جنبش دانشجویی آذربایجان جنوبی
“قوشلار داها قورخمورلار” کیتابی یازیلمیش تورکجه رومان،رقیه کبیری نین اثرلریندن دیر.
کیتابدا ایکی قیزین،نیلوفر و نرگیز آدلی یاشاماغین تصویره چکیر،بیری سلیمان آدلی کیشیه عاشیق اولدوغو زامان اونون بوتون قوجاقلادیغی خیاللار او کیشیله قاریشیلیر؛او بیری سه یاشاماغینی مکتبلرین قاپیسی باغلاندیقدان سونرا فئرقه دئموکارتا یول تاپماسی اونون حیاتینا یئنی بیر رنگ و قوخو تازالاندیریر.
نیلوفر،نرگیزین حیاتیندان صحبت ائدیر و نرگیزین حیکایه سیله یان یانا گلیر.
آرتیرمالییق رقیه کبیری‌نین اثری «مهرگان ادبی اؤدولو»نون آنادیلینده یازیلمیش اوْلان غیرفارس ایران روْمانی بؤلومونده تقدیره لاییق گؤروندو.
«مهرگان ادبی اؤدولونو»ن یئنی دؤنمینده چوْخ گؤزل بیر حادیثه‌یه شاهید اوْلموشوق: آنادیللرینده یازان غیرفارس ایرانلی یازیچیلارین اثرلری داها «ادبی ترجومه» بؤلومونده یوْخ، بلکه اؤزونه مخصوص آیریلمیش بیر بؤلومده اوْخونوب دیرلندیریله‌جکلر. آنادیللرینده قلم ووروب اؤزلرینی ایران‌ین ادبی توْپلوموندا رسمیّته تانیتدیران قلم صاحیبلری‌نین زحمتلری‌نین نتیجه‌سیدیر بو اتّفاق! نه ده موبارک بیر اتّفاقدیر! بو اتّفاقین بیرینجی دؤورونده، یانی «مهرگان ادبی اؤدولو»نون ییرمینجی دؤورونده «وارلیق» درگیسی‌نین تحریریه عۆضوو، هر ساییمیزین «ادبی نثر» بؤلومونده بیر اثری چاپ اوْلان سایین رقیه خانیم کبیری‌نین «قوشلار داها قوْرخمورلار» آدلی روْمانی باشاری قازانمیشدیر. بو موفقیّتی عزیز رقیه خانیم کبیری‌یه و آنادیلینده قلم ووران بۆتون ادبیّاتچیلارا تبریک دئییب اوغورلار آرزیلاییریق.
رقیه خانیم کبیری‌نین بیر روْمانی دا یاخین گله‌جکده تۆرکیه جومهوریتینده یایینلانیب ایشیق اۆزو گؤره‌جکدیر.
