خانه / اخبار / پروفسور دؤحتور جاواد هئیت / شروین صباغ

پروفسور دؤحتور جاواد هئیت / شروین صباغ

 

بو گون، مئی آیی‌نین ۲۴-جی گونو، بو توپراق‌لارین یئتیشتیریب و اؤزونه بؤیوک خیدمتلر ائتمه‌سی ایله اؤووندویو آدلاردان بیری، پروفسور دؤحتور جاواد هئیتین دوغوم گونودور.

(دؤحتور جاواد هئیت، ۱۹۲۵-جی ایل‌ده تبریزده دونیایا گلمیش و ۲۰۱۴-جی ایل‌ده باکو دا دونیاسینی دییشمیشدیر)

دؤحتور جاواد هئیت بیر یاندان دوکتورلوک واسیطه‌سی ایله میللتی‌نین فیزیکی راحاتسیزلیق‌لارینی گئدرمه‌یه چالیشاراق، بیر طرف‌دن‌ده قلمی‌ایله میلّی و معنوی مساله‌لرین چؤزولمه‌سینه چابالامیشدیر.

ایرمی مین‌دن چوخ باشاریلی جراحلیغا ایمضا آتان دؤحتور هئیت، بیرینجی باغلی و آچیخ قلب جراحلیق‌لارینی هابئله چوخلو بیرینجی جراحلیق‌لاری، ایران دا گرچکلشدیرمیشدیر. تِهران دا “هیدایت” خسته‌خاناسی و “عادلیه” خسته‌خاناسینین جراحلیق کلینیک‌لرینی قوروب، سونرا ایسه “جاوید” آدلی خسته‌خانا‌نی قوروب، اؤزل جراحلیق‌لارینی اوردا گرچک‌لشدیرمیشدیر. اون‌ایکی ایل بویونجا “دانش پزشکی” آدلی درگی‌سینی یاییملامیشدیر. دؤحتور هئیتین طب قونوسون‌دا یایینلانمیش اوچ کیتابی و آلتمیش‌دان چوخ مقاله‌سی بولونماقدادیر.

دؤحتور هئیتین ایران تورکلوغو آچیسین‌دان تورک دیلی و ادبیاتی، تاریخ و فولکلورو حاقین‌دا چالیشمالار آپاریبدیر و بیر چوخ مقاله‌سی یاییلیبدیر. دؤحتور هئیت “آزربایجان تورک دیلی‌نین آدی و یئری” آدلی مقاله‌سین‌ده، آزربایجان خالقینی و وارلیغینی اینکار ائتمک، آدی و سینیرلارینی یوخ سایماق، قوندارما قایناقلارا باش ویرانلارا، دونیانین اونلو عالیم‌لرین‌دن اَلده ائتدیغی ندن‌لرله جواب وئریب. اونون اَن اؤنملی اثرلرین‌دن بیری اولان “وارلیق” درگی‌سیدیر کی ایران تورک‌لرینین کولتورل-سوسیال اویانیشی آدینا ۱۹۷۹-جی ایل‌ده یاییلماغا باشلامیشدیر. دؤحتور هئیت فولکورول اثرلیندن‌ده “خلق ادبیاتی” آدلی کیتابی‌نا ایشاره ائتمک اولار کی باکو دا یایینلانمیشدیر.

📚 Qaynaq:
۱) Esra kürüm, Prof. Dr. Cevat Heyet’in ‘Varlık’ını Adadığı Azerbaycan ve Türk Milliyetçiliği, Iğd Üniv Sos Bil Der / Igd Univ Jour Soc Sci Sayı / No. 15, Temmuz / July 2018 Makale / Article: 171-187

۲) خاطرات من و پدرم, دکتر جواد هئیت, ۱۳۹۵

بیشتر بخوانید

آمریکا کارزار «فشار حداکثری» بر رژیم ایران را دو برابر می کند!

اؤیرنجى : برایان هوک، نماینده ویژه آمریکا برای ایران، گفت، «سیاست ما تمدید تحریم تسلیحاتی …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *