خانه / آذربایجان / ‍ اؤنده گئدن اؤزگۆر دوستاق لارا سوْنولور / سیامک میرزایی

‍ اؤنده گئدن اؤزگۆر دوستاق لارا سوْنولور / سیامک میرزایی

گؤوده‌سینه دمیر تئللر اکیلن آغاجا باخدیقدا ایلک بتیم، آراز چایی بوْیونجا بیر اولوسو ایکییه بؤلن تیکانلی تئل‌لر و اوتای- بوتایدا اسیرلییه باش قالدیران اوووج لارین، ایچینده آغریلارینی، جوْشقو و اؤفکه ایله سیخان بتیم گؤز اؤنۆمه گلمک‌ده‌دیر.

اؤن جبهه‌ده دیره‌نن آغاج‌دیم – دیک دوروشوغویلا تیکانلی تئل‌لره مئیدان اوْخویور، آجی ایله سوواریلان دمیر تیکانلار گؤوده‌سینی دئشیب، وارلیغینی آجیتسادا، ایچینده کی هایقیران باش قالدیری اؤلچۆسۆنۆن اؤنۆنده سایا بیله گلمز.
اوْ دؤنۆب آرخاسینا باخمادان اؤنۆنده قورولان ظالیم سینیری قیرماغا جان آتیر، دایانیر و دیره‌نیر بۆتۆن حاقسیزلیق‌لارا. آرخاسینداکیلاری تئل‌سیز، چپرسیز یاشاتسین دئیه، اؤزۆنۆ آجی‌یا، تیکانا، چپره چیرپیر. تکی هامی یاشیل دوْن گئیینسین سوْنسوز ماویلییین تاوانسیز هاواسیندا، آل اۆرک، اسریک وارلیغیلا گۆنش سیمگه‌سینه باشینا دوْلانسین، اؤزگۆرجه‌سینه اوْیناسین و تاپینسین اینسانسال اوْجاق‌لارین ایشیقلیغینا.

اوْنلار گۆنشی آرایان ایشیق توْنقال‌لاری‌دیرلار، گۆنشی دۆشۆنۆب ده گئجه‌لرین کوْر پرده‌سینی یاندیرماغا چیخمیش‌لار ییلمازجاسینا، ایچ‌لرینده کی گئجه ائوجیکلری، قیزیل یاروق‌لارین تئللرینه تاپشیرمیش‌لار.
قوْی ایشیغا بۆرۆنسۆن بۆتۆن حۆجره‌لریمیز، پارلاسین تۆم وارلیق‌لاریمیز،
قوْی قیریلسین قارانلیق ناغیللارین آجیماسیز توْرو، قوْرخونج بویوسو.

اوْنلار قیزیل قفسین نفس‌لرینی کسسین‌لر دئیه، گئنه‌له‌نن اسارت یاشامین یوخولارینیا حارام قاتیرلار، آجیلارا سینه گریرلر و آیدینلیق یوْلونا دؤشه‌نیرلر.
البت بیر گۆن گۆندۆزلره کؤچه‌جک‌لر،
یاز سسینه دؤنه‌جک‌لر.

بیشتر بخوانید

استقرار ارتش آزربایجان در جاده قامیشلی کلبجر در مرز ارمنستان

اؤیرنجى : طبق تصاویر ویدئویی گرفته شده توسط سربازان ارتش آزربایجان در حال عبور از گردنه …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *