پنج شنبه - ۱۵ خرداد ۱۳۹۹
خانه / مقاله / کیتاب تانیتیمی ؛ قصر رومانی ،فرانتس کافکا

کیتاب تانیتیمی ؛ قصر رومانی ،فرانتس کافکا

قصر رومانی، بیر انسانین یئر اوزونده آوارالیق و بلیرسیزلیگینین تراژیک گؤسترگه سی دیر. یئر اؤلچن، اؤلومسوزلوک و حقیقت آختاران، آیدین دوشونجه لی بیر کیمسه، قصرایسه گؤیلرده یئرله‌شن (الله مکانی کیمی) قوتسال و ال چاتمایان بیر یئر و اونون ایشچی‌لری بوتون انسانلارین حقیقتینی بیلن و آلچاق گله‌جه‌گینی تعیین ائدن کیمسه‌لردیدرلر (گؤیلردن یئره ائنمیش ملک‌لر کیمی!). کند اهالی سی‌ده، چوروموش دوشونجه‌لره اویموش و دییشیک‌لیگه قارشی، قول اولموش انسانلاردیرلار.

یئر اؤلچن کنده ایش اوچون چاغیریلیر. آدیندان بللی اولدوغو کیمی او یئر اؤلچوب یئنی بیر بنا قورماق ایشی‌ایله مشغولدور (بوردا یئنی دوشونجه قورماق آنلامیندادیر). آنجاق کنده گلدیگینده اونا هئچ بیر یئرده قالماغا ایذن وئریلمیر. قصرده بئله اونا بو امکانی وئریلمیر! اونو کندخدانین یانینا گؤندریرلر، آنجاق کندخدا دئییر کندده یئراؤلچنه احتیاج یوخدور. طبیعی کی یوخدور، نییه کی کند اهالی‌سی بو دوروما آلیشیب‌لار. اونلار خرافات هابئله سؤزسوز اطاعت‌له، قصرایله یاخشی مناسبت‌لری واردیر و بونو پوزماق ایسته‌میرلر. آنجاق بو یئراؤلچنی راضی سالمیر، کند اهالی سینین نفرتینه باخمایاراق حقیقتی قصردن (یعنی الله‌ین مکانیندان) اؤیرنمک ایسته‌ییر. قصر وریندن یئر اؤلچمک اوچون اونا ایکی کؤمکچی گؤندریلیر کی یئر اؤلچمک‌دن هئچ نه بیلمیرلر!

دئمه‌لی کافکا، حقیقتی تاپماق اوچون هر انسانا وئریلن عقل و استدلال قوه‌لرینی تصویره چکمک ایسته‌ییب. آنجاق بونلاردا حقیقتی اؤیرنمک اوچون کفایت ائله‌میر. نهایت کی یئر اؤلچن قصرین اوتاق‌لاریندان بیرینه یول تاپیر. آنجاق بیر دورومدا کی اوندا دانیشماق و دوشونمک اوچون داها گوج قالماییب‌دیر و بئله لیک‌له ده یوخویا گئدیر و اونا حقیقتی دئمک ایسته‌ین کیمسه‌یه الی چاتسادا بیر شئی الده ائده بیلمیر و حقیقتین ال چاتمازلیغی گئنه‌ده اثبات ائدیلیر. “ک.” جنابلاری (یعنی یئراؤلچن، آدی دا مجهول‌لوق سیمگه‌سی‌دیر) کنده گیریشیندن دوز یئددی گون سونرا (یئددی قوتسال بیر عدد دیر) اؤلور! آنجاق اؤلندن سونرا اونا کندده قالماق اوچون ایذین وئریرلر! بوردان بئله آلینیر کی انسان تکجه اؤلوموندن سونرا دینجلیگه ال تاپا بیلر و حقیقت ایسه ائله اؤلومدور. نئجه کی محکمه رومانین دا دا کافکا ائله “ک.” آدلی کیمسه یه بئله بیر اکسپرسیونیستی یاشامی تصویره چکیر و رئالیسمه قارشی طغیان ائدیر. (I Daniel Blake) فیلمین ده ده بئله بیر دوروم تصویره چکیلیبدیر.

شایان انتظاری

یازار: فرانتس کافکا
چئویرن: چرکز قوربانلی

بیشتر بخوانید

رئال بیر داستان ؛ پئدوفیلایا معروض قالان بیر اوشاق

بیر قیز اوشاغی تام مذهبی بیر عایله‌ده دونیایا گؤز آچیر. دوققوز-اون یاش قیزین اؤزوندن بؤیوک اولان …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *