چهارشنبه - ۴ اردیبهشت ۱۳۹۸
خانه / مقاله / ‍ یولا دوشمک یوخسا یولا چیخماق / سیامک میرزایی 

‍ یولا دوشمک یوخسا یولا چیخماق / سیامک میرزایی 

سیزجه هانسینی قوللانماق دوغرودور ؟

دیلیمیز یاساق اولدوغو اوچون تکجه رسمی و اداری آلانلاردا دئییل ، دانیشیق دیلیمیزده ده فارسجانین هئگمونیاسینی گورمک اولار .

کوتله دیلینده سایسیزجا یئر آلان فارسجا سوزجوکلری قیراغا قویدوقدا بیر سیرا تورکجه سؤزلر اؤز یئرلری و اؤز آنلاملاری دئییل فارسجادا اولان سوزلره قارشیلیقلی اولاراق قوللانیلیرلار .

اؤرنه یین ساخلا سوزجویو قورویوب گیزله مک آنلامیندا اولارکن دیلیمیزده تئز – تئز آرابانی دایاندیرماق ، دوردورماق یئرینده یانی فارسجادا اولان نگهدار سوزجویونون قارشیلیقلیغیندا ایشله نیر .

بونلاردان بیریسیده دوشمک سؤزجوگودور .

دوشمک بیردن – بیره اوست دوزئیدن آشاغی دوزئیده یئر آلماق آنلامیندادیر ، فارسجادا افتادن دئییلیر .

ائنمک ایسه تدریجا اوستدن آشاغییا یئر آلماق آنلامیندادیر .

آنجاق بو گونلر آرابادان ائنه جم یئرینه دوشه جم سوزونو داها آرتیق ائشیتمکده ییک .

اسکی تورکلر یوکسکلیگی سئویب اوجالیقلاری قوتسال بیلرمیشلر .

اونا گوره ده اوجا تانری سوزونو تئز – تئز ایشله درمیشلر .

اونلارجا اوجالیقدا اولگن تانری ، ایشیقلیق ، تمیزلیک و خیر یئر آلیرلار .

یول سؤزجوگوده قوتسال سؤزجوک اولموشدور .

اونلار یولو یوکسکلیگه اوجالیغا و ایشیقلیغا دوغرو گئدن بیر مسیر کیمی قاوراییرمیشلار ائله او اوزدن ده اسکی زامانلاردا یولا چیخماق سؤزونو ایشله دیرمیشلر .

یانی مقصد یوکسک یئرده اولدوغوندان اونا چیخمالیمیشلار.

ایندیده چوخ یئرلرده یولا چیخماق یئرینه یولا دوشمک سؤزو فارسجانین راه افتادن سؤزو قارشیسیندا قوللانیلماقدادیر ، هالبوکی اونون اسکی آنلامینین تام ترسینه یانی آشاغی دوزئییه ساری گئتمک آنلامینی داشیماقدا اولور .

 

بیشتر بخوانید

‍ ‍ پدران و مادران امروزی ؛ ترس و راحتی امروز ما ، آینده فرزندانمان را سیاه خواهد کرد / مختار ابراهیمی

  هر روز که از استعمار این سرزمین می گذرد از تکه های غذای سر …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *