خانه / بیانیه / میللی وارلیغیمیز اولان جومهوریتیمیزه ، اهانت ائدنلر اوتانسینلار!

میللی وارلیغیمیز اولان جومهوریتیمیزه ، اهانت ائدنلر اوتانسینلار!

نئچه گون اؤنجه ۲۰۱۸ ایلینین مای آیینین ۲۸ جی گونو آزربایجان جومهوریتینین قورولوشونون ۱۰۰ اونجو ایل دؤنومویدور.

نئجه غرور وئریجی بیر گون و گرچک دن ده بیز آزربایجان تورکلرینه بیر فخر و غرور قایناغی ساییلان شرق دونیاسینین داهی شخصیتلریندن اولان رحمتلیک اولو اؤندریمیز محمد امین بی رسول‌زاده نین باشچیلیغیلا تورک دونیاسی و اورتادوغودا قورولان تاریخین گؤره جه یی ایلک دئموکراتیک جمهوریتینین بانیسی بیز آزربایجان تورکلری اولموشدوق .

بو شن گونلری کئچیرمه نین ذؤوقونو یاشاماقدا دونیانین نئچه بوجاغیندا ، سویداشلاریمیزین ایشتیراکی و آزربایجان سفیرلیک لرینین قرارلاریلا نئچه گؤزل شنلیک لر قورولدو و بو شؤله ن لرین بیریسی ایسه ده آزربایجان جومهوریتی آمئریکا سفیرلیی باشچیلیغیلا واشنگتن دا قورولموشدور، ده یرلی و اؤلکه لرینی تمثیل ائده ن باشقا _باشقا اؤلکه لرین تمثیل چی لری بو گؤزل جومهوریت گونوموزه دؤولتلرینین تبریک مئساژینی دا بیز آزربایجانلیلارا چاتدیرماق اوچون بو شؤله نه قاتیلمیشدیلار.

گونئی آزربایجانی تمثیل ائده ن و گونئیلی لرین باشینی اوجالدان نئچه ده یرلی فیکیرداشیمیزین دا بو شؤله نه چاغریلماسی غرور وئریجیدیر.

آنجاق بو شنلییمیزی و بو میللی بایرامیمیزی غرورلا کئچیرمه یه و گونئی آزربایجانلی آکتیویستلرین ده بو شؤله ن ده اولدوقلارینا دایانا بیلمه ین گؤزو دارلار و بعضی زامانلار بیریلری بیله رک و بیریلری ایسه بیلمه یه رک ایران امنیتی گوجلری طرفیندن یؤنه دیلره ک بو شؤله نی حاشیه یه آپاریب ؛آجیلیقلار و یئنی تخریبلرینی پلانلایاراق آغزیلاریندان چیخان چیرکین سؤزلرله میللی غروروموزو آیاقلاری آلتینا آلیب ازمه یه چالیشیرلار.

آنجاق ائله بو دفعه ده تشکیلاتلارین بیرینین وریندن اؤزونو میللی حرکتین اؤیرنجی! قولو سایماقدا اولان سیته دن یاییملانان چیرکین بیر یازیدا ، و جومهوریتیمیزین ۱۰۰ اونجو ایل دؤنومونو و بو جومهوریتین یارانیشیندا نئجه قانلارین تؤکولمه سی ، دؤولت_میللت غروروموزو، شانلی بایراق غروروموزو و بونلارلا بیرگه بوتون میللی وارلیقلاریمیزا اهانت ده بولونوب جومهوریت گونوموزو «شراب دانسی! » آدلاندیرماق ،آزربایجان تورک میللتینه چیرکین بیر حاقسیزلیقدیر،هاردا قالسین کی بو حاقسیزلیق، آزربایجان اؤیرنجی سی آدینا سسلندیریلسین.

“گونئی آزربایجان اؤیرنجی حرکتی ” اولاراق بیزده میللتیمیزین قانینی تؤکه ن و آزربایجانی سؤمورگه حالینا گتیره ن پهلوی لردن نیفرتیمیزی بیلدیریریک و پهلوی آدینا و قانینی داشیان رضا پهلوی نی آزربایجان جومهوریت شؤله نینه چاغیرماق بیزی ده اوزوجو حالا گتیرمیش دیر .
آنجاق بیزه دوشن اؤز اعتراضیمیزی و سسیمیزی اخلاق سینیرلارینی آشمایاراق، آزربایجان خارجی ایشلر ناظیرلیینه چاتدیرماقدیر.

اما بو اولایی بهانه ائدیب ،اؤز شخصی کین لرینی و اینتیقاملارینی میللی حرکتین بو مراسیمده ایشتیراک ائده ن ده یرلی منسوبلاریندان آلماق نییتی ایله ،میللی وارلیقلاریمیزلا آلای ائدیب و جومهوریت گونوموزو شراب دانسی آدلاندیرماق گونئی آزربایجان اؤیرنجی سی گؤزونده باغیشلانیلمازدیر.

بو چیرکین یازینی یازیب و پایلاشانلار میللتیمیزین کؤنلونده یئرآچا بیلسینلر و بو اهانتدن آرینسینلار دئیه ،بو یازینین سیته لریندن یانلیش اولاراق یازیلدیغینی بیلدیریب عوذر ایسته یه رک میللتیمیزین باغرینا و باغیشینا سیغینسینلار.

بیشتر بخوانید

سعید زینالی ؛ دانشجوی تورک از زمان اعتراضات ۱۳۷۸ کوی دانشگاه تاکنون توسط نیروهای امنیتی شوونیسم فارس ربوده و مفقود شده است !

اؤیرنجى : سعید زینالی (متولد ۳۱ شهریور ۱۳۵۵) دانشجوی تورک می باشد که در جریان اعتراضات دانشجویی …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *