خانه / مقاله / کیتاب تانیتیمی ؛ ائریک فرومون “سئومه ک صنعتی” آدلی کیتابی 

کیتاب تانیتیمی ؛ ائریک فرومون “سئومه ک صنعتی” آدلی کیتابی 

ائریک فروم سئومه ک صنعتی(هنر عشق ورزیدن) آدلی کیتابینی ۱۹۵۶_جی ایلده قلمه آلمیشدیر. بو کیتاب ۴ بؤلومدن عبارتدیر:

۱_جی بؤلوم: سئومک بیر صنعت‌دیر می؟
۲_جی بؤلوم: سئوگی نظریه‌سی
۳_جو بؤلوم: سئوگی و چاغداش غرب توپلوموندا سئوگی‌نین یوْزلاشدیریلماسی
۴_جو بؤلوم: سئوگی‌نین اویغولانماسی

فروم’ون فیکرینجه سئوگی ده یاشاماق کیمی بیر صنعت‌دیر. بونونلا دا موسیقی، نقاشی و باشقا صنعت‌لر کیمی سئوگینی ده چالیشیب اؤیرنمه‌ییمیز گرکیر. البته چوخلاری سئوگی‌یه اؤنم وئرمه‌لرینه رغمن سئوگی‌نین اؤیره‌نیله‌جک بیر شئی اولدوغونو دوشونه بیلمیرلر.

یازار سئوگی قورامی بؤلومونده سئوگی‌نین نه اولدوغونا و سئومه‌نین دوغاسینا تاریخ بویونجا نئجه گلیشیم گؤستردییینه ده توخونور. بونا گؤره ده کیتابین ان اؤنملی قیسیمی سون بؤلومو یانی “سئوگی‌نین اویغولانماسی”‌دیر.

فروم دئییر: «اینسانلار یئتکینلشمه‌یینجه هئچ بئله سئوگی یاشایا بیلمزلر، بلکه قوردوقلاری هر بیر دویغوسال ایلیشکی‌ده یالنیز اؤز بوشلوقلارینی دولدورماغا چالیشاجاق‌لار. بوشلوقلارینی دولدورماغا چالیشانلار دایما بو ایلگی‌دن او ایلگی‌یه سورونه‌جکلر. نهایت بئله رابطه‌لرده هر ایکی طرفه بول_بول تحقیر و توهین‌لر اولوب، همی ده شخصیت‌لری ایسه ازیلیب داغیلاجاق‌دیر. رابطه‌لر‌ده اینسانلاری اولدوقلاری کیمی قبوللانمالیییق، یوخسا هئچ زامان بیر_بیریمیزی باشا دوشمه‌یه‌جه‌ییک.»

 

بیشتر بخوانید

بالیق‌لار چؤندو بایرام اولدو! ایل باشا چاتیب، دؤندو، تزه‌لندی! / علیرضا فرشی

  ایلین فصیل‌لری ایله ایلیشگیلی اولان میفیک (اوسطوره‌لی) وارلیق‌لار اینسانین «دوغا» (طبیعت) ایله ایلیشگی‌سین‌دن یارانیب‌لار. …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *