابک قالاسیندا پیلانلادیقلاری میتینگ ، کنسرت، رقص و…کیمی چئشیدلی میللی پروقراملار، فارس شوونیزمی طرفیندن گونلر اؤنجه میللی فعال لارا آپاردیقلاری چئشیدلی باسقی لار، تهدید لر ، توتوقلامالارلا قیسیتلانیب قارا قورخو گلینسه ده ،میلتیمیز بو قورخویا اوستون گله رک جانینی و اؤزگورلویونو ،میللتیمیز و وطنیمیز آزربایجانین اؤزگورلویو اوغروندا اورتایا قویوب و یوللاردا سد کیمی قورولان آلچاق حاکیمیتین چوماقلاری اولان مامورلاری اومورسامادان، اؤزلرینی ایسه جانلاری باهاسینا میللی قوتساللیغی اولان بابک قالاسینا چاتدیریب اوردا قالایا دوغرو یورویوش باشلاداراق(تورک دیلینده مدرسه اولمالیدیر هرکسه، تبریز باکی آنکارا بیز هارا فارس لار هارا، بو توپراقدان پای اولماز حیران گیلانین اولماز، سن چاغیرسان گله رم من سن یاشا آزربایجان ،
آزربایجان وار اولسون ایسته مه ین کور اولسون ،آزربایجان بیر اولسون مرکزی تبریز اولسون، آزربایجان میلتی چکنمه ز بو ذیللتی) سلوقانلارینی وئریب، حاقلارینی ایسته ییب و شوونیستی فارس حاکیمیتینه اولان اعتراض لارینی گؤستردیلر.

بابک قالاسیندا حاق دئیه باغیران قهرمان ایگیدلریمیزین سسی، تورک وارلیغینین، اؤزگورلویون ،دئموکراسی نین ،حاققین و عدالتین سسینه دایانا بیلمه ین فارس حاکیمیتین مانقورت مامورلاری طرفیندن هرنه قدر چئشیدلی باسقیلارلا سوسدورولمایا چالیشیلسادا بو سس وطن بویو جالاناراق سینیرلاری آشیب حاکمیتین بیرداها سرطان توتموش گؤودسینه قورخو سالدی .

بابک قالاسیندا فیزیکی شیدته معروض قالمیش و یا اؤزگورلویو الیندن آلینمیش هر بیر قهرمانیمیزین ایناندیغی بیر شی واردیر.
اودا میللی قوتساللیغی اولان هر نه اوچون ؛ ایسته ر میللت ،ایسته ر وطن ،ایسته ر کیتاب ،ایسته ر بایراق … اوچون، وئریله جک بیر جان بورجوموز اولدوغودور.
بونا گوره میللی قوتساللیغا اینانمیش شهید روحلو اینسانلاری تاپدالانماقدان ،توتوقلانماقدان و…دن قورخوتماق اولماز .

بو اینسانلارین گؤزه آلدیقلاری بیر اؤلوم وارکی مین قارا قورخویا بدل دیر، بونون گؤسترگه سی گونئی آزربایجان میللی فعال لارینین ایللردیر میللتیمیز و وطنیمیز اوغروندا فارس شوونیزمینین بوتون تهدیدلرینه و توتوقلاییب تاپدالاماقلارینا باخمایاراق، هر نه یی گؤزه آلاراق آتامیز بابکین قالاسینا توپلانیب میللتیمیزین حاق سسینی دونیایا چاتدیرماقلاریدیر.

بیشتر بخوانید

۲۷ آذر ؛ یکصدمین سالگرد جنگ بزرگ لکستان و مقاومت قهرمانانه مردم سلماس/ دکتر توحید ملک زاده

  از اوایل سال ۱۲۹۸ شمسی اکراد سیمیتقو حملات خود را شدت بخشیده و راه …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *