خانه / اخبار / ‍ ‍ شعری برای عباس لسانی / محمد تبریزلی

‍ ‍ شعری برای عباس لسانی / محمد تبریزلی

نئچه ایل اؤنجه (سهو ائله میرم‌سه ۱۳۹۰نجی ایل) سولدوز شهیدلرینین ایل دؤنومو مراسیمینه عباس بی لسانی‌نین‌ده قاتیلدیغی اوچون بیر شعر دئمیشدیم، او یئنیلمز قهرمانیمیزین میللی دوروشونا گؤره پایلاشیرام.

من‌ده بیر آذربایجان وطن‌داشی اوْلاراق عاباس بی لسانی و باشقا میللی فعاللاریمیزین ان یاخین زاماندا بوراخیلماسینی ایسته ییرم.

 

” سولدوزا مئهمان گلیر ”

 

سولدوز آچ باغرینی گؤر بیر نئچه مهمان گلیر

سورو بوْزقورد سوروسو باشدا سلیمان گلیر

 

سن کی تبریزده قوْپان سسلره سس وئرمیش‌ایدین

سن کی یورد اوغرونا ایللر بوْیو قان وئرمیش‌ایدین

سن کی کیملیک ساواشین یاخشی ادا ائتمیش‌ایدین

 

ایندی سیل گؤزلری ائللر سنه قوربان گلیر

گول کی دونیا گؤره جک یوردونا آسلان گلیر

 

سن ازلدن گؤزه‌لیم غئیرته کان اوْلموش‌سان

سن یئنیلمز قالاسان جانیما جان اوْلموش‌سان

سن اوْجاقلار اوْجاغی وارلیغا وار اوْلموش‌سان

کؤمه یین تانری اوْلوب تانرییا یار اوْلموش‌سان

 

ایندی ائو صاحیبی سن ائولره مئهمان گلیر

سیل او گؤز یاشلارینی سولدوزا ائلخان گلیر

یئنه باس باغرینا کی بابکه بیر تای گلیر

 

سولدوزوم ائللریوین حالین آنیبسان بیلیرم

گؤزه‌لیم دونیایا ایلقار جالاییبسان بیلیرم

سولدوزوم حؤرمتی باشدان آشیریبسان بیلیرم

سولدوزوم ائل اوْبا اوستونده یانیبسان بیلیرم

سن کی جاندان اؤترو جانی قوْیوبسان بیلیرم

 

ایندی چیخ قاپ – باجایا سولدوزا مئهمان گلیر

ائله حئیران، منه درمان، سنه قوربان گلیر

 

بیشتر بخوانید

غلام قلیزاده ؛ فعال ملی آزربایجانی محبوس در زندان اورمیه آزاد گردید.

اؤیرنجى : غلام قلی زاده فعال ملی آزربایجانی محبوس در زندان اورمیه که در حال …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *