چهارشنبه - ۱ آبان ۱۳۹۸
خانه / بیانیه / گونئی آذربایجان سیاسی محبوسلارینین مدافعه کومیته سی-(آلمانیا)-نین بیانیه سی + ویدئو و گؤرونتو

گونئی آذربایجان سیاسی محبوسلارینین مدافعه کومیته سی-(آلمانیا)-نین بیانیه سی + ویدئو و گؤرونتو

گونئی آذربایجان میللی حرکتی بیر مدنی و میللی حرکت اولارق ایللردیر کی گونئی آذربایجان تورک میللتینین اینسانی و ایلکین حاقلارینی طلب ائدیر.

سون ایللرده خالقیمیزین آراسیندا میللی اویانیش، گئت-گئده گوجله نه رک، بیر عموم خالق ایسته یی نه چئوریلمکده دیر. بو حرکتین ایستک لری تمامیله مدنی، دمکراتیک و اینسان حاقلاری پرنسیبی اساسلاریندا اولدوغونا باخمایاراق، ایران رژئمی بو ایستک لر قارشیسندا غیر اینسانی و امنیتی داورانیشلاریلا، بوایستک لری تاپدالاماغا چالیشمیشدیر.

ایران اسلام جمهوریتی اوز آپارتاید سیاستلری اساسیندا میللی مدنی اکتیویست لری یاخالاییب ایشکنجه لره و اوزون زیندان جزالارینا محکوم ائتمکله، بیزیم میللی فعاللاریمیزی و عمومیتله میللی حرکتیمیزی سوسدورماغا چالیشیماقدادیر. رژیم، ایرانین آنا یاساسینین ۱۵ و۱۹ ماده لرینین ایجرا اولونماسینی طلب ائدن آذربایجانلی سیاسی ،مدنی آکتیویست لره قارشی ساختا ترافیک قضالارلا، زیندان، ایشکنجه و هابئله باشقا غیر اینسانی یوللارلا بیزیم عدالت سئور اینسانلاریمیزی حذف ائتمه یه ال آتماقدادیر.

ایران رژیمی سون گونلر عرضینده یئنه ده گونئی آذربایجاندا یاراتدیغی امنیتی و بوغونتولو دورومدا بیر چوخلو ضیالیلاریمیزی و اکتیولریمیزی یاخالاییبدیر، او جمله دن تانینمیش میللی فعالیمیز عابباس لیسانی به یی تبریز محکمه اداره سیندن اوغورلویاراق نامعلوم مکانا آپاریب، اونا اوز عائله سی و وکیل لری ایله گوروشمه یه اجازه و امکان وئرمه میشدیر. الیمیزده اولان بیلگی لره اساس، عابباس بی لیسانی یاخالانان گوندن بری ساختا تلویزیونی مصاحبه اوچون ایشکنجه لره معروض قالمیشدیر. عابباس بی لیسانی بیرینجی گوندن بری آجلیق اکسیاسی باشلامیش و بونا گوره ده جسمی و روحی جهتدن چتین و آغیر دورومدا یاشاییر.

بیز ایران رژیمینین بو غیر اینسانی جینایتینی قینایاراق، باشدا سایین عابباس لیسانی بی اولماقلا، بوتون سیاسی محبوسلاری، او جمله دن آزربایجان فعالارینین قید-شرطسیز آزادلیغا قووشمالارینین دوشونجه سینده ییک، دونیانین، اوزللیکله فارس مئدیالاریندان ایستیریک کی، قولاقلارینی و گوزلرینی گونئی آذربایجاندا اولان بو امنیتی و غیر اینسانی دورما یومماسینلار و آذربایجان مدنی ،سیاسی اکتیویست لرینین و عابباس بئی لیسانی حاققیندا گئدن بو جنایتین خبرینی اجتماعیته چاتدیرسینلار.

گونئی آذربایجان سیاسی محبوسلارینین مدافعه کومیته سی – آلمان

بیشتر بخوانید

اردوغان: اظهارات برخی مقامات ایران مرا ناراحت کرد.

اؤیرنجى : رجب طیب اردوغان، رئیس‌جمهور ترکیه پیش از سفر به روسیه گفت اظهارات برخی …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *