خانه / آذربایجان / یئنی نسل، مئیدانی چالیشما و خورداد اولایلاری / افشار محب

یئنی نسل، مئیدانی چالیشما و خورداد اولایلاری / افشار محب

 

۱۳۸۵-اینجی ایلدن بری، آذربایجان میللی حاقلاری اوزره بیر نئچه بیلدیریش و سی دی شکلینده اولان سندلی فیلم و میللی حرکتله باغلی ایشله نیلن کیلیپ لر،چئشیدلی یوْللارلا بیزیمده قاپیمیزین آرخاسینا یوْل تاپمیشدیر.
بونونلادا بیزلر میللی حاقلاریمیزلا تانیش اولوب او حاقلاری ایسته مه یی اؤیره نمیش دیک.

بو یاییملانان گئجه لیک بیلدیریلری و پایلانیلان سی دی لر، بیلگی لرله دولو ایدیلار و اونلار، میللی حرکتله یئنی تانیش اولان و یئنی نسلی, موباریزه و ساواش یوْلوندا داهادا جیددی آتدیم آتماغی، جسارت لنمه یی و میللی اؤزگوون و میللی غرور قازانماغی اؤیره دیردی.

او گۆنلر بیر اۆزۆجۆ خبر آذربایجان توْپلومونو چولغالاییب هامینین هیجان و ایلتیهاب لارینی چوخالتمیشدی. دولتین ایران قزئته سینده چکیلن بیر کاریکاتورلا تۆرکلری آشاغیلاییب، آلچالتمیش دیرلار.
او اوزدن ایران و آذربایجاندا یاشایان تۆرکلرین میللی دویغولاری یارالانمیش دیر و اووزوجو، اؤفکه لی بیر دوروم یارانمیش دیر.

بئله اولدوقدا آذربایجانین میللی فعال لاری، میللی آیدینلاری ،ائلیت ،یازیچی و اؤیرنجی لری بو مساله یه اعتراض لارینی بیلدیریب و میللتی ده سفربر ائتمه یه و بؤیوک بیر اعتراض ائیلمین یارانماسینا زمینه یاراتمیش لار.

بیزلرده گنج میللتچی اولاراق هیجان و اؤفکه دولو بیر اورتامدا، اؤنده گئدن بؤیوک لریمیزدن الهام آلاراق, مدنی اعتیراض ائتمه یه حاضیرلاشمیشدیق. خیاوانلارا چیخیب میللی حاقلاریمیزی باغیرتی لارلا سؤیله مک قرارینا گلمیشدیک.

او گۆنلر بیر چاغیریش بیلدیریشی اردبیلین هر بیر بوجاغیندا گؤزه چارپیردی. او بیلدیریده هر بیر آذربایجان تورکونو خورداد آیینین آلتیسیندا خیابانلاردا حاضیر اولوب و اعتراض گؤسترمه یی حاقدا بیلگی لر وار ایدی.

بئله لیکله او شانلی گون گلدی و میللت بؤیوک و قالارغی بیر حماسه یاراتدی.
عابباس بی لیسانی نی ایلک دؤنه اوردا، میللت ایچینده، اردبیلین شریعتی و ایمام خیاوانینین اوْرتاسیندا یاخیندان گؤردۆک. اینانیلماز بیر چیخیش و روح وئریجی سؤزلر….

بو تاریخی و اونودولماز حماسه دن آلدیغیمیز درس و اله گتیردیگیمیز سوْنوج، حقیقی و پراتیک ایشلرین ائتگیلی و گوجلو اوْلدوغونو آچیق-آیدین دویماق و دریندن آنلاماق اولدو.

و سونوندا وورغولامالی یام ومیللی فعال لار یالنیز سانال دونیاسیندا چالیشمامالی دیرلار، گرچک دونیا و مئیدانی حرکت لره دایاناراق هر زامان میللی حاقلاریمیز اوزره اؤنه آتدیملاییب و حماسه لر یارادا بیله ریک.

بیشتر بخوانید

اقرار استاندار آزربایجان شرقی به حاشیه نشینی ۲۵ درصد مردم تبریز!

اؤیرنجى : استاندار آزربایجان شرقی اعلام کرد‌ به خاطر نامناسب بودن طرح‌های مسکن که تا …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *