خانه / آذربایجان / TRT وئبسایتینین آزربایجان بؤلومو ؛ “حسن بی دمیرچی” ایله آرتیق تانیش اولاق

TRT وئبسایتینین آزربایجان بؤلومو ؛ “حسن بی دمیرچی” ایله آرتیق تانیش اولاق

آزربایجانین مشهور آکتیویست و صنعتچیسی حسن بی دمیرچی نین وفاتیندان بیر ایل کئچدی.
حسن بی دمیرچی کیم ایدی؟
آرتیق تانیش اولاق.

حسن دمیرچی و حسن آذربایجان آدیلا مشهور اوْلان حسن هرگلی آذربایجانلی یازار، شاعیر، موسیقییچی و میللی مدنی فعال دیر. ۱۳۲۰-جی گونش ایلینده تبریزده آنادان اولوب. رسمی آدی حسن هرگلی یا حسن هرگولودور.

شعرده دمیرچی تخلص ائدیب و ائل ایچره حسن آذربایجان دئیه مشهور اوْلموشدور. گنج یاشلاریندا آرابا دمیرچی لیق شغلون سئچیب سوْنرالار دمیر آلوئرینه گیریر.

دمیر آلوئرچی لیغیندان دا شخص سرمایه گذار کیمی ساختمان صنعتینه اوز گتیریب بۇ حوزه ده تبریز ده نئچه مسکونی و تیجاری واحیدین بانی سی اوْلوبدور.

تبریزین ابوریحان مئیدانیندا یئرلشن آذربایجان پاساژینی او تیکدیریبدیر. او بۇ زامانلار اهالی و امکداشلاری طرفیندن حسن دمیرچی آدیله مشهور اولور،آنجاق ائل ایچره داشیدیغی آذربایجانچیلیق مفکوره سی و بۇ یولدا گؤردوغو ایشلر و وئردیگی هزینه لره گؤره آذربایجان لقبین قازانیبدیر، میللت اونا حسن آذربایجان دئییر. ایکی قیزی و ایکی اوغلو واردیر.

اینجه صنعت و هنر ساحه سینده فعالیتلری:
حسن آذربایجان، گونئی آذربایجاندا آذربایجان کلاسیک و موغام موسیقی سینده گؤرونن ایشلرین هسته سینده یئرلشن شخصلردن دیر.

او ۱۳۶۵-جی گونش ایلینده تریزده دوْکتور زهتابی نین ایشتراک ایله قورولان آذربایجان مدنییت اوجاغینین موسیقی بؤلومونون مسولو سئچیلیر.

بو مسولییته گؤره او وظیفه لنیر آذربایجان موسیقیسین گونئی آذربایجاندا تاندیریب و یاییسین.

بو اساسدا ۱۳۶۵-جی گونش ایلینده تبریزده آذربایجان آدینا موسیقی مکتبی آچیر. رحمتلیک سلیمی و باشقالارین موسیقی مکتبلرین آچیلماغیندا وار گوجو ایله مادی و معنوی یاردیم لار گؤستریر. آذربایجان آدینا قورولان موسیقی مکتبینده تار، کامانچه، قارمان،قارا زیرنا، قاوال، پییانوو باشقا سازلار همچنین ماهنی اوخوماق و رقص ده اؤیرنیلیردی.

حسن آذربایجان بۇ ایش ایله آذربایجان موسیقی سین جانلاندیرماقدان علاوه چوخلو موسیقی اوستادلارینا ایش ایمکانی ده یاراتمیشدی.

بونلاردان علاوه او هر زامان ائلین و آذربایجان تورپاغینین قایغیسینی چکیب بوتون یاس و شادلیق مراسیملرده بوی گوستریب و ائلین آزارکشی اوْلوب. او چوخ یاردیم سئور بیر اینسان اوْلوب ائله کی ورزیقان ترپه مینده (زلزله) هر قوروم و قروپدان اونجه مللتین هارایینا قاچیب و آیلار بویونجا خسارت آلانلارا مادی معنوی یاردیم گوستریب و ایران حاکمیتی بونا قاتلانماییب و قارشیسینی آلماق اوچون اونو سودان بهانه لرله حبس ائدیبدیر.

سیاسی ـ اجتماعی چالیشمالاری:
گونئی آذربایجاندا ایجتیماعی، هنری، میللی فعالییت لره ایله باغلی اینقلابدان قاباق و سوْنرا نئچه یول ایران دؤولتی ال ایله توتوقلانیب، حبس لر چکیبدیر. او ۱۳۹۲-جی ایلین آبان آینین ۱۳-ده تبریز اینقلاب دادگاهی نین وریندن توتوقلانیب تبریز زیندانینا سالینیب دیر. او قارداغ زلزله سینده آسیب گؤرن اینسانلارا یاردیم ائدیب یاردیم توپلاماق جرم ایله جزالانیر.

حسن بی دمیرچی ۱۳۹۷-جی ایلین تیر آیینین اوچونده تبریزین عالی نسب خسته‌ خاناسیندا دونیاسین دییشیر.

 

 

بیشتر بخوانید

قابلیت‌های شگفت‌انگیز زبان تُرکی و آرزوهای برباد رفته پان‌فارسیسم / محمد رحمانی فر

  قابلیت‌های شگفت‌انگیز زبان تُرکی و گستره فرامنطقه‌ای آن، چیزی نیست که به مذاق دشمنان …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *